Izaía 24:1 - O Mikanda Ikola

¹ Talesa, Jihova, ua kà kukumuna oxi anga i xala ngoho, ua kà i bhanga ngundu, o ku thundu diê u tandanganhesa-ku, u i bonguesa, oso a tunga-mu ua kà a muanga.

Izaía 24:1 ပူးပေါင်းရင်းမြစ်များ

II Jisobha 21:13

O ku thandu dia Jeluzaleme ngi tandeleka-ku ka mukolo ka Samádia ni pulumu ia dibhata dia Akabe; o Jeluzaleme ngi mu kondona kala muthu kia kondona ima ia bolo bhu lubaki, u i kondona hé uiboleka bhu pholo iê.

Nehemiia 1:8

Xinganeka-phe o kizuelu ki ua tumine kua ngunza ié Mozé, uixi; Enu se mua kà xibhaka, eme ue nga kà mi muangena mu madiembu.

Jisálamu 146:9

Jihova u langa jinzuángiza; u tambula konda ia jihukunhi ni atudi; maji o njila-phe ia ísueia u i bhengeleka.

Izaía 13:13

Kienhiki, maúlu nga kà a tungutisa; o ixi ia kà sondoloka bhu kididi kiê, mukonda dia njinda ia Jihova dia Ilombo Ieta, ni mukonda dia kizuua kia njinda iê ia muzukuta.

Izaía 13:5

Iú uiza kiá ku ixi ia dikanga ni kuxindumuka tunde kua suku o diulu, muene Jihova ni falamenda ia njinda iê uiza na-iu, phala kusengulula oxi ioso ieneʼoio.

Izaía 2:19

Kieneʼokio athu a kà bokona mu mabanda a matadi ni mu makungu bhoxi, mukonda dia kutukuluka kua Jihova kukola, ni mukonda dia fuma ia unéne uê, kioso muene kia kà balumuka phala kudiuanesa oxi.

Izaía 24:19

Oxi ioso ia kà budika, ia kà sekala kuene kuoso; i setuka muene, bhu kididi kiê ki i kalabhu.

Izaía 24:20

Oxi ia kà bhendujuka muene kala hôlua, itunguta, itona, kala kitelembe a ki nhikisa mʼusuku; mulonga uê a kà u xina ku thandu diê; anga idibhala; o ki iia kiá bhoxi, ki ia kà bhetuka dingi.

Izaía 27:10

Kuma o mbanza ia di-fikidilʼoio, ia xala ubheka, ia kituka dibhata dia uʼehèlele, a i ambudisa mukuà ni kikangalakata; o tuana tua jingombe tua kà dila mueneʼomo, tua kà zeka mueneʼomo, anga tua kà butulula muene o jithangu jê.

Izaía 29:16

Enu ima ioso mua i tumbulula! Kala o mumbi ua sokela ni utuma, mba o kima kiòʼbhange kiamba o hete kuma: Kʼa ngi bhange; o kitutu kiamba ngumbi iê kuila: Ió kiximba. Kʼejiia kima.

Izaía 29:2

Hanji-phe, Adiiele nga-nda ku mu ta bhu kíbhidi, bhuà kala ngololo, bhuà kala mukondo; diembuʼidi dia-nda ku ngi kala kiua Adiiele ia kidi!

Izaía 30:32

Bhua kà kala jingoma ni jimbanza, bhu kuditenda kua dibambu dia mabatuilu a kà bhana Nzambi; nʼa ka bhânga muene mvunda ia temanana mu kúlua-nâ.

Izaía 32:12

Bhua-nda kukala ku di-bunda bhu jithulu, mbé o milenga iâ, mbé o midiva iâ iemi.

Izaía 33:9

Oxi ikema, ia zoza, i i ta ngololo; Libano u kala ni sonhi, hé uia ni kuxoueta; Salone ua biluka kikangalakata; Baxane ni Kalamelu mafe mâ ma lalumuka.

