Izaía 2:21 - O Mikanda Ikola

²¹ Anga a kà di-suetesa ni ku di xinjika mu misula ia matadi, ni mu mitanji ia matadi a makota, mukonda dia kutukuluka kua Jihova kukola, ni mukonda dia fuma ia unéne uê, kioso muene kia kà balumuka phala kudiuanesa oxi.

Izaía 2:21 ပူးပေါင်းရင်းမြစ်များ

II Samuuele 22:46

Enhó akua makanga a lela kala iangu; eza ni kuteketa, a fomoka mu masuamenu mâ.

Jobe 30:6

A tunga mu makôlo mua vundu, ni mu jingenda ja mavu ni mu mabânda ku matadi.

Jobe 9:6

Muene u tena kusondolola o mavu bhu kididi kiê, anga ngunji jê ji tunguta muène.

Makatukilu 33:22

Kioso-phe ki bhita o kujinga kuami, ngi ku bhaka mu ṗhudi ia ditadi, anga ngi ku vungina ni lukualu luami, katé kioso ki ngi zubha kusomboka.

Mukumbi ua Mikumbi 2:14

Izá, phomba iami, tata, eie ua tunga mu jingenda ku jindanji ni mu ididi ia di sueka ku matadi a di leka, ngidikize pholo ié, bhangesa kuila dízui dié ngi dʼivua, kuma o mbimbi ié ia touala, o pholo ié i bhekela kizola!

Izaía 2:10

Ndé, u bokone mu mabanda, ku matadi, nda u suame mu fufuta, phala ulenge o pholo ia Jihova ia madiuanu, ni kujinga kua unéne uê.

Izaía 2:19

Kieneʼokio athu a kà bokona mu mabanda a matadi ni mu makungu bhoxi, mukonda dia kutukuluka kua Jihova kukola, ni mukonda dia fuma ia unéne uê, kioso muene kia kà balumuka phala kudiuanesa oxi.

Izaía 24:18

Kienhokio-phe, uoso ua kèla, iza ngi lenge kibulukutu, ua kà laúka mu diela, o kiela ngi tunda mu diela, utudila mu mùkala, ua naminina; mukonda bhulu jinjanena a ji jikula, bhoxi, madisesa ma tunguta.

Izaía 33:10

Kiki-phe kiá ngi balumuka, eme Jihova; kiki ngi balumuka eme-muène, anga a kà ngi jingisa.

Izaía 7:19

Anga jiza, jibutama mu makôlo a iphenza, ni mu mitanji ia matadi, ni mu minha ni mu matutu oso.

Jelemiia 16:16

Talesa nga-nda ku tuma atona a nzungule, eme Jihova, ene a-nda ku a tamba; anga ngi kasa kiua nzungule ia manhanga ene a-nda ku a tomba ku milundu ioso, ni ku tu-thuthulundu tuoso katé ni mu mabanda ku jindanji.

Hozeia 10:8

O matala ma Avene, a-nda ku a sengulula mukonda kiene o kituxi kia Izalaiele; o ku thandu dia jikalatódio jê kua-nda kusabhuka minha ni hokokoso; ene à kʼambela o milundu, exi: Tu vunginienu! O tumilundu tuofele a kà tu ambela, exi: Lundumukinenu kuthandu dietu!