Izaía 21:2 - O Mikanda Ikola

² Kisunji kiaiibha kia ngi londekeza; mukua-ufe u bhanga o ufe uene, o mubuikixi uenda ni ku buikisa; banda, eie Elame, konda kuene kuoso, eie Mediia, kuma mikemu iê nga i bhuisaku kiá.

Izaía 21:2 ပူးပေါင်းရင်းမြစ်များ

Dimatekenu 10:22

Anʼa Seme enhá: Elame, Asula, Alufaxade, Lude, Halá

II Jisobha 17:6

Kubhiẋila mu muvu ua kavua ua utuminu ua Ozeia, sobha ia Asídia kiene kia tolola Samádia, iú ua zangula Izalaiele ioso iú ua a balakala ku Asídia; iú ua a bhangesa kutunga bhu Hala ni bhu Habolo bhua zukama ni ngiji ia Ngozane ni mu jimbonge ja akua Mediia.

Jisálamu 119:158

Ki nga mono ió a dianguka, eme kia ngi iibhila muene; mukonda ene ka mu kualuka o maka mé!

Jisálamu 12:5

Mukonda-phe dia ngadiama a mu tatesa, mukonda dia kukema kua phulungu a mu bondeleka, ngi balumuka kiá, eme Jihova; ngi mu bhaka bhua kondama a mu tobhesa kiki.

Jisálamu 25:3

Kana bá! oso a ku kinga eie ka tena kukakuka; a kakuka kikale ió a baluka ni kubhuma.

Jisálamu 60:3

O mundu ué ua a talesa hadi; ua tu nuisa vinhu ia kubhendujuka.

Jisálamu 79:11

O kudila kua ió a a kuika, ku bhixile ko kué; a jitune ni nguzu ia lukuaku lué, oso a a xindi kiá ku a jibha.

Jisabhu 13:15

Kutetuluka kua kidi, ku bongesa ujitu; maji o njila-phe iá ió a dianguka, i talesa hadi, (kuma i muesa lamba).

Izaía 11:11

Mbata kia kà bhita kuila, Jihova mu kizuua kieneʼokio ua kà vutukila kuta lukuaku luê mu kuondolola dingi o masubhu a mundu uê, a subhuka ku Asídia, ni ku Ijitu, ni ku Pátulu, ni Itiiópia, ni ku Elame, ni ku Xiniiale, ni ku Hamate, ni ku ikolo ia kalunga.

Izaía 14:4

Kieneʼokio o mukumbi iú ua kà uimba muene mu kuâmba sobha ia Babilonha, uixi; Mbé o kingumba lelu ki zumbukʼâ! Lelu o ungumba uabhu, o mbanza ia kembele ni ulu lelu ia budikʼâ!

Izaía 14:7

Iá nhoha kiá, oxi ioso ia ximbakata; ene oso ia a kola ikóue ia ngalasa.

Izaía 22:6

Mbata Elame ua nomona kizu kia misongo, mala iá mu makalu, sai ue amondadi; o Kile ua tukulula jingubu.

Izaía 24:16

Ku maẋokololo maʼxi tuevu-ku ià emba mikumbi ia kufumanesa Muthu Uaiuka; maji eme ngedi: Uaué, enu malʼé! Nga bhele, nga tunuka! Akua-mangonha a bhange ufe! kiene muene, akua-mangonha a bhange muene ufe ua nzungule!

Izaía 33:1

Kokolo diê u mubhundi, sumbala ene ka ku bhundu, athu ka ku bhange ufe, eie u a bhanga ufe! Kioso-phe ki u zubha kubhunda akuenu, eie ue a-nda ku ku bhunda; kioso ki u zubha kubhanga ufe ku akuenu, eie ue bhu kala o ku ku bhanga ufe uene.

Izaía 35:10

O jihule ja Jihova a kà vutuka, hé a kèza mu Ziione ni kuimba mimbu ia kutana; o kusanguluka, ki kuene kúbhua kua kà kala ku mítue iâ, a kʼèzala ni kutana ni kusanguluka, o dilamba ni mikemu ia kà a lenga kiá!

Izaía 47:6

Nga thathamana kiavulu ni mundu uami, undundu uami nga u kasanesa, eme nga ku bhakuila-nâ bhu lukuaku lué; eie-phe ngué ku a kuatela jihenda, katé ni ikulakaji, akuka, ua a tuika kimbamba kia neme.

Jelemiia 25:25

ni ku jisobha joso ja Nzidi, ni ku jisobha joso ja Elame, ni ku jisobha joso ja Mediia,

Jelemiia 31:20

Manhi Ifalaíme ki monʼami ua hate? Kamona kami ka makembu? Mukonda kioso ki ngi zubha ku mu zuela ima ia ku mu bhanga kia ibha, hanji ngi mu xinganeka ni muẋima uoso; kienhiki miẋima moxi i ngi bhuá-mu mukonda dia muene, hanji nga-nda ku mu kuatela henda ia vulu, Jihova ua ki tange.

Jelemiia 31:25

Mukonda o muenhu ua iokojoka nga uʼikutisa, o mienhu ioso iala ni malamba nga i disa í iekuta.

Jelemiia 45:3

Eie, uambe, uixi: Kindala, kokolo diami, tatʼé! Kuma ku thandu dia hadi i ngala kumona, Jihova ua ngi ueza-ku dingi dilamba! Nga zondo ni kukema kuami, nhohenu nga di lémbua.

Jelemiia 49:34

O kizuelu kia Jihova, kieza kua Jelemiia, polofeta, ku mbandu ia Elame, mu dimatekenu dia utuminu ua Zedekiia, sobha ia Juda, kiexi:

Jelemiia 49:35

Jihova dia Ifuẋi uambe kiki: Tala, hádia mufula ua Elame nga-nda ku u bukula, o mufula ua nguzu iê kiá muene.

Jelemiia 50:14

Anuʼenuʼoso muʼoleka o mufula, di iudikienu phala Babilonha mu mu kondoloke; mu muʼasa muene, misongo kana ku i mamena, mukonda ua te kituxi kua Jihova.

Jelemiia 50:34

Maji-phe o Mukudi uâ, Kindanda; Jihova dia Uombo Ieta; diene o dijina diê, ni kidi kiene o mvunda iâ ua-nda ku i bhânga, phala ixi nʼa i bhane o kunhoha, ni kuzukutisa iá a tungu mu Babilonha.

Jelemiia 51:11

Zelesenu misongo, o ivunga-thulu iudikenu-iu muene kiambote; Jihova ua phaphumuna miẋima ia jisobha ja Mediia; mbata kia mu kala miẋima mu kuzoka ni Babilonha, o ku muanga kuene; mukonda iii iene o phonzo ia Jihova, o ditota dia Tembulu iê.

Jelemiia 51:44

Hádia Bele mu Babilonha, nga-nda ku mu zungila, o ioso ia minha mu kanu diê nga-nda ku mu katula-iu, akua jixi ki mungu dingi aia ni kuia kokué; o kimbaka ue kia Babilonha kia di bhale.

Jelemiia 51:53

Mukonda nê-mbe hanji o Babilonha u banda katé ku diulu mba u kolesa o kitala kia kimbaka kiê, kokuami muene hanji kuene ku tunda oso a mu tulukila phala ku mu muanga, Jihova ua kiʼambe.

Kuditenda 1:22

Tamanu o kubhuma kuâ kuoso ku di monekena bhu pholo ié eie; nda u a bhange kala ki ua ngi bhange emʼiki, mukonda dia itondalu iami ioso-lolo; mbata o kukema kuami kuavulu, o muẋima ua ngi sandujuka moxi.

Daniiele 5:28

PERES: Utuminu ué a u uanena akua Mediia ni akua Pelesa.

Daniiele 5:9

Bhenhobho sobha Belxazale u juuala kiavulu, pholo ia mu kituka, o ilâmba iê ioso iabhuuama.

Daniiele 8:2

Mu kisuma nga muene (kuná kala ngala mu mbonge ia Suzane, mu sengo ia Elame) nga muene, mu kisuma, kala ngala ku ndundu ia honga ia Ulai.

Daniiele 8:20

Kilumbe kia mbudi ki ua mueneʼokio, ni mbinga jê jiiadi, ene o jisobha ja Mediia ni ja Pélesa.

Dijingunuinu 13:10

Uoso ambe o ku mu kuika ni ku mu ta upelezu, kikale a mu kuika muene; o muthu uoso ambe o ku mu jibha ni xibhata, u bhinga muene a mu jibha ni xibhata. Bhenhabha-phe bhene bhua bhingi o kukolokota, ni kuxikana kua athu akua-Ngana.

I Samuuele 24:13

Kala kiambe o Sabhu ia makulu, exi: Mukua phulu, a mu ijidila mu kubhanga o phulu iene; eme-phe lukuaku luami ki lu ku tula.