Izaía 22:12 - O Mikanda Ikola

¹² O Jihova phe, Jihova dia Ilômbo Ieta, mu kizuua kiná ua kà mʼixanena kudila, ni kuta jingololo, ni dikongelu dia mítue, ni kuzuata jisaku.

Izaía 22:12 ပူးပေါင်းရင်းမြစ်များ

II Malunda 35:25

Jelemiia anga u bhanga mimbu ia thambi mu kudila Joziia; o jingimba joso ja mala ni ja ahatu anga a tenda Joziia mu mimbu iâ ia kudila, katé mu kizuua kia lelu. Mbata iòbhane, i kale mu jingonge ja Izalaiele; ni kiki iòsoneke mu madidilu.

Ejidala 9:3

Eme ki ngʼevu kima kia di fu kiki, nga tandula izuatu iami ni divunga diami, anga ngi di vuza jindemba mu mútue ni ku muezu, hé ngi xikama ngezala ni kimbulambula.

Nehemiia 9:9

Anga u mona dilamba dia jitata jetu mu Ijito, anga uívua o kudikola kuâ ku mbanduʼa Kalunga Ka Kusuka.

Jobe 1:20

Bheneʼobho, Jobe u balumuka, u tandula divunga diê, u konga jindemba mu mútue, hé u di takuila mu mavu, anga u bheza Nzambi.

Ndongixi 3:11

Ima ioso Nzambi ua i bhange ni kuuabha bhu thembu iê; iú ua zangula o mundu uene, iú ua u te mu muẋima uâ, maji o muthu ua lémbua kuijiia o kikalakalu kioso kia bhange Nzambi, tundé ku dimatekenu katé ku dizubhilu.

Ndongixi 3:4

Sai thembu ia kudila ni thembu ia kuolela; thembu ia mukondo, ni thembu ia kutuka-tuka.

Izaía 15:2

Iu banda ku Baiite, ni ku Dibone, ku thala kuná ni kudila; Mouabhe ua-nda kuta jingololo mukonda dia Nebo ni Medeba; mítue ioso ia kà biluka mabhaia ni dilamba, o miezu ioso ue a-nda ku i bhuta.

Izaía 26:10

O mukua-phulu né ua mu bhange mbote, ki kiene ki mu bhangesa o ku dilonga o kidi; katé ni mu ixi ia kuiuka, muene hanji a jijila o kubhanga ufusa, ka xikina kusuua o unéne ua Jihova.

Izaía 29:1

Adiiele, lamba diê! Adiiele, mua kexile kilômbo kia makuenze a Davidi! Bandekezenu-ku, muvu ni muvu, o izokola iâ iiie ni ku di-bhingajana.

Izaía 3:24

Kieneʼokio, o bhua kexe dizumba dia uabha, bhua kà bhingana kibuzu; bhu kididi kia phonda, mukolo kiá; bhu kididi kia kuinda kindemba, kuiza kiá dibhala; bhu kididi kia kizuatu kia dixala, bhu kala kiá ku di-suikika kidinhaji; bhu kididi kia kuuabha o pholo, a kà kituluka kala a jokota mu túbhia.

Izaía 32:11

Teketenu, enu mu ahatu mua di landuka, mu akua usudi; salumukenu, enu mu ana-ilumba, mua tunga mua soma; zulenu mu ende tuẋi-a-thakala, di-ẋiẋikienu kidinhaji mu inhonga.

Izaía 37:1

Anga ki bhita kuma, sobha Ezekiia kia zubha kuívua kiki, utandula o izuatu iê, hé u di vunga kidinhaji, iu ua bokona mʼonzo ia Jihova.

Izaía 37:2

U katula Eliiakime dia kimbadi kiê, ni Sebena, musoneki, ni ikulakaji ku jinganga, a di vungu idinhaji, u a tuma kua Izaia, monʼa Amoze, o musesedi.

Izaía 58:3

Exi-phe: Tua jidilaʼhi ngoho eie-muène ku ki suu? Tua di-taleselaʼhi hadi, manhi eie ku kʼijiia? Talesenu, mu kizuua kia kujila muala kusota ngó kioso kia mi uabhela enu, muexi-phe a tu fute-kiu, o kikalakaluʼiki.

Jelemiia 16:6

Ni makota ni jindenge hinu à kʼafua, moxʼumu, o ku a funda ki kuanda ku xikina; ki bhua-nda kukala ku a dila thambi mba ku di sema ku mikutu, mba ku di kolola jindemba ku mútue.

Jelemiia 16:8

Eie ue kana kubokona monzo ia kizokola, mba ku xikama mu kudia-nâ ni kunua-nâ.

Jelemiia 4:8

Kala kiki zuatenu idinhaji, dilenu dikokolo, endenu ni kukumba mbata o kutema kua njinda ia Jihova ki kua tu eha.

Jelemiia 7:29

Kolola jindemba ja mútue ué, u ji texi, u bhita-bhite ku matala ni kuta o nzôngo ia kudila; mbata Jihova ua ẋimbuka iú uehelela o muiji ua njinda iê.

Izekiiele 27:31

Hé a kà di ta mabhaia mu mítue mukonda dié-eie, anga a kà di kuta idinhaji bhu inhonga, a kà ku dila muene eie ni lamba dia muenhu uâ, a kà dila muene lujiji.

Daniiele 5:1

Sobha Belxazale u bhanga fesa phala midi ia ilâmba iê, muene anga unua vinhu bhu pholo ia ilâmbe iê ienhiʼii.

Hozeia 9:1

Kana-phe kutumbujuka ni ngalasa, eie Izalaiele! Kana kukala mu kutana kala o miji ia mukuá kʼejiia Nzambi! Mbata eie Nzambi ié ua mu baluka kala muhatu ua kidianzunga; o futu ia kidianzunga iene i u a fulamena bhu mazanzu oso a kuanekena o tiliku.

Jouele 1:13

Enu mu jinganga di kutienu bhu inhonga, mu te jingololo; di kumunienu, enu mu akunji a kalatódio, bokonenu, bhitenu enu mu akunji a Nzambi iami, o usuku uoso mu zuata kidinhaji; kuma o mibhaku ia makúdia ni ia makúnua a i batula mʼonzo ia Jihova Nzambi ienu.

Jouele 1:8

Iú dila mukuâ ni kilumba kia muzeletete kia di kutu ni kidinhaji, mukonda dia diiala diê dia unzangala.

Jouele 2:12

Né mu kindala kienhiki muene, Jihova uixi; Ni muẋima uenu uoso, Vutukenu kokuami; bhangenu-kiu muene ni kujila, ni kudila, ni mukondo.

Jouele 2:17

Dilenu, enu mu jinganga, mu akunji a Jihova, didilenu bhu kaxi ka kitelembe ni kalatódio, muile: Kondeka athuʼé; eie u Jihova undundu ué kana ku u bhakula mu lusebu, mbebhu miji ki i tu te môndo; kuma mu kaxi ka ifuẋi a kiʼambela-hi kuila: Nzambi iâ iú kuebhi?

Amoji 8:10

O jifesa jenu nga kà ji kitula jithambi ja kuteka ndômbe; o mimbu ienu ioso ia kà kituka jingololo. Bhua kàla ku di kuta jisaku bhu inhonga ioso, o mu mítue ioso mua kàla mabhaia kala mua bhiti phoko ia bhutu. Nga kà bhangesa kuila ima iii lamba diê dila kala thambi ia mona umoxièlele a mu vuala ngûmba; zubhilu diê mukua ni kizuua kia kubhondalala.

Jona 3:6

Njimbu iii ia bhiẋila kua sobha ia Ninive, muene hé u balumuka ku kiandu kiê kia ungana, u zula izuatu iê ku mukutu, u zuata saku, anga u xikama mu utôkua.

Mikeia 1:16

Kolola o kindemba kié, bhuta o mútue ué u xale ngó ni dibhala, mukonda dia anʼé u uazola kinéne; dibhala diê u di zanzesa muene mukuâ ni dia holokoko, mukonda anʼé oso a kuambata-nâ ku ubhika.

Tiiaku 5:1

Kindala, enu mu jimonhi, ivenu! Ndokuenu mu dile, mu di kole, mukonda dia usébhue ua-nda ku mi tula!