Izaía 22:4 - O Mikanda Ikola

⁴ Kala kiki, ngixi: Lungenu o pholo kuengi, eme nga-nda kuẋikujuka ni kudila, ki mu tale hadi ia ku ngi dixibhisa, nga bhondalala mukonda dia kibuika kia mona-kilumba, dia mundu uami.

Izaía 22:4 ပူးပေါင်းရင်းမြစ်များ

Estere 4:1

Kiki-phe Moledekai kioso kia zubha ku kʼijiia kioso kia bhiti, ua tandujula izuatu iê, u di ta mu kidinhaji ni utôkua, anga u bhita mu nzunga ia mbonge ni kudikola ni jingololo.

Jisálamu 77:2

Bhu kizuua kiami kia kubhondalala, nga soto Ngana; mu usuku maku mami ma sununuka kua muene sé ngó kusuka; muenhu uami moxi ki ua xikina kutululuka.

Izaía 15:3

A zuata idinhaji mu jinzunga jâ; ia kumbila ku matala, ia kumbila bhu itanda, ia dila-dila ni lujiji.

Izaía 33:7

Talesa-ze, o ilôlo ié iemana ku kanga ni kudikola; o akunji a tokala ku ku bhekela kutululuka iá a ẋikujuka ni kudila.

Jelemiia 13:17

O kiki se mu kamba ku kʼivua, muenhu uami ua kà didila mu jihota ja di sueka, mukonda dia ku di zangeleka kuenu, mesu mami ma kà dila lujiji, anga ma koboka mu kisoxi, mbata o kilunga kia Jihova a ki ambata ku ubhika.

Jelemiia 31:15

Jihova ua zuela kiki: Mu Lama, evu-mu mbimbi, jingololo ni kudila lujiji; Lakele ua mu dila tuana tuê, nguê ku mu di xibhisa ku tuana tuê, mukonda ki tua moneka dingi.

Jelemiia 4:19

Uá! Vumu diami, vumu diami, tata! A ngi kuama ku muẋima uami! muẋima uami iú lunguta! ku di xibha nga lembua; mukonda o muenhu uami koloneta ua ivué ni milolo ia ita.

Jelemiia 6:26

Kilumba kia mundu uami, tata, dikute kidinhaji, u mbolomoke mu uthokua; tá muene ngololo kala ia kudila monʼumoxiʼèlele, ngololo ia malamba; mbata mubuikixi kua mu kambe ngó kofèle u tu sanga.

Jelemiia 8:18

Uá! se eme nga tenene ku di konda dilamba diami, tata! muẋima uami iú jila moxi.

Jelemiia 9:1

Tamanu mútue uami ua bilukile menha, o mesu mami ma bilukile fiẋi ia masoxi! Kienhokio ngeju dila imbi ia kilumba kia mundu uami, muanha ni usuku.

Jelemiia 9:18

Alenguluke-phe, a zangule ngololo iâ mukonda dietu; nda mesu metu ma koboke mu kisoxi, o ibhebhetulu ietu i di zunze menha.

Kuditenda 2:11

Mesu mami ma fefetela ni masoxi, enu mala! O mídia moxi ia ngi dimbuluka; miẋima iami ia di zunzila bhoxi mukonda dia kusenguluka kua senguluka o kilumba kia mundu uami! Abha kua bhingi ni tumbonga, enu mala, ni tuana ku mele ia ambukila mu jinzunga ja diembu!

Izekiiele 21:11

A i bhana o ku i seka phala kubhânga na-iu; o xibhata iii a i zuika, a i seke phala ku i tula bhu lukuaku lua kijibhanganga.

Izekiiele 27:31

Hé a kà di ta mabhaia mu mítue mukonda dié-eie, anga a kà di kuta idinhaji bhu inhonga, a kà ku dila muene eie ni lamba dia muenhu uâ, a kà dila muene lujiji.

Mikeia 1:8

Mukonda dia kiki nga kà di ta mutendu, nga kà buza, nga kʼenda kala muthu a mu bhûndu, ua xala tuẋi; nga kà di ta mutendu kala ki bhanga o jimbulu, nga kà dikola kala kihendembumba.

Matesu 2:18

Mu Lama evu-mu dízui, dia kibulukutu kia jingololo ni kudila kinéne, Lakele iu dila o tuana tuê; ku mu dixibhisa, nguê, mukonda tua jimi.

Matesu 26:75

Phetele anga u tukumuka o maka ma tangele Jezú, kuila: Kioso o dikolombolo kiluua di kokola, eie ua-nda ku ngi dituna lutatu. Anga u tubhuka, u dila kisoxi kiavulu.

Luka 1:2

Ene a i soneka kala kia tu tangelele na-iu oso a kexile jimbangi tunde ku dimatekenu, anga a kala jiphoxi ja diambu.

Luka 19:41

Mu kuia mu kubhiẋila, u mona o mbanza, anga u i dila, uixi: