Izaía 24:18 - O Mikanda Ikola

¹⁸ Kienhokio-phe, uoso ua kèla, iza ngi lenge kibulukutu, ua kà laúka mu diela, o kiela ngi tunda mu diela, utudila mu mùkala, ua naminina; mukonda bhulu jinjanena a ji jikula, bhoxi, madisesa ma tunguta.

Izaía 24:18 ပူးပေါင်းရင်းမြစ်များ

Dimatekenu 19:24

Kienhokio Jihova anga u nokesa xofidi ni túbhia ku thandu dia Sodoma ni ki thandu dia Ngomola, tua laúka kua Jihova ku diulu;

Dimatekenu 7:11

Mu muvu ua Noué ua kutenesa hama jisamanu ja muvu, bhu mbeji iê ia kaiadi, kizuua kia kuinhi ni sambuadi ku mbeji, kizuua kienhókio majiia ma mukiukuluku ma baza, o mazungu a diulu a jikuka,

II Jisobha 7:2

Maji-phe, kabhitangu kamoxi, muthu ene ku mu xamenena ku lukuaku luê kuala sobha, u vutuila muthu ua Nzambi, uixi: Tala, né-mbe hanji Jihova ua bhangele jinjanena ku diulu, o kiki ki xikina ku di bhanga? Muene-phe, uixi: Tala, ua-nda ku ki mona ni mesu mê, maji o kuene-phe kua-nda kúdia-ku.

Jobe 20:24

O kia kà lenga mata a utadi ua felu, mufula ua ngôndo ua kà mu tundidila kumbandu ia mukuá.

Jisálamu 18:15

Koxi a menha anga ku moneka ni kioso ki enda jihonga jê, kibumu kia xala mu kanga katé ku disesa diê, mukonda dia kubazela kué, u Jihova, mukonda dia muha u fuafua mu mazuluʼé.

Jisálamu 18:7

Bhenhobho ixi i tunguta, hé i teketa; madisesa ma milundu ma setuka bhu kididi; kua teketa mukonda njinda ia mu kuata.

Jisálamu 18:8

Mu mazulu mê mu fuafua dixi, o mu kanu diê mu tuka túbhia tuia ni kuaúla; tu uika muene makala.

Ndongixi 9:12

Ni kuila ue o muthu kʼejiia o thembu iê; mukua ni jimbiji kia ji tamba ni uanda ua usuéia, kala o jinjila ki ji fua bhu mubhetu, kiene ue ki fua o anʼathu mu jithembu ja bhônzo, kioso muʼanzanzʼumu ki ji a tukumuisa ku thandu diâ.

Izaía 13:13

Kienhiki, maúlu nga kà a tungutisa; o ixi ia kà sondoloka bhu kididi kiê, mukonda dia njinda ia Jihova dia Ilombo Ieta, ni mukonda dia kizuua kia njinda iê ia muzukuta.

Izaía 2:19

Kieneʼokio athu a kà bokona mu mabanda a matadi ni mu makungu bhoxi, mukonda dia kutukuluka kua Jihova kukola, ni mukonda dia fuma ia unéne uê, kioso muene kia kà balumuka phala kudiuanesa oxi.

Izaía 2:21

Anga a kà di-suetesa ni ku di xinjika mu misula ia matadi, ni mu mitanji ia matadi a makota, mukonda dia kutukuluka kua Jihova kukola, ni mukonda dia fuma ia unéne uê, kioso muene kia kà balumuka phala kudiuanesa oxi.

Izaía 42:22

Maji o athu iá, athu ònhane, óbhunde; ene oso a a kutila mu jingenda, ia a a sueka mu jinzu ja makuikilu; a a bhange mbole, u a kudila ka moneka; ela kala imbamba ia kubhunda, ki bhuala uila: Vutula, nguetu!

Izaía 8:14

Bheneʼobho-phe muene ua-nda ku di-bhanga dibhezelu dienu di kôla; maji ua kà di bhanga ditadi dia kidibhukanu, ndanji ia iẋanju ku mabhata maiadi ma Izalaiele; ua kà kituka mubhetu ni múkala phala iá a tungu mu Jeluzaleme.

Jelemiia 48:43

Ni uoma, ni dikungu, ni dibhebhe, iá eza ku thandu dié eie ua tunga bhu Mouabhe, Jihova ua ki tange.

Jelemiia 48:44

Uoso u lenga ku uoma, ua kà di bhala mu dikungu; o ió u tunda mu dikungu, ua kà fua bhu dibhebhe; mukonda nga-nda kubheka ku thandu dié, ku thandu dia Mouabhe, o muvu uê ua ku mu zungila, Jihova ua ki tange.

Kuditenda 3:47

Kua tuiza kingûmba ni diêla, kusenguluka ni kubuika.

Izekiiele 11:8

Muala ni uoma ua xibhata, xibhata-phe nga-nda ku mi bhekela naiu ku thandu dienu, Jihova Nzambi ua ki tange.

Izekiiele 12:13

O uanda uami ue nga kà u tandeleka ku thandu diê hé a mu kuata mu dibhebhe diami; anga nga kà mu bheka ku Babilonha, o ixi ia akua Kaldeia, maji ka kà i mona mesu, sumbala ua kà fuila momo.

Izekiiele 15:7

Hé nga kà lungisa o pholo iami kokuâ mu ku zoka-nâ; ene a-nda kua kà fomoka mu túbhia, maji o túbhia tuanda kua kà a jikinisa; anga mua kà kʼijiia kuila eme muene ngi Ngana, kioso ki nga kà lungisa o pholo iami kokuʼâ mu kuzoka-nâ.

Amoji 5:18

Kokolo dia ió oso a mu kuinda kumona o kizuua kia Jihova! Kizuua kiki kia Jihova, enu mua ki mesenenaʼhi? Mukonda kia kà kala kizuua kia kitombe, ki kia mukengeji, kana.

Amoji 5:19

Kia kʼèla mukuâ ni muthu kia lenga hoji, hé u takana ni kitôto; mba-phe kia di fu ni muthu ualengela mʼonzo, o mu ku tula lukuaku ku mutôto, nhoka anga i mu numata.