Izaía 24:10 - O Mikanda Ikola

¹⁰ Mbanza ia xala ngundu, kiki ió bula-bule, jinzo joso muene ja ku jika, ki bhuala dingi u tena kubokona.

Izaía 24:10 ပူးပေါင်းရင်းမြစ်များ

Dimatekenu 11:9

Kiene ki bhua xalela dijina dia Babele; mukonda Ngana bhenhobho bhua bhidikila o kuzuela kua athu mu ngongo; Ngana bhene bhua a muanganesa mu jixi joso kulu dia mundu.

II Jisobha 25:4

bhenhobho o mbanza a i bulu, o makuenze oso a ita, anga a lenga ni usuku mu njila ia lungu bhu dibhitu, bhu kaẋí ka imbaka iiadi bhua lulama ni kibakala kia itulu ia sobha, (sumbala akua Kaldeia a kondele o mbonge ioso mu kúlua na-iu) maji o sobha ua tundila mu njila ia dinhana

Izaía 23:1

Muzambu ua Tilu. Enu mu jinaviio ja Talxixi, kumbenu, kuma muene a mu buikisa kiá, katé ki mu mu subhuka dingi inzo, momué ki mu bokona dingi muthu; kienhiki a a londekeza na-kiu tundé mʼoxi ia Kitimi.

Izaía 24:12

Mu mbanza mua xala ngoho ngunzu mu ngunzu; o mabhitu a budijika ni kubanza.

Izaía 25:2

Kuma mbanza ua i kitula ndunji ia matadi, o mbanza ia di-fikidila ni kimbaka ua i bhange ngundu-élele; o kilômbo kia jinzuangiza phala ki ki kale dingi mbanza, ka kà tona dingi ku ku tunga.

Izaía 26:5

Kuma athu a tungu ku ididi ia di-leka, muene u a tulula; o mbanza ioso ia di-zangeleka, ua kà i tululula katé bhoxi, anga u i lundumuna katé ki i kituka fufuta.

Izaía 27:10

Kuma o mbanza ia di-fikidilʼoio, ia xala ubheka, ia kituka dibhata dia uʼehèlele, a i ambudisa mukuà ni kikangalakata; o tuana tua jingombe tua kà dila mueneʼomo, tua kà zeka mueneʼomo, anga tua kà butulula muene o jithangu jê.

Izaía 32:14

Mbata dizemba dia kà xala ngundu, muxindu ua diembu ua-nda kubhua-ku; Ofele, ni tuthondo tua tungudita tua alangi, tua kà xala jingenda katé ku hádia, tu kala phala matonokenu ma mikete ku mukáu, ni makêla phala ibhaku,

Izaía 32:19

Maji né hanji ki u kulumuka mu muxitu kua kà noka mvula ia matadi, anga diembuʼodio di senguluka katé dia buila.

Izaía 34:11

Maji ni kikulungu ni káhombo a ʼivua, ni kinzunzu ni kilombe-lombe muene mua kà tunga: Kuma Nzambi ua kà ta-mu ngoji ia kavuanza ku thandu diê, ni nívele ia kingoho ni kusenguluka.

Jelemiia 39:4

Anga ki bhita kuila, Zedekiia-phe, sobha ia Juda, kioso kia a mono, kumoxi ni makuenze mê moso ma ita, a lenge, anga a tunda ni usuku mu mbonge, a di tela njila ia kadíbhia ka sobha, bhu dibhitu diala bhu kaxi ka malumbu ma iadi, anga u tunda u di ta mu njila ia kiphenza.

Jelemiia 39:8

Akua Kaldeia anga oha inzu ia sobha mu túbhia ni jinzu ja mundu uoso, o imbaka ioso ia Jeluzaleme hé a i bula.

Jelemiia 52:7

Kiene kia jikula dizungu mu mbonge anga makuenze oso a mu lua ita hé a lenga, a tunda ni usuku, a di tela njila i lunga bhu dibhitu, bhu kaxi ka imbaka i iadi ia zukamene ni jindombe jà itulu ia sobha, anga a ila mu njila ia kuia ku kiphenza.

Mikeia 2:13

Mukua kubula mazungu ua kà a diangela ku pholo: ene a kà mu kaiela a kà bokuena anga a kà tundila bhu muelu; sobha ià ua kà a tuamenena, Jihova muene ua kà a kala ku pholo.

Mikeia 3:12

Uila kiki, mukonda dienu, Ziione hádia a mu dima kala mukáu ua hatu, Jeluzaleme ua kà kituka jindunji ja matadi, o mulundu bhuala o inzu ienhiʼii, bhua kèla kala muxitu bhu thala ia milundu.

Luka 19:43

Kuma izuua ia-ndu kuiza, jinguma ji ku kandeia jimbonge mu jimbandu, ji ku konda, ji ku xita matundilu moso,

Luka 21:24

Mundu anda kubuila ku mazu a xibhata; amukuá kuia ku ubhika mu jixi joso. Jeluzaleme-phe ia kà xala mu ku i titidila kuala akua jixi jengi, a kambe kuijiia Nzambi, katé kia kà bhua o thembu ia akua jixi jengi.

Dijingunuinu 18:2

Muène anga u di kola ni dízui dia suina, uixi: Ia jimi! O Babilónia ia dikota ia jimi! Mua biluka ditungilu dia madimonho, disuamenu dia nzumbi joso jaiibha. Mua kituka kibuta mu tunga o njila joso jaiibha ja ifusa!