Izaía 21:1 - O Mikanda Ikola

¹ Muzambu ua tokala kiphenza kia kizanga kia kalunga. Kala o ibhungu ia kitembu kia sulu ki kungulula ioso, kiene ue kia kà tunda muene ku kikangalakata, ku mukáu u kuatesa uoma.

Izaía 21:1 ပူးပေါင်းရင်းမြစ်များ

Jobe 37:9

O mu jihota ja sulu muene mu tunda kitembu kia kibhungu; o ku itembu ia thunda, kuene kuijiia o mbambi.

Izaía 13:1

Kisuma kia Babilonha, kia diuana Izaia, monʼa Amoji.

Izaía 13:13

Kienhiki, maúlu nga kà a tungutisa; o ixi ia kà sondoloka bhu kididi kiê, mukonda dia njinda ia Jihova dia Ilombo Ieta, ni mukonda dia kizuua kia njinda iê ia muzukuta.

Izaía 14:1

Mbata Jihova ua kà kuatela Jakobo henda, u tona dingi kusola Izalaiele anga u a bheka mʼoxi iâ; jinzuángiza ue ja kà di bunda kumoxi ni ene, anga a kà di banda mu diembu dia Jakobo.

Izaía 14:14

Nga kà banda muene katé ku thandu dia matuta ma suku-ku, nga kà di fuangana ni Suke-ku.

Izaía 14:23

Muene nga kà mu kitula undundu ua tuhombo ni inzunzu, u di bhanga izanga ia menha; anga ngi kuata kiezu kia dibuikilu ngʼa kombela mu dibuikilu, eme Jihova dia Ilômbo.

Izaía 17:1

Kinemenu kia Damasku. Talesa, Damasku a kà mu katula, phala ka kale dingi mbanza, maji ubiluka dixita dia utôkua.

Izaía 47:1

Tuluka, xikama mu fufuta eie u muzeletete, mona-kilumba ua Babilonha; xikama bhoxi; kana-bhu dingi kiandu, mona-kilumba mu Kaldeia, kuma ki bhu kala dingi ku ku ixana muzeletete, mba mona bhu kinéne.

Izaía 5:28

O matoma ma mifula iâ, ma kà songoloka, ni mifula iâ ioso, muene, iolama; o ikoto ia jikabalu jâ, ufika kala ʼtadi dia holototo, o malola ma makalu mâ malenga mukua ni ngumba ia kitumba.

Jelemiia 51:1

Jihova uambe kiki: Tala, hádia ngi fundumuna kitembu ki buikisa, mu kuzoka ni Babilonha, ni mu kuzoka ni ió a tungu mu kaxi ka iá ene ku ngi balukila eme.

Jelemiia 51:42

O musanza ua kalunga ua bande ku thandu dia Babilonha, ndumba ia mabhuku ma kalunga ia mu vungina.

Jelemiia 51:51

Mua kà kiʼamba, kuila: Sonhi ja tu kuata muene mukonda tua sebuluka; pholo ia tuʼizala jisonhi, mbata kueza akua jixi jengi mu mabhezelu a kola a inzu ia Jihova.

Izekiiele 1:4

Mu kutala, nga mono kitémbue kia nguzu kiala mu kuijiia ku mbandu ia suku, ni dituta dia dikota ni túbhia tuedi kala kitumba kia mu uama; o mu jimbandu jê anga mu di-muika, o mu kaxi kê mu kala kima kia kidifua kia kìphembe, ki kala mu tunda mu túbhia.

Izekiiele 30:11

Ni muene ni mundu uê kumoxi, ió kene ni kiáxi mu akua jixi, ene a-nda ku ambata, phala nʼa kà sengulula o ixi; hé a kà fomona o jixibhata jâ mu kuzoka ni Ijitu, anga o ixi a kà izalesa ni athu òʼkubule.

Izekiiele 31:12

O iiala ia tundu kuengi, ió muene a kuata o uoma muʼaxaxe ka akua jixi, ene a mu batula iá a mu xisa; o jithangu jê ji ja sonokena ku milundu ni mu makôlo, o jisuásua jê jòbukujule kuala o jihungulule joso ja ngongo; o ifuẋi ioso mu ngongo, mu kilembeketa kiê ia tundu-mu, iá a mu xisa.

Izekiiele 38:9

Kienhokio-phe, ua kà banda, hé ua kʼèza kala kibhungu, anga ua kà di bhanga kala dituta phala kuvungina o ngongo, ni eie ni masoladiʼé oso, ni ifuẋi ia vulu ia ku bande.

Daniiele 11:40

O kia kà bhua o jithembu-phe, sobha ia ku sulu ua kà lua-nê, o sobha ia ku suku ue ua kà di lukula mukuâ ni kibhungu mu kúlua-nê ni makalu, ni akua jimonde, ni jinaviiu jandumba. Muenhú u bokona mu jixi u di-zanza momo mukua ni ngiji iezala, anga u somboka.

Zakadiia 9:14

Jihova a kà mu muena ku thandu dia anʼa Ziione; o misongo iê ia kà tunda kala jinzaji ja mvula iala mu telaka; Jihova Nzambi ua kà xikisa koloneta anga ua kʼàia ni ibhungu ia kitembu kia Sulu.