Izaía 24:13 - O Mikanda Ikola

¹³ Mbata oxi kiene kia ia-nda ku kala, ni ku matutu, ni muʼaxaxi ka mundu iú, mukua ni muvide kia u lalumuna ibundu, mukua ni jisuênge, kʼibhua o kumuna jiuva.

Izaía 24:13 ပူးပေါင်းရင်းမြစ်များ

Izaía 1:9

Se o Jihova dia Ilombo Ieta ua kambele ku tu xila tumbalu-mbalu, eji ku tu buikisa kala Sodoma, tueji ku di fuangana ni Ngomola.

Izaía 17:4

Bhu thembu bhenhobho kijingo kia Jakobo kia kà tunuka, o kuneta kua jixitu jê kua kà mu-bhua.

Izaía 27:12

Anga kia kà kala-phe kiki, kuila: Mu kizuua kiná, Jihova kia kà bhiata o idima iê, tunde ku mixinji ia ngiji, katé ku honga ia Ijitu, enu uenu, mu anʼa Izalaiele, a kà mi nona mu umoxi-umoxi.

Izaía 6:13

Maji se mbandu ia kakuinhi i subhuka-mu, a kà i buikisʼé dingi; mukuá ni mukaluvádiu, mba muzinhela, kioso ki i lalumuka mafe, hanji uemanʼé; kiene ue, o mbutu ikôla.

Jelemiia 44:28

O oso a-nda kua kà subhuka ku xibhata, a kà tunda mʼoxi ia Ijitu mu ku vutuka mʼoxi ia Juda, maji a kà kala ngó ofele mu ku alula. Phala o masubhu a subhuka kua Juda, ia a bokona mʼoxi ia Ijitu phala kunhunganena momo, a kà kʼijiie mba kizuelu kiebhi ki nangenena, mba o kiâ ene mba o kiamiʼeme.

Izekiiele 7:16

Kua kà subhuka ngó oso a kà subhuka momuʼâ, maji a kà di uanena ku milundu uila membe a jihonga, ene oso a kuata o kukema muthu ni muthu, mukonda dia kuiibha kuá.

Ijila 19:9

O ki mu muna ue mábhia menu mʼoxi ienu, kana kumuna katé mu jithungi ja ikombolo mua suku o díbhia, mua zubha-mu; o masa a bhiti ni kusonojoka mu kumuna, eie ue ku ma bonge dingi.

Mikeia 2:12

Ni kidi kiene, hádia ngi ku bhongolola ni kivimba kioso, eie Jakobo; ni kidi muene, hádia ngi bhongolola o mbandu ia Izalaiele ia xala-bhu; ene oso nga a bhongolola anga nga ongeka bhu kididi kimoxi kala jimbudi ja Bozola; ela kala kilunga kiala muaxaxi ka kibhanga kiâ; ki nga a bhongolola a kà lunguta ni kuta jibuia javulu mukonda dia mundu kuvula.

Mikeia 7:1

Kokolo diami! Kuma ngedi kala kiene mu kukanza o ibundu bhu thembu ia ku muna, ngedi kala ibundu bhu kixibhu iaxala mu a kanze kiá! Ni kisaka kia ji-uva ngó phala kúdia ki ki moneka dingi, mba tufiku ngó tua xalela, tuene kuinda o muenhu uami.

Matesu 24:22

Maji o Ngana Nzambi, izuua ienhoio ia phaxi, ua i tolesa. Mbata o izuua ienhoio, se a kamba ku i tolesa, kana xitu i bhuluka. Maji mukonda-phe dia akua Nzambi ósole, izuʼuoio a kà i fikisa.

Dijingunuinu 3:4

Maji sai-phe ni athu u uala-nâ mu Salade, a kambe kukasanesa o izuatu iâ. Enhó hinu enda ni eme-muène mu izuatu izela, kuma kia a fuama.