Izaía 24:16 - O Mikanda Ikola

¹⁶ Ku maẋokololo maʼxi tuevu-ku ià emba mikumbi ia kufumanesa Muthu Uaiuka; maji eme ngedi: Uaué, enu malʼé! Nga bhele, nga tunuka! Akua-mangonha a bhange ufe! kiene muene, akua-mangonha a bhange muene ufe ua nzungule!

Izaía 24:16 ပူးပေါင်းရင်းမြစ်များ

Jisálamu 106:15

Muene anga u a bhana kia Seme o vondadi iâ, maji ua a bhana ue kukonzama kua mixima iâ moxi.

Jisálamu 119:158

Ki nga mono ió a dianguka, eme kia ngi iibhila muene; mukonda ene ka mu kualuka o maka mé!

Jisálamu 2:8

Ngi bhinge, phalʼeme ngi ku bhane akua jixi ku avua, a kale undundu ué, katé ku maẋokololo mu ngongo.

Jisálamu 58:10

Uaiuka-phe hinu u ki sakidila, kia mona o kaxtiku kâ; hé u sukula o inama iê mu manhinga ma isuéia.

Jisálamu 65:8

A tunga ku makanga a kala ni uoma ua isuma ié; ni ku tundilu dia dikumbi, ni ku tudilu, eie-muène u a bhana o kusanguluka.

Jisálamu 67:7

Xi, Nzambi u tu bhana muene dibesá; mbé ene oso, katé ku maẋokololo, a mu kale ni uoma.

Jisálamu 98:3

Ua xinganeka o henda iê ni kidi kiê, mu kutambula konda ia dibhata dia Izalaiele; katé ku maẋokololo a jixi, uzonda ua Nzambi ietu a u mono.

Makatukilu 15:11

Ku jinzambi nanhi muene u soka ni eie u Jihova? Mukuenu nanhi u kôla kiki mu kuzela ni kuiuka, kilamba ki kuata uoma, mukua kubhanga madiuanu?

Izaía 10:16

Kala kiki, O Ngana, Jihova dia Ilômbo Ieta, ua kà bheka dibhèlu kua oso a nete muʼaxaxi kâ, o bhoxi dia kizunda kiâ ua kà uikabhu túbhia kala kitumba kia uama.

Izaía 11:12

Ua kà leka o mvela muʼaxaxi ka akua jixi; akua Izalaiele a a balakalele ua kà a ongeka, u bhongolola ue akua-Juda a di-muangene tunde ku hota jiuana jaʼxi.

Izaía 17:4

Bhu thembu bhenhobho kijingo kia Jakobo kia kà tunuka, o kuneta kua jixitu jê kua kà mu-bhua.

Izaía 21:2

Kisunji kiaiibha kia ngi londekeza; mukua-ufe u bhanga o ufe uene, o mubuikixi uenda ni ku buikisa; banda, eie Elame, konda kuene kuoso, eie Mediia, kuma mikemu iê nga i bhuisaku kiá.

Izaía 26:15

Eie Jihova, mundu iú ua a sokolola, ua u vudisa muene: Nʼeie ua jingi dingi kiengi; maji o ki uiza-ku-phe, ua a tande dikanga, katé ua a uanena ku maẋiokololo moso maʼxi.

Izaía 28:5

Mu kizuuʼokio, Jihova dia Ilômbo leta, u di bhanga kitundu kia fuma ni dilènga dia iuka di kembesa o masubhu ma mundu uê;

Izaía 33:1

Kokolo diê u mubhundi, sumbala ene ka ku bhundu, athu ka ku bhange ufe, eie u a bhanga ufe! Kioso-phe ki u zubha kubhunda akuenu, eie ue a-nda ku ku bhunda; kioso ki u zubha kubhanga ufe ku akuenu, eie ue bhu kala o ku ku bhanga ufe uene.

Izaía 42:10

Imbilenu Jihova mukumbi uobhe, o diximanu diê diende muene ni ku tokomoka tundé kua suku oxi; teketenu enu ue mua mu kuendela ku thanduʼa kalunga mu jinaviiu ni ima ioso iene-mu, nʼenu ue mu ikolo ni oso a tunga-mu.

Izaía 48:8

Iene-phe eie kuaʼivua, kua ʼijiia, kana; né ngó o dítui dié ki dia jikukile luua, kuma nga kʼijiia kuila ueje kubhanga ufe, mukonda u muxibhaki, u mutondadi, tundié mu mala.

Izaía 52:10

Jihova ua funha lukuaku luê lu kôla bhu pholo ia ifuẋi ioso; o maẋokololo moso maʼxi ma-ndu mona ubhulukilu ua tundu kua Nzambi ietu.

Izaía 6:5

Bheneʼobho ngixi-phe: Kokolo diami! Eme ngafu-ó! Mukonda ngi muthu nga xidi mu kanu, eme nga tunga muʼaxaxi ka mundu ua kasana o dikanu, o mesu mami ia a mono Muenexi, Jihova dia Ilômbo Ieta!

Izaía 60:21

Ene oso ku mundu ué a kà kala athu aiuka; ene a kà lundula oxi katé ku hádia ni hádia; a kà kala thangu ja ubhe ji nga phaphe eme, kikalakalu kia maku mami, phala eme a ngi ximane.

Jelemiia 12:1

Eie, U Jihova, u lungʼé, né-mbe ngedile ngi bokona nʼeie mu kufunda; hanji-phe u ngi zuelesa ku mabatuilu Phalahi isuéia a kala ni kubhanduluka mu njila iâ, anga a laia ni kutululuka, ió oso a bhanga kiaiibha ni usuangi?

Jelemiia 12:6

Kuma-ze katé ni jiphange jê, ni dibhata dia tatʼenu ala ku ku kuata ngó kafua-ku-pholo; ene muène ala ku ku kolela kuema dié ni mázui ma suina: Kana-phe ku a dielela, né-mbe a kuambela muene ima iambote.

Jelemiia 3:20

Mukuâ ni phèke-phèke ia muhatu u di-ambudisa ni munumʼiê, kiene ue ki ua di-bhange uphèke-phèke phalʼeme, eie u dibhata dia Izalaiele, Jihova ua ki tange.

Jelemiia 5:11

Mbata dibhata dia Izalaiele ni dibhata dia Juda a ngi kitukila ni ufumbe uavulu, Jihova ua ki tange.

Kuditenda 1:2

Usuku uoso ua kudila kinhenge; o masoxi mê a kuata kunguluka jinga ngó mu pholo; o muʼaxaxi ka makamba mê ki muala ngó u mu konda dilamba; o makamba mê moso-lolo ma mu bhange ndunge; a biluka muene jinguma jê.

Hozeia 5:7

Kuma Jihova a mu bhange mangonha, mbata a vuala anʼa jiphànda; mu kindalʼu-mu, ki moneka mbeji, a kà buika ni ima ioso iala na-iu.

Hozeia 6:7

Maji ene o kikutu a ki matuka, kala kia bhange Adá; ia a ngi balukila, ni ku ngi bhanga phulu.

Ijila 26:39

Akuenu oso asubhúka-ku, kikote kia kà a hohesa mu jixi joso ja jinguma jenu, kia kà banza o ituxi iâ, o kia ta-ku o dibuaha dia ikuma ia jitata jâ, muthu iu bhele ngohʼú.

Mikeia 5:4

Muene anga ua kà nangenena, ifuẋi anga ua kà inga mu nguzu ia Jihova ni mu ungana ua dijina dia Jihova Nzambi iê! Ene uâ a kà kala bhua kondama, mukonda kindala muene ue a kà mu zangeleka katé ku aẋokololo kua suku oxi.

Habakuke 1:13

Kuzela kuene, Ngana, ku mesu mé, kuma Eie kutené kuiala ima iaiibha mba kutonginina kioso athu kiala kutatesa akuá; abha-phe, Ngana, u lendukila kiebhi athu a bhanga kiaiibha, anga u dixibha muene kioso mukua ituxi kia minha ió ua beta kuiuka kiambote, o muene ndenge?

Habakuke 1:3

Phalahi u ngi muesa o ufusa ni lusebu, anga u ngi bhangesa kutala ungulungumba? Kuma ku pholo kua ngi xikamena kibuika ni kubhondalala; sai ue a vulumuna jimvunda ni ku kuata kuzoka.

Marku 13:27

Muene ua ka tuma ji-anju je ni ji bhongolole athuʼê angene ku mbandu jiuana ku tunda o kitembu, tunde kua suku oʼxi kate kua suku o diulu.

Jipoxolo 13:47

Kuma kiene kia tu tumu Ngana, uixi: Eme nga ku xikika mu kukala u mukengeji ua akua matumbu, eie ua ka bheke mu ngongo ioso o kubhuluka, katé ku maẋokololo.

Dijingunuinu 15:3

Anga emba o muimbu ua Mozé, ngunza iangene ia Nzambi, ni muimbu ua Kambudi, exi: Eie Ngana Nzambi, Muteni-a-Ioso, o ikalakalu ié kukula kuahi, ikalakalu idiuanesa kinéne! Eie, Ngana, u Sobha ia miji ioso, o ixinganeku ié kuiuka kuahi, ima ioso i u sola kubhanga, ia kidi!