Izaía 21:3 - O Mikanda Ikola

³ Kienhiki miongo ia ngi kate kiavulu muene; kua ngʼiza misusu kala misusu ia ió uala ku isenda; lamba dia ngi kondo ni kuívua nga lémbua; nga iokojoka katé nga lémbua kumona.

Izaía 21:3 ပူးပေါင်းရင်းမြစ်များ

Jisálamu 48:6

Mueza kimbulambula, ni misusu kala ia muhatu ua mu vuala.

Izaía 13:8

Bhuà kala kubhondalala, misusu ni malamba, kikote, mukua ni muhatu uala ku mika ia kuvuala; kala muthu kià mona mukuâ ua kà sasumuka; jipholo jâ, ja kà lekujuka.

Izaía 15:5

Muẋima uami u ta jingololo mbé Mouabhe; ilamba ié ia lengela ku Zouale, mukuâ ni seseme ia ngombe ia mivu itatu; kuma ia aia ni kubandela ku Luhite ni kudila, mbata mu njila, mu njila ia Holonaime, akuata-mu mukumbi ua kikote, ala ku dikola mukonda dia kibuika.

Izaía 16:11

Kienhiki mu mala mua ngi lunguta, kala a mu xika-mu kakoxi, mukonda dia Mouabhe; moxi diami kiene ki muala mukonda dia Kidi-helese.

Izaía 16:9

Kienhiki ngi dila kiá ni udidilu ua Jazele, mukonda dia muvide ua Sibama; nʼeie Hexebone, nʼeie Eleiale, ngi mi tekele kiá ni masoxi mami, mbata o kusangulukila ibundu ié ia kudinji, ni kumuna kué, kuabhu-ku kiá.

Izaía 26:17

Kiadifu ni muhatu uala mu mikutu iiadi, o kieza ku isenda, misusu ia ku vuala i mu kuata, anga u dikola-kola mu jindolo jê, kiene ue ki tua kexe etu, Jihova, bhu pholo ié!

Jelemiia 4:19

Uá! Vumu diami, vumu diami, tata! A ngi kuama ku muẋima uami! muẋima uami iú lunguta! ku di xibha nga lembua; mukonda o muenhu uami koloneta ua ivué ni milolo ia ita.

Jelemiia 48:41

Jimbânza a ji tambula, o jimbonge a ji bhundu, bhu kumbiʼ-ʼodio o muẋima ua mazonda ma Mouabhe, ua kà di bhanga kala o muẋima ua muhetu kia kala bhu mika ia kuvuala.

Jelemiia 49:22

Tala-phe, ua kà banda kala holokoko, u tuka, uoleka mabhabha mê ku thandu dia Bozola; o muẋima ua mazonda ma Idomo, mu kizuuʼokio, ua kèla kala muẋima ua muhetu uala bhu mika ia kuvuala.

Jelemiia 50:43

Sobha ia Babilonha uevu fuma iâ, o maku mê iá a botomoka; kimbuua kia mu kuata, kua muiza misusu, kala muhatu ua-nda ku vuala.

Jelemiia 6:24

Etu tua evu fuma iâ; ni maku metu ma bulukuta kiâ; kua tuiza jingongo, mika kiá kala ia kivuadi ku isenda.

Habakuke 3:16

Eme mu ku kʼivua, mu mala mua ngi bunguluka, mizumbu iami ia nguenguena mu kuívua o kilungutu kia dízui diâ; kilukutu kia kubola kia ngi bokona mu ifuba iami, anga moxiʼomo ngi kala mù teketa mudiʼami; nga-nda kunhoha anga ngʼila muene hudí mu kukinga o kizuua kia malamba mâ, Ngana kià kʼèjila o povo iene kusot, o ku tu jikinisa.

Nzuá 16:21

Muhatu kieza mu kuvuala, u kala ni malamba, mukonda kumbi diê dia mu iza dia kutala hadi. Maji o kia zubha-phe ku di sanza, ka xinganeka dingi o kukata, mukonda dia kutanena o mona ueza mu ngongo.

Matendelelu 28:67

Kuma ki kúkia, uixi: Uá! kumbi difuê luua; tamanu ngi bhiẋila ku ngoloxi, amoxi usuku kimuua! O kʼiza ngoloxi, uixi: Kúkie, tata! Kuma, sembele muanha! mukonda-phe dia uoma, muxima uenda ni kuilʼê ngó kenené ni kimbuua kia uoma, kingumba o isunji i ua kʼènda ni kudiuana ni mesu mé.

I Tesalonika 5:3

Bhuala kuila athu: Kuma kua batama, kua tululuka, a kà tukumuka kibuika kiâ kia tula! Kia kà kala ue mukuâ ni muhatu ki mu kuata o mika ia kuvuala, kana bhuma bhua bhitila nʼa lenge.