Izaía 21:4 - O Mikanda Ikola

⁴ O miẋima iala ku ngi titila kiavulu, kua ngiza kubhuuama ni kuteketa; ngendile kuma kuvunda, o ki kua mateka ngó o ku fefetela, uoma ua ngʼiza.

Izaía 21:4 ပူးပေါင်းရင်းမြစ်များ

I Jisobha 1:49

Asonhi oso a exanene kuala Adoniia anga a kala ni uoma, a balumuka-bhu, hé a di tela kala muthu ni njila iê.

Estere 5:12

Hamane anga u ta-ku dingi, uixi: Ni na mvuale Estere lelu kia bhange fesa, kana dingi muthu a mu ixana kuiza-ku kumoxi ni muenexi, kikale eme muene ngó; mungu ue a ngi kuvitala kuiza dingi kumoxi ni muenexi.

Jisálamu 55:5

Kua ngʼiza kubhuuama ni kuteketa, nga bhondalala ni kikote!

Jisálamu 55:6

Ngixi-phe: Tamano nga kexile ni mabhabha kala diembe! Ngeje dkutuka mu sota kididi kiami kia kunhohena.

Jelemiia 4:19

Uá! Vumu diami, vumu diami, tata! A ngi kuama ku muẋima uami! muẋima uami iú lunguta! ku di xibha nga lembua; mukonda o muenhu uami koloneta ua ivué ni milolo ia ita.

Jelemiia 51:39

Ki a-nda kuila a salumuka eme ngʼa bhana kúnua kuâ, hé ngʼa kodiuisa phala nʼende ni kutuka-tuka; maji hádia a kà zeka kilu kia muiokoioko, ki mungu dingi a tona, Jihova ua ki tange.

Jelemiia 51:57

Nga kà kodiuisa o ilamba iê, ni jinjimu jê, ni jikabhitangu jê, ni makota mê ma jinganga, ni mazonda mê; hé a ká zeka kilu ki nangenena, ki mungu dingi a tona; Sobha ua bhingi dijina diê Jihova dia Ilombo Ieta muene ua ki tange.

Daniiele 5:1

Sobha Belxazale u bhanga fesa phala midi ia ilâmba iê, muene anga unua vinhu bhu pholo ia ilâmbe iê ienhiʼii.

Daniiele 5:30

Usuku uenhó-phe, Belxazale, muenexi ua Kaldeia, anga a mu jibha.

Daniiele 5:5

Kithangana kienhókio kua tukuluka milembu ia lukuaku lua muthu, lú kala mu soneka ku mbanduʼa kandeia, ku phalelu iòkaiale ia dizemba dia muenexi; sobha bhenhobho milembu ia kexi mu kusoneka ua i mono.

Nahumu 1:10

Mukonda né hanji ene a di lunga-lunga kala minha, anga ezala ni vinhu kala jihólua, a kà jimuka ene oso muene kala iangu iakukuta.

Matendelelu 28:67

Kuma ki kúkia, uixi: Uá! kumbi difuê luua; tamanu ngi bhiẋila ku ngoloxi, amoxi usuku kimuua! O kʼiza ngoloxi, uixi: Kúkie, tata! Kuma, sembele muanha! mukonda-phe dia uoma, muxima uenda ni kuilʼê ngó kenené ni kimbuua kia uoma, kingumba o isunji i ua kʼènda ni kudiuana ni mesu mé.

Matendelelu 32:11

Kala holokoko kia langa o kikalanga kiê, anga uia ni kuzelela kulu dia anʼê. U futununa o mabhabha mê, anga u zangula o tuana tuê, hé u a ambatela ku mabhabha kuene,