Izaía 34:10

Ni mu muanha ni mʼusuku ki ia kà jima; o dixi diê di banda jinga katé ku hádia ni hádia; ku tunda muiji kuiza muiji ni ku i buikisa; ku tunda mivu kuiza mivu nuka mua kà bhita dingi muthu.

Izaía 34:2

Kuma njinda ia Jihova ia zenzama ku thandu a ifuẋi ioso-lolo, o ngânji iê iazenzamena ilombo iâ ioso muene; mbata muene-phe ua a buikisa muene, iú ua a bhakula ku kijibha.

Izaía 42:15

Ni milundu ni tuthuthu-lundu ngʼi bilula oxi ia kisèkele, o isasa iê ioso ngi i kukutisa, o jingiji nga kà ji kitula ikolo, o mazanga ngi ma thothuenesa.

Izaía 5:6

Ngi di bilula kikangalakata; ki bhua-nda kukala dingi ku di sola jithangu; ku di tela ue mavu bhu ixina, kana dingi; inda mu sabhuke kiá isasa ni misonge ia minha; ngʼa mbela ue matuta, phala ka noke dingi mvula ku thandu diê.

Jelemiia 4:7

O hoje ia fomoka kiá ku muxitu uê, ii banda, ni mubuikixi ua ifuẋi; muene ua katuka kiá, iú ua tundu kiá bhu kididi kiê, phala kubhangesa oxi ié i biluke jingundu; phala ku ku buikisa o madiembu mé, ki bhu kala dingi muthu u tunga-mu.

Jelemiia 40:15

Sumbala, Nzuanana, monʼa Kadiiá, ua tangela Jedaliia mu kasuekele, bhu Mixpa, uixi: Nga-nda kuia kindala ni nga kà jibha Ijimaiele, monʼa Netaniia, ki bhua-nda ku kala muthu u kʼijiia; mukonda diahi muene uandala ku ku katula eie o muenhu, o kibuka kioso kia Juda kia di bhongoluela kokué anga ki muangana, o a a subhuka kua Juda hé a jima o mbutu?

Jelemiia 50:17

Izalaiele ua soko ni mbudi ia jimbila; a mu kaiesa kuala jihoji; sobha ia Asídia muene ua dianga ku mu dia; o kua suku kunu, Nabukodonozolo, sobha ia Babilonha, muene ua mu bukula o ifuba.

Jelemiia 51:34

Nabukodonozolo, sobha ia Babilonha ua ngi di kihabula, ua ngi diota-diota, ua ngi bhange ngi kitutu kia hatu, ua ngi minha mukuá ni kimudikixi iú uezalesa vumu diê ni kikexilu kiami kia ujitu; iu ua ngi kaiela bhu kanga.

Jelemiia 9:16

Hé nga a muangena muʼaxaxi ka ifuẋi ene ka ijidile ngó, né ene né o jitata jâ, anga ngi tuma xibhata ku a kaiela, katé ki ia kà a jimisa o mbutu.

Izekiiele 12:20

O jimbanza ja tungile, ji xala jingùndu, o ixi ia kà di-bhanga kibuika; hé mua kà kʼijiia kuila eme ngi Ngana.

Izekiiele 24:11

Kienhokio-phe, o ímbia ua kà i tula hanji ia hatu ku makala a uama túbhia, phala i teme, o ngulele iê ioso i jokote, o ima ioso ia ufusa moxi diê i sangumuke, o kifulu kiê ki bhue-mu.

Izekiiele 35:14

Kala kiki o Jihova Nzambi uambe, uixi: Kioso o ixi ioso ki i kala ni kusanguluka, eie nga-nda ku ku kitula u ngùndu.

Izekiiele 5:14

Hé ngi ku tula mu mukondo; ua sebuluka mu kaxi ka miji ia ku kala mu jimbandu jé; ene oso a bhita a ki mona mesu.

Izekiiele 5:2

Mbandu ia katatu, kioso ki ua-nda kuila o izuua ia mukondo ua Jeluzaleme ia zubha kiá o kutenena, u i oha mu túbhia mu kaxi ka mbonge muene; anga u zangula dingi o mbandu ia mukuá hé u kondoloka na-iu o mbonge nʼu i kuama ni xibhata; o mbandu ia mukuá ua kà i muangena ku kitembue; mbata o xibhata iami ia kutalesa hadi nga-nda ku i fomona mu kizu ni ii ni ku a kaiela.

Izekiiele 6:14

Nganda kusunununa o lukuaku luami ku thandu diâ mu kuzoka-nâ, o ixi anga ngi bhangesa kusenguluka, i beta kusenguluka o kikangalakata kia mbandu ia Dibalata ndenge, mu mabhata mâ moso; nda a kʼijiie kuila eme muene ngi Ngana.

Izekiiele 6:6

Mu ididi ienu ioso ia kutunga, o jimbonge a mi muangena-ju, o ididi ienu ia di-leka matala i xala bhoxi-mavu; mbebhu o jikalatódio jenu a ji sengulule ji xale bhoxi-mavu, o iteka ienu i budijike, ibhue-ku, o iteka ia idifua ia makumbi a i batujule phala o ikalakalu ienu i kituke kingoho.

Izekiiele 7:12

Kithangana ki kiza, o kizuua kié kia bhixila; uoso u sumba ka sanguluke, o ió u sumbisa ka luuale; mukonda o njinda i uama iala ku thandu dia kifuẋu kiâ kioso.

Izekiiele 7:14

O koloneta a i xiki kiá, ima ioso ió iudike kiá, maji ki bhuala uia ku ita, mukonda ku thandu dia mundu uâ uoso, kuala o kuuama kua njinda iami.

Nahumu 1:5

Bhu pholo iê milundu ia makota itunguta, o milundu iofele isengumuka; oxi ia kà di nhikisa bhu pholo iê, ni ngongo, ni oso a tungu-mu.

Nahumu 2:10

Ninive ia xala ngó, loló! A i bhûndu, a i nhana, a i muanga-muanga, la di bhange ngundu muene! Muẋima ua botomoka, o jiphuna ji ji di beta-beta, mu miongo ioso muezala misusu, o jipholo jene joso ja kakuka, ja lombo.

Luka 21:24

Mundu anda kubuila ku mazu a xibhata; amukuá kuia ku ubhika mu jixi joso. Jeluzaleme-phe ia kà xala mu ku i titidila kuala akua jixi jengi, a kambe kuijiia Nzambi, katé kia kà bhua o thembu ia akua jixi jengi.

Jipoxolo 17:6

Kia lémbua ku a mona, a koka Jasono ni jiphange jamukuâ hé a a bheka bhu pholo ia afundixi a mbonge ni kukola, exi: Mala a bonguesa oxi ioso eza ue kunu.

Matendelelu 28:64

Jihova ua ka mi muangena muʼaxaxi ka miji ioso tunde kua tundu oxi ʼté ku maẋokololo ku iasuku; o kuenhoko kuene kiua ku ua kà bhikila o jinzambi jengi, ja bhingi nʼeie ni jitata jé kiluua mu jʼijiia ngó; jinzambi ja miẋi ni ja matadi.

Matendelelu 32:26

kifua ngeje kuila: ku hota joso ngi mi muanganesa-ku, katé a mi jimbi muʼaxaxi ka mundu.

Matendelelu 4:27

Anga Jihova u mi muangena muʼaxaxe ka ifuẋi iengi, o kuenhoko ue mua kà kala ngó kakibuka kófele, muʼaxaxe ka akua jixi, muoso mua-nda ku mi xinjikila Jihova.

Tiiaku 1:1

Eme Tiiaku, selevende ia Nzambi, ni ia Ngana Jezú Kristu, nga tumu kumenekena o kuinhi dia muiji ni kiiadi ia muanganena mu jixi joso.