Izaía 20:2 - O Mikanda Ikola

² Bhu thembuʼoio Jihova ua tangela polofeta Izaia, monʼa Amoji, uixi: Ndé ka Zule kidinhaji ki ua di-kutu mu mbundʼokio, ni jisabhatu ku inama zula-ju. Muene anga u ki bhanga, anga uenda tuẋi, inama bhoxi dia hatu.

Izaía 20:2 ပူးပေါင်းရင်းမြစ်များ

II Samuuele 15:30

Davidi anga u kala mu banda ku disámbua diodio dia honga ia Kidolone mu mbanjidilu ia mulundu ua Midiva; kioso kiala mu banda uala kuenda ni kudila, ua di futu mútue, uala kuenda ni inama ia hatu bhoxi; mundu uoso ala kuendela-nê kumoxi anga a di futa uâ mítue, ala mu kuila ia a banda ia enda ni kudila.

II Samuuele 6:20

Davidi anga uia kubenzela dibhata diê-muène. Mikala, monʼa Saúlo ua muhatu, anga uiza kukauidila Davidi, uixi: Muenexiʼa Izalaiele kujinga kuahi lelu, u di vungununa bhu pholo ia tuhatu tua abhikʼé, mukuâ ni muthu uoso-uoso ngó ua kambe sonhi!

II Jisobha 1:8

Ene-phe a muʼambela, exi: Muthu ió ua zuata kindemba, iú ua di kutu phonda ia kibha mu mbunda. Muenephe, uixi: Ahi Ió Elija, mukuaʼxi iengi.

Jisálamu 30:11

Kudila-phe eie ua ngi katula-ku, mua ngʼiza kukina! ua ngi zula o kidiniaji, eie ua ngi kembesa ni ngalasa.

Makatukilu 3:5

Nzambi, uixi: Kana kuzukama dingi kunu; o jisabhatu ku inama ié zula-ju; kuma kididi ki uemana, mavu akôla.

Izaía 1:1

Kisuma kia muene Izaia, monʼa Amoji, kia tokala Juda ni Jeluzaleme, mu izuua ia Uziia, ni Jotamu, ni Akaze, ni Ezekiia, jisobha ja Juda.

Izaía 13:1

Kisuma kia Babilonha, kia diuana Izaia, monʼa Amoji.

Izaía 37:2

U katula Eliiakime dia kimbadi kiê, ni Sebena, musoneki, ni ikulakaji ku jinganga, a di vungu idinhaji, u a tuma kua Izaia, monʼa Amoze, o musesedi.

Jelemiia 48:37

Mukonda mítue ioso ia kà kituka mabhaia, o miezu ioso ia kà bhueka; majuʼoso a kʼezala iẋenge, o bhu inhonga a kà di kumba jisaku.

Izekiiele 24:17

Mikemu ié suikika-iu; o athu a fu ku a zuatele ndombe; kutila o dizamba dié ku mútue, o inama ié tá na-iu mu jisabhatu; o pholo ié kana ku i sueka, kua kà die ue o mbolo i ku tumikisa o athu.

Izekiiele 24:23

Hé mua kà kala ni mazamba menu ku mítue, o jisabhatu jenu ja kà kala ue ku inama ienu; ki mua-nda kua kà di tata mba mua kà dila, maji mua kà hohela mu ikuma ienu hé mua kʼàia ni kukema mudienu, iá kuku, iá koko.

Izekiiele 4:1

Eie-phe, u monʼa muthu, zangula ditijolo, u di tule bhu pholo iéeʼmuene, u Sete ku ditijolo kuenhoko o mbanza ioso ia Jeluzaleme.

Izekiiele 4:5

Mukonda eme nga ku xindila o mivu ia kuiibha kuâ kia soko o dialuilu dia izuua, hama jitatu ni makuinhiʼvua dia izuua; kiene ki ua kʼambata o kikuma kia dibhata dia Izalaiele.

Mikeia 1:11

Bhita ni tuẋi i kuatesa jisonhi, eie u monʼa muhatu ua tunga bhu Safídia; muhatu ua mukua Zanane iú-ué ku bhata mukonda ka tena ku tunda; o jingololo ji tunda bhu Betesele, bhobhuenu bhene bhu ji suka.

Mikeia 1:8

Mukonda dia kiki nga kà di ta mutendu, nga kà buza, nga kʼenda kala muthu a mu bhûndu, ua xala tuẋi; nga kà di ta mutendu kala ki bhanga o jimbulu, nga kà dikola kala kihendembumba.

Zakadiia 13:4

Mu kizuuʼomo-phe jipolofeta ja kà kala ni sonhi ia kutanga kisukila kioso kia mono mu uanji ua upolofeta; ene uâ ka kà zuata dingi mandu ia kindemba, phala nʼa kuata kutanga makutu.

Matesu 16:24

Kienhókio Jezú u ambela jixibulu jê, uixi: Se muthu ua mesena ku ngi kaiela eme, a di fule o kudibanza muène-muene, a zangule dikulusu diê, a ngi kaiele.

Matesu 3:4

Nzuá muenhú u kala mu zuata thanga ia ndemba ja kamelu, u di kuta phonda ia kibha mu mbunda; o kúdia kuê mahoho, ni uiki ua ditutu.

Nzuá 21:7

Xibulu a mu zola kuala Jezú, anga uambela Phetele, uixi: Ió Ngana Jezú! Ximá Phetele kia kʼivu kuila muène Ngana, u zuata kazaku kê, u di kuta, (mukonda ua kexile Uixi) anga u di ta ku menha.

Jipoxolo 19:16

O diiala uala ni nzumbi iaiibha moxi diê, anga u a tukila ku thandu, u kala kota ku nguzu, u a tolola ni kibetu katé kia lenge mʼonzo ni tuẋi, ni mikutu iatu.

Jipoxolo 21:11

Anga u tu sanga, u tambula o phonda ia Phaulu, u di kuta o inama iê-muène ni maku, uixi: Eme Nzumbi Ikôla uambe kiki: Mukua phonda iê iii, kienʼiki kia kà mu kuta o Jijudé mu Jeluzaleme, hé a kà mu thelekala bhu maku ma akua matumbu.

Josuué 5:15

Kilâmba kia ifuẋi ia Jihova anga uambela Josuué, uixi: Zula jisabhatu je ku inama; kuma kididi ki uemana ki kôla, Josuué anga u ki bhanga.

Dijingunuinu 11:3

Anga ngi tumikisa mbangi jami jiiadi, a zuata saku ia kidinhaji, hé a kala mu tanga o Njimbu ia Nzambi mu midi ia kizuua ni hama jiiadi ni makuinhi asamanu.

I Samuuele 19:24

Anga u zula ue izuatu iê, u ximana ni kutanga uanji ua upolofeta bhu pholo ia Samuuele, hé u zeka ni tuẋi kumbi diosuʼodio ni usuku uê. Mukonda dia kiki a ki ta dingi ku mukûmbi, exi: Saúlo manhi ua di bundu ué mu jipolofeta?