Izaía 22:23 - O Mikanda Ikola

²³ Ngi mu phapha kala pheleko a i phaphela bhu kididi kia kolo, muene ua kà kala mukua ni kiandu kia ujitu, phala dibhata dia tatʼâ.

Izaía 22:23 ပူးပေါင်းရင်းမြစ်များ

Ejidala 9:8

Kiki-phe, mu kakithangana kòfele, kua tu tukulukila kiadi ku mbandu ia Jihova, Nzambi ietu, phala ku tuehela amoxi-mu kusutunuka, ni kutuimika kiambte bhu kididi kiê kikôla, ni ku tu bhana kidimba; phala ku tu muikina o mesu, eie u Nzambi ietu, ni ku tu bhana hanji kamuenhu kòfele mu ubhika uetu.

Estere 10:3

Kuma o judé Moledekai muene kaiadi ua kaiela kua muenexi Asuuelu, anga u kala ni kijingo muʼaxaxe ka jijudé, kuma muthu uambote, o mundu ua akuʼâ a di tumu-nê kiambote, u sota jinga muiji uê ku u bhanga mbote hé u kalakela muiji uê, ni aluluʼâ mu ku a xila kutululuka.

Estere 4:14

Kuma eie ki uila u di xibhé, thembu ienhiʼii, hinu bhu kala kuma kuengi ku tunda kubhanduluka kua jijudé, ni muthu uengi u a kudila, eie-phe ni dibhata dia tatʼenu mu buila. Nanhi ua kʼijiia se kiene kia ku tela ku ungana, phala u kudile mundu bhu thembu kala iii?

Jobe 36:7

Ku athu a iuka muene ka katula-ku o mesu mê; maji u a xikika kumoxi ni jisobha ku kiandu, hé u a zangeleka ku mivu ni mivu ki iene kúbhua.

Ndongixi 12:11

O maka ma jinjimu ela kala jisongo, mukua ni jiphèleku jʼòbatele kiambote kuala o jimesene ja tu bhana kuala Ió uene o Kabhila ketu kamoxièlele.

Izaía 22:24

Kijingo kioso kia dibhata dia tatʼâ, a-nda ku ki tudika kua muene, ni kijingo kia ana ni kia alaúla, ni ingolongondo ioso iòfele, tundé ku jikopho katé ku jingalafua.

Izaía 22:25

Mu kizuuʼokio-phe, eme Jihova dia Ilombo Ieta, o pheleko ia phaphele bhu kididi kia kôlo a kà i katula: anga a i vuza, i laúka; o kimbamba kioso kia nhengene-ku kia kà sutunuka, kabasa Jihova ua ki ambe.

Zakadiia 10:4

Mua Juda muene hádia mua kà tunda o ditadi dia thungi; muene mua kà tunda o phapha ja balaka, mua kà tunda o mufula ua ita, ni ilôlo ioso ia kà tuamenena ia kà tunda mueneʼomo kumoxi.

Dijingunuinu 3:21

Uoso u tolola, ngi mu bhana o kuxikama nʼeme bhu kiandu kiami, uila eme ki nga tolola, eme nga xikama ni Tata iami bhu kiandu kiê.

I Samuuele 2:8

U zangumuna o ngadiama mu mavu, u katula phulungu bhu dixita nʼa mu xikamesa ni anʼa jingana phala a lundule kiandu kia fuma; kuma o jiphiladi ja ixi, jangene ja Jihova, o Ngongo ua i xikika ku thandu diâ.