Izaía 22:16 - O Mikanda Ikola

¹⁶ Eie uala kubhangaʼhi bhabha? Mukuahi muene uala-nê, ki uala ku kanda o mbila bhabha? ua mu kanda o mbila iê bhu kididi kia di-leka, eie ua mu di sokuela mu ndanji dibhata dia kukala?

Izaía 22:16 ပူးပေါင်းရင်းမြစ်များ

Dimatekenu 50:5

Tatʼetu ua ngi lokesa, uixi: Eme ngi fʼú; ku ngi fûnda, kale mu ngi fûnda mu mbila iami i nga kandesa mʼoxi ia Kanana. Kiki-phe nga ku diondo, ngʼehele ngi bande, ngiie nga kà funde tatʼetu, ni ngʼize dingi.

II Samuuele 18:18

Abisalone-phe kia kexile ku muenhu ua di tungisila philadi mu kibota kia sobha, kuma uambe, uixi: Ki ngala ni mona ua diiala u ngi jîngisa dijina diami. Philadi anga u i luka dijina diê muene; ene ku ixana exi músonga ua Abisalone, katé mu kizuua kia lelu.

II Malunda 16:14

Inga a mu funda mu mbila iêmuène, ia di kandeia mu mbonge ia Davidi, anga a mu zekesa bhu hama iezalesa ni ima ia mazumba ni ima iate kiavulu, iò iudike kuala jimesene ja ima ia mazumba ma mbote; anga a mu bhangela kiohela kionène ni ima ienʼiii.

Jobe 3:14

Kumoxi ni jisobha ni jinjimu ja maka mu ngongo, a di tungila jinzu ja makembu katé ni bhu jimbila.

Izaía 14:18

Jisobha joso ja ifuẋi, xi, jene joso muene, ja zeka ni ujitu, sobha ni sobha mu sanzala iê.

Izaía 14:19

Eie-phe mbila ié ia ku lusu kala thangu ia bolo, mukuâ ni kizuatu kia iimbi iafu ku xibhata; uedi kala athu a seiela mu phudi ia matadi, ua di-fuangana mukutu ua muthu uafu ia a mu u diota-diota.

Izaía 22:17

Talesa, Jihova ua-nda ku ku takula ni lukuaku lua suina, mukua ni iala dia kindanda anga u ku làmba.

Izaía 52:5

Kiki-phe ngi bhanga kiebhi, eme Jihova? Kuma o mundu uami a u bhundile sè kikuma; O oso a mu u tumina aia ni kuhunza, Jihova muene ua ki tange; o dijina diami a kuata ku di lebhula kumbi dioso dia kambàmba.

Mikeia 2:10

Katukenu nda muende, mbata bhabha ki bhene bhu kididi kienu bhu mua-nda kunhohena; mukonda dia ituxi i zangiuisa, i zangiuisa muene kiavulu.

Matesu 27:60

Anga u ki tula mu mbila iê-muène ia ubhe ia jikuile mu ndànji. Anga u kundumuna kiditadi kiònene bhu muelu ua mbila, anga uiê.