Izaía 2:8 - O Mikanda Ikola

⁸ Oxi iâ ue iezala ni iteka; a fukamena ima ia kalakala o maku mâ; bhu pholo ia kima kieneʼokio kia bhange o milembu iâ-ene.

Izaía 2:8 ပူးပေါင်းရင်းမြစ်များ

I Jisobha 16:7

Kienhiki ue kiejile o kizuelu kia Jihova, mu ukunji ua polofeta Jehu, monʼa Hanani, mu kuêlesa Bahasa ni dibhata diê; o kia ki bhekele, o usuéia uoso ua bhangele Bahasa ku mesu ma Jihova, kia mu thathamesa ni ibhangelu ia maku mê, mu ku di sokesa ni dibhata dia Jelobouamu, ni mukonda ue dia ku buidisa o dibhata dioso dia Jelobouamu.

II Jisobha 17:10

Iá a di-kubila iteka ni idifua ia mixitu mu tu milundu tuoso ni bhu ixina ioso ia miẋi ia di-zandela.

II Jisobha 17:16

O ijila ioso ia Jihova, Nzambi iâ, a i xisa, ià a di iudikila mahamba ma utadi ua kuzunza, tungombe tuiadi; ià a bhange kiteka kimoxi kia muxitu; a fukamena o kifuẋi kioso kia diulu; ià a bhikila o dihamba dia Bale.

II Malunda 27:2

Anga u bhanga kia iuka bhu pholo ia Jihova, kala ioso ia bhanga jinga tatʼâ Uziia, kana-phe o kubokona mu Thembulu ia Jihova. Maji hanji o mundu ua kexile mu kutondala.

Izaía 17:8

Ka kà suua dingi jikalatódio, ja kikalakalu kia maku mê; ka kà landukila dingi ue ima ia kalakala o milembu iê, né ku mixitu, né ku iteka ia lumbila dikumbi.

Izaía 26:13

Jihova, Nzambi ietu, tata! Kia dikalela kiua jingana jengi kiá, ja mu tu tumina, maji hanji, mukonda dia Eie ngó, dijina dié ki tua di landuka.

Izaía 37:19

jinzambi jâ ja iteka a ji oha mu túbhia; mukonda ki jinzambi, kana; ikalakalu ia ufunu ua maku ma athu, mixi ni matadi; kiene-phe kia ji jikinisina.

Izaía 40:19

O hete ia ufunu uzunza kiteka, o udivi anga u ki folala ni ulu, hé u ki zunzila malubhambu a phalata.

Izaía 41:29

Kuma ene oso a di-bhange kingoho; o ikalakalu iâ, ki kima; o iteka iâ ia kuzunza mulenge uahatu, uene kima kia ngó.

Izaía 57:5

Mua senduka ni mahamba bhu makota a miẋi ia uisu, ni ku satela tuana ku jingiji, ni mu mabânda a matadi?

Jelemiia 1:16

Eme-phe nga kà a zuelesa ni njinda mu kufundisa kuami; mukonda dia ufusa uâ; mbata ene a ngi xisa eme iá a ximika uasu ua dizumba ku jinzambi jengi, iá a kuata ku diundila ikalakalu ia maku mâ.

Jelemiia 11:13

Mukonda kala kia soko o dialuilu dia jinzambi jé, eie Juda, kiene kia soko o jinzambi jé! O kia soko ue o dialuilu dia jinzunga joso ja Jeluzaleme, kiene ue ki ua tungila jikalatódio ku ima ia jisonhi, o jikalatódio ja kuohela uasu ua dizumba kua Bale.

Jelemiia 2:28

O jinzambi jé-phe ji ua di iudikila jala kuebhi? ji balumuke se ji tena ku ku kudila bhu kithangana kia ku bhondalala kué: Mbata jinzambi jé, u Juda, ja soka ni ji sanzala jé mu kuvula.

Hozeia 12:11

Ngiliiade manhi ua kambe ikuma? A di bhange-phe lusebu ngó kuabhu. Mu Jidingale ala kusatela jingombe, maji jikalatódio jâ ja di bhange kala jindunji ja matadi a hatu, mu jimbondongolo ja mibhanga ku mábhia.

Hozeia 13:2

O kiki-phe ituxi ia mu di vuala dingi, a nomona ku phalata iâ anga a di bhangela kiteka kia kuzunza, a di bhangela muene iteka ia solo ku miẋima iâ, iene ioso-phe ima iòkalakale ku maku ma jihete ja ufunu, anga aia ni kuila: Enu mu athu satelenu ku jinzambi jiji, bhanenu jibeju ku tungombe tutu.

Hozeia 14:3

Asídia ki muene ua-nda ku tu bhulula; o ku jikabalu ue ki tua-nda kumondala-ku dingi; o kima kia bhange kuala makuʼetu, ki tua-nda ku ki tangela dingi, kuamba: Eie, eie kiá u Nzambi ietu; mukonda o monʼa kitungu, ua kambe tata ni mama, kiadi u ki bongela momué.

Hozeia 8:6

O kiki ue kia tundu kua Izalaiele; hete ia ufunu ua Já iudika. Iene ki Nzambi, kana. A-nda ku ki sasujula-phe anga kibhua-bhu kia kangombe ka Samádia.

Mikeia 5:12

Hé nga kà ku katula o mauanga mu uala na-u bhu maku mé; kua kà kala dingi ni akua kuzambula.

Jipoxolo 17:16

Kiki kia kala Phaulu mu ku kinga Sila ni Timote mu Atena, muẋima ua mu suku kia mono mbanza ioso iezala iteka.

Matendelelu 4:28

Kuene kiua ku mua-nda kua kà xingila mahamba mókalakale ku maku ma athu, o jinzambi ja miẋi ni matadi; ki ji tena kumona, ki ji tena kuívua, ki ji tena kúdia, mba kuívua dizumba.

Dijingunuinu 9:20

O mundu uoso ua subhuka-ku, oso a kambe kúfua ku mabhebhuʼ ama, nguá-uâ kudiela o imbamba iâ ia kexi mu bhanga. Ka zumbuka o kubheza madimónio, ni itèka ia ulu, ni ia phalata, ni ngôndo, ni matadi ni mixi, ima i bhinga ki i tena kumona, ki i tena kuívua, ki i tena kuenda.