Izaía 22:14 - O Mikanda Ikola

¹⁴ Maji Jihova dia Ilômbo Ieta ua ngʼivisa-kiu mu mátui, uixi: Kikuma kiki, kana, ki nga-nda ku mi loloka-kiu, katé ki ki mi-dia muene o muenhu, eme Ngana, Jihova dia Ilombo Ieta, nga ki tange.

Izaía 22:14 ပူးပေါင်းရင်းမြစ်များ

II Samuuele 6:23

Mikala-phe, monʼa Saúlo ua muhatu tunde kienhokio ánga u kamba mona katé kiá bhu kizuua kia ufuilu uê.

Izaía 13:11

Kuma nga kèza kufuta o phulu ia mundu, akuaphulu nga kà a futa kikuma kiâ; akua kudikaka nga kà a bhuisa o izala; o ingulungumba ukumbu uâ ua kà bhua.

Izaía 26:21

Mbata, tala-ze, Jihova ua kà tunda bhu kididi kiê, nda uiza kubhana o njumbu ku iá a tunga mu ngongo, mukonda dia ikuma iâ; o ixi ia kà tukulula manhinga mâ, ki ia kà sueka dingi ió oso a a jibha.

Izaía 30:13

Kala kiki, o phulu ia kà mi zenzamena mukuâ ni kipena kia lumbu kia zendalala, kia bhana kiá mulumba, o mu ku lundumuka kia kà mi tukumuisa.

Izaía 31:2

Hanji-phe, muene njimu, o kiaiibha ua kà kʼixana muene, kioso kia zuela kà ki sondolola, kana; ua kà fundumuka phala kubalukila dibhata dia imbokoto, ni kubalukila dikuatekesu dia akua kubhanga ima kubhuma.

Izaía 5:9

Nga kʼivu ni mátui mami, kia ki zuela Jihova dia Ilombo Ieta, uixi: Kutanga o kidi, nga-nda ku sengulula muene jinzu janzungule, katé ni mazemba mʼònene ma-ndu xala jingundu.

Izaía 65:20

Ki muà kala dingi mona u laia ngó izuua iófele, mba muadiakimi u kamba kuzubha o izuua iê; mbata o munzangala ua kà fuila mu kitala kia hama ia mivu; maji o mukua-ituxi né u kala ni hamʼa mivu, a kà mu bhubhidila muene.

Izaía 65:7

Jihova uambe: O ikuma ienu, ni ikuma ia jitata jenu bhamoxi, a kexe mu kuoha o fumasa ku milundu, anga a ngi ẋonguena ku tuthuthulundu; kienhiki ngi vutukila ku a zongela o futu ia ikalakalu iâ iòkulu anga ngʼa lukuila-iu bhu homba iâ.

Izekiiele 24:13

O mu ufusa ué ua ndumba, muene muala o kusembama kué, kuma eme nga mesenene ku ku zelesa, eie-phe ngué ku di zelesa; ki mungu dingi a kà ku sukula ku dixidilu dié, katé eme ki ngi bhanga kunhohesa o njinda iami ku thandu dié.

Amoji 3:7

Mukonda Jihova kana-ku kima kia bhanga hé u kamba kuijidisa kikutu kiê ku abhikʼé, o jipolofeta.

Amoji 8:7

Jihova phe anga u lokela muene ku unéne ua Jakobo, uixi: Eme ki ngi tena kujimba o ikalakalu iâ ioso katé ku mivu ni mivu.

I Samuuele 3:14

Mu kienhiki nga lokela o dibhata dia Eli, kuma o kutondala kua dibhata dia Eli kà ka tena ku ku bhuisa ni jisata ni ilumbu mu mivu ni mivu sé dizubhilu.

I Samuuele 9:15

Jihova-phe ua diangele kulongesa Samuuele, kizuua kia kuila Saúlo mungu ua-nda kuiza, uixi: