Izaía 2:20 - O Mikanda Ikola

²⁰ Mu kizuua kieneʼokio, o muthu ua kà takuila ku jiphukulu ni ku madima o iteka iê ia phalata ni iteka iê ia ulu, ia bhangele phala ene ku i diundila.

Izaía 2:20 ပူးပေါင်းရင်းမြစ်များ

Dimatekenu 35:4

Anga a bhana kua Jakobo o mahamba oso a kexi na-u, ni jibixa jala na-ju mu mátui, Jakobo anga u a fukena bhu kota dia muẋi ua mukalavalu uala bhenhobho bhu Xikeme.

Ndongixi 3:6

Sai thembu ia kusota, ni thembu ia kujimbidisa; thembu ia kubhaka ni thembu ia kutexi bhu kanga.

Izaía 10:3

O kiki-phe enu mua-nda kubhanga kiebhi, mu kizuua ki nga-nda ku mi endela, anga kuiza o kibuika ki tunda makanga? Mua kà lengela kua nanhi mu sota o disuamenu? O kijingo kienu ue muanda kuá ki tula bhebhi?

Izaía 17:8

Ka kà suua dingi jikalatódio, ja kikalakalu kia maku mê; ka kà landukila dingi ue ima ia kalakala o milembu iê, né ku mixitu, né ku iteka ia lumbila dikumbi.

Izaía 30:22

Divunga dia iteka ié ia phalata, dianda ku ku iibhila kiá, o divunga dia iteka ié ia ulu ua kuzunza, eie ua-nda ku di kita dixidilu; ua-nda ku di texe kala ditele, ua-nda ku i tangela mu kimoxi-kimoxi, kuila: Tu-nda bhabha.

Izaía 31:7

Kuma mu kizuua kiókio kala muthu ua kà texe mahamba mê ma phalata, ni mahamba mê ma ulu, ma mi iudikila o maku menu phala muende ni kuta ituxi.

Izaía 40:19

O hete ia ufunu uzunza kiteka, o udivi anga u ki folala ni ulu, hé u ki zunzila malubhambu a phalata.

Izaía 46:1

Bele uabhi-ku kiá, Nebo uatoloka, nga diuana! o mahamba mâ a ma tudika ku makunda ma ibhaku iâ; o imbamba ia makuba menu ia di-bhange kinemenu ngó phala o ibhaku ia bhuila kiá.

Izaía 46:6

A zanga o ulu mu ngonga, o phalata bhu pezo; a futila na udivi; muene anga u iudika-ku nzambi; hé a i diundila, a i bheza.

Izekiiele 14:6

Kala kiki, o dibhata dia Izalaiele tangela-diu, uixi: Jihova Nzambi uambe kiki: Dielenu, o mahamba menu xé-nuu; jipholo jenu katulenu-ju ku ima ienu ioso ia ufusa.

Izekiiele 36:25

Kienhókio nga kà mi pusuila menha a zele ku thandu dienu, anga mu-bhua o dixidilu dioso; nga kà mi zelesa muene ku maufusa menu moso, ni ku mahamba menu moso.

Izekiiele 7:19

O phalata iâ a kà i takuila ngó mu jinzunga, o ulu uâ ua kà kituka ditobe; ní, o phalata iâ, mba o ulu uâ, ki ua kà tena ku a bhulula bhu kizuua kia njinda ia Jihova; iene ki ia kà tena kuizalesa o mienhu iâ mba i tena kuikutisa o mavumu mâ, kuma iii ia kexile iene o kifudisu kia kuiibha kuâ.

Hozeia 14:8

Ifalaíme ua kʼèