Izaía 21:10 - O Mikanda Ikola

¹⁰ Uaué, tata, kibetelu kiami; Uaué taté! Tiliku ia kibhâmba kiami kia kuvundila! Nga mi tudila kioso ki ngevu kua Jihova dia Ilombo Ieta, muene Nzambi ia Izalaiele.

Izaía 21:10 ပူးပေါင်းရင်းမြစ်များ

I Jisobha 22:14

Mika-phe uixi: Ngana kuene kuala, a tunge a some! Kuma eme ima ioso Ngana ia ngi tangela, iene i nga kà zuela.

II Jisobha 13:7

Mukonda o Jouakaji muene ue ka mu xila dingi mala a ita, kikale ngó makuinhi a tanu a ió ene mu kusambela jikabalu, ni dikuinhi dia makalu ni kuinhi dia midi ia muthu a tena kuimana; mbata o sobha ia Sídia ua a sengulula iú ua a bhange kala fufutila ia mavu, ni ku a zuka-zuka.

Izaía 28:28

O tiliku ene ku i zuka, maji ka i zuku luavulu, kana; kene ue ku i zuka ni malola ma dikalu diê, mba ku i tutula ni jikabalu jê.

Jelemiia 23:28

Uoso polofeta uala ni nzoji, a tange o nzoji iene. O ió uoso uala ni maka mami momué, a zuele maka mami ni kidi. Kuma Jihova uixi: Ibhiate iala ni kima kiahi ni tiliku?

Jelemiia 51:33

Mukonda Jihova dia Ifuẋi, Nzambi ia Izalaiele, uambe uixi: O monʼa kilumba ua Babilonha uedi kala dizanzu (kienda) bhu kumbi dia kuvunda jimbutu; kua mu xala ngó kithangana kumbi dia kumuna di bhixila.

Izekiiele 40:4

O muthu muenhú hé u ngʼambela, uixi: Eie monʼa diiala, tala ni mesu mé, uívue ni mátui mé, o ioso i ngi ku muesa ta-iu muene ku muẋima ué; mukonda kiene kia ku bhekela bhabha, mbé o ku ku londekeza; o ioso-phe i u mona, tangela-iu o muiji ua Izalaiele.

Amoji 3:8

Hoji se ia didi, nanhi u kamba ku kala ni uoma? O Jihova, Nzambi, se ua zuela, nanhi u kamba kuzambula ni upolofeta?

Mikeia 4:13

Balumuka, u vunde, eie monʼa kilumba mu Ziione! Mukonda mbinga ié nga kà i bhanga ia felu, o iala ié ia ngòndo; ua kà sanujuna ndumba dia ifuẋi ia miji, futu iâ anga ua kà i bhakuila Jihova, ni umoni uâ kua Ngana, uavu o ixi ioso.

Habakuke 3:12

Jihova ixi ua iendela ni njinda, o miji ua i titidila ni kutema kuê.

Matesu 3:12

O mbangu iê ia kubhiatela uiza na-iu bhu maku, o kididi kiê kia kuvundila ua-nda ku ki zelesa katé kia zubha. O jimbutu jê u ji bhongolola hé u ji bheka mu kitula; o ibhiate-phe u ioha mu túbhia ki tuene dingi kujima.