Izaía 23:11 - O Mikanda Ikola

¹¹ Muene ua senununa lukuaku luê ku musanza ua kalunga, mautuminu ua ma titidisa; Jihova ua bhana ngonge ia kúlua Kanana, phala o jimbonge jê jiie bhoxi.

Izaía 23:11 ပူးပေါင်းရင်းမြစ်များ

Dimatekenu 9:25

Anga u zuela, uixi: Kanana a mu bhubhidile; A kale mubhika u bhikila abhika, Jiphange jê ji mu tumina jinga.

Jisálamu 46:6

Matumbu edile ni ene bulukutu, o ilômbo ioso ia salumukine; maji muene uedi ngó u zuela, ixi ioso ia botomoka!

Jisálamu 71:3

U ngi kale u ndánji iami ia kutungila, ia uabha o ku lengela jinga phala ngi bhuluke; mbata eie ua bhana kiá o kitumu kia ku ngi bhulula, kuma eie u ditadi diami dia kipena, u kimbaka kiami.

Makatukilu 14:21

Mozé anga u sunununa o lukuaku luê ku thandu dia kalunga; Jihova anga u vutula o menha a kalunga ni kitembu kia mutundila-kumbi kia bhuka usuku uosʼô, ki kia bhangesa kuila bhu kaẋi bhua kukuta, menha a di uanununa mbandu ni mbandu.

Izaía 10:6

Nga-nda ku mu tuma ku balukila muiji ua akua-mangonha, ngi mu tuma kuzoka ni mundu uami a bholomona o njinda iami, phala ku a bhûnda ioso ia tundu mu unhanga ni ku a tambula o madibhundila, ni ku a ta bhoxi pahala ku a diata-diata, mukua ni mathatha mu nzunga.

Izaía 13:13

Kienhiki, maúlu nga kà a tungutisa; o ixi ia kà sondoloka bhu kididi kiê, mukonda dia njinda ia Jihova dia Ilombo Ieta, ni mukonda dia kizuua kia njinda iê ia muzukuta.

Izaía 14:26

ʼKâ kene o kaiula kòxinde phala oxi ioso ienhoio, o lulu luene lukuaku luami nga lu sunununa ku thandu dia ifuẋi ioso.

Izaía 19:5

O menha ma kizanga kia kalunga a kà bhuinhina, o ngiji ia Nilu ià kamba menha, ia kà kukuta.

Izaía 2:19

Kieneʼokio athu a kà bokona mu mabanda a matadi ni mu makungu bhoxi, mukonda dia kutukuluka kua Jihova kukola, ni mukonda dia fuma ia unéne uê, kioso muene kia kà balumuka phala kudiuanesa oxi.

Izaía 23:10

Bhita kala o ngiji ia Nilu mu ixi ié, eie monʼakilumba kia Talxixi, kuma kana-ku dingi kima ki ku phopheka.

Izaía 23:3

ni kubhandulukila ku mbutu ia Sidolo ienda ni kuijiia ku hungulule ionéne ia Nilo, bhu thembu ia kumuna jindombe jê, muene Tilu iú ua di bhangele kitanda kia akua jʼixi.

Izaía 25:2

Kuma mbanza ua i kitula ndunji ia matadi, o mbanza ia di-fikidila ni kimbaka ua i bhange ngundu-élele; o kilômbo kia jinzuangiza phala ki ki kale dingi mbanza, ka kà tona dingi ku ku tunga.

Izaía 5:25

Ki kia bhangesa o njinda ia Jihova ku uama ku thandu dia mundu uê, iú ua sunununa lukuaku luê, iú ua a bhana kaxitiku, katé ni milundu ia teketa; o imbi iâ iedile kala maxita muʼaxaxi ka nzunga; ku thandu dia iosuʼiii, njinda iê ki ia suku, maji lukuaku luê hanji ua luʼoleka.

Izaía 50:2

Mukonda diahi, kioso ki ngeza, ki ku moneka muthu? ngʼexana, ki bhuala muthu uetaia? mbé lukuaku luami lua kotanana kiavulu, lú lua lémbua kukula muthu? Inga momuami kana-mu dingi nguzu ia kubhulula? tala-ze, eme se ngi bazela lumoxi ngó, Musanza ua kalunga u kukuta, jingiji jithothuena kala oxi ia kisèkele, anga jimbiji jê ji nuha kibuzu, kuma se ja lémbua menha ji di-fuila ni dinhota.

Jelemiia 47:7

Eie-phe u nhoha kiebhi, se Jihova muene ua ku bhana ngonge ia kuzoka ni Axikilone, ni ndundu ja musanza ua kalunga? Bhobho-phe bhene bhua kuxindila.

Izekiiele 26:10

O mukonda dia tubalu tuâ o kuvula, o mvindu iâ ia kà ku vungina, o imbaka ié ia-nda kua kà teketa ni kinuminu kia iá a mondala ku jikabalu, ni kia malola, ni kia makalu, kioso o muene kia-nda kua kà bokuena bhu mielu ié, kala kiene mu bokuena bhu mabokuenu ma mbonge iòbule kididi.

Izekiiele 26:4

Miji ienhoio ia-nda kua kà bula o imbaka ia Tilu, o tuthôndo tuê a kà tu lundumuina muene bhoxi; eme anga nga kà xixila o fufutila iê, hé nga kà i bhanga kiditadi kia dikota kila muene bhueteté!

Izekiiele 31:16

O miji ioso nga i teketesa ni muxindu ua kibhalu kiê, kioso ki nga mu tuluila mu ifélunu kumoxi ni ió a tuluka mu kina; o miẋi ioso ia Edene, o itulu ni kioso kia beta o kuuabha mu muxitu ua Libano, ni miẋi ioso i nua o menha, ia kexile mu ku di kondela-na-iu o malamba mu ixi ia beta o kuboloka.

Nahumu 1:14

Eme Jihova nga bhana kijila kokué Asídia, kuma ki kuà kala dingi mbutu ia muthu ni dijina dié, o mʼonzo ia mahamba mé, eme-muène nga kà bula-mu o iteka iòsonge ni ia kuzunza. Eme nga kà ku kandeia o mbila ié muenhomo mukonda eie u sébhue.

Ajeu 2:7

Nga kà tungutisa ue miji ioso, anga kua kà tukuluka ió a muinda ku miji ioso, anga inzu iii nga kà izelesa ni fuma, kiene kia zuela Jihova dia Ifuẋi.

Zakadiia 14:21

Kiene muene, jímbia joso mu Jeluzaleme ni mu Juda a kà ji lumbila Jihova dia Ifuẋi; ene oso a kèza mu ku bhakula jisata, a kà katula jímbia jenhojo, muene mua kà lamba xitu ia Sata. Ki kuà kala dingi muthu uengi mʼonzo ia Jihova dia Ilombo Ieta, kizuua kienhókio.

Marku 11:17

Muene anga u kala mu kulonga enhoso, uixi: Ka ki soneka mu Mikanda Ikola kia tange Nzambi kuma: Inzo, iami, a ixana inzo ia kusambela, ia akua jixi joso? Enu-phe mua i kitula ngenda ia kusuamena míii!

Nzuá 2:16

Asumbixi a jiphomba ua ambela, uixi: Katulenu imʼiíi bhabha! Kana kubhanga inzu ia Tata iami, Kitanda kia uenji.