Izaía 22:25 - O Mikanda Ikola

²⁵ Mu kizuuʼokio-phe, eme Jihova dia Ilombo Ieta, o pheleko ia phaphele bhu kididi kia kôlo a kà i katula: anga a i vuza, i laúka; o kimbamba kioso kia nhengene-ku kia kà sutunuka, kabasa Jihova ua ki ambe.

Izaía 22:25 ပူးပေါင်းရင်းမြစ်များ

Jisálamu 146:3

Kana kudielela jingana mu ngongo, mba monʼa muthu ua lémbua kubhandulula, kuma ku monʼa muthu kana-ku kubhuluka kua kima.

Jisálamu 52:5

Kiene kimoxi Nzambi-phe hinu u ku bula, kà ku tunga, kana! Hinu u ku tukula, u ku zangumuna mu balaka ié, u ku vuza muene ni lundanji bhoxi, phala ku xale dingi mbutu.

Izaía 22:23

Ngi mu phapha kala pheleko a i phaphela bhu kididi kia kolo, muene ua kà kala mukua ni kiandu kia ujitu, phala dibhata dia tatʼâ.

Izaía 22:24

Kijingo kioso kia dibhata dia tatʼâ, a-nda ku ki tudika kua muene, ni kijingo kia ana ni kia alaúla, ni ingolongondo ioso iòfele, tundé ku jikopho katé ku jingalafua.

Izaía 46:11

ngʼixana holokoko tundé mu thunda-mbulu, o muthu ngi ta-nê phangu iami, u tunda ku maẋokololo; mukonda kiene ki nga tange, kiene ki kia kà bhita; eme nga ki xindi, nga kà ki bhanga muene.

Izaía 48:15

Eme, eme-muène nga kiambe; muene ue nga mu ixana kiá, nga-nda ku mu sunga nʼeza, o njila iê nga-nda ku i zediuisa.

Jelemiia 4:28

O kiki kia-nda ku didisa oxi, o madiulu bhulu a-nda kuvunda; kuma kiene ki nga zuela, kiene ki nga kane, ki nga tolola dingi o thulu (kudiela), ki nga-nda ku ki lungulula dingi.

Izekiiele 5:13

O njinda iami hé i di kumbidila momuʼé kienhiki, o kuthathamana kuami anga ngi ku zubha kienhiki o vondadi, ku muẋima ni ku ngi zele; nda a kʼijiie kuila eme ngi Ngana nga ki zuela mu muanu uami, kioso ki a-nda kumona o njinda iami ia di kumbidila momuʼâ.

Izekiiele 5:15

O kusebuluka kué ni fuma iaiibha i ua-nda kukala na-iu, i di-bhanga disá ni kisuma ki bhekela kukakuka ku miji iengi iala mu jimbandu jé, kioso eme ki nga-nda kubhitisa o mabatuilu mami ni njinda, ni kutema ni jikaxitiku ja nguzu. Eme-muène, Jihova nga zuela.

Izekiiele 5:17

Anga ku thandu dienu ngi tumikisa-ku nzala, ni iama iaiibha, ienda ni ku ku zubha o tuana; anga o kipheku, ni kihaxi, kia kà bhita momuʼé; o kuthandu diê, nga kà bhekaku xibhata. Eme ngi Ngana nga ki zuela.

Mikeia 4:4

Maji a kʼèla kiá, muthu uxikama bhoxi dia muvide uê, muthu uxikama bhoxi dia mufiku uê, o u a kuatesa uôma ka moneka, mukonda dikanu dia Jihova dia Ifuẋi diene dia ki tange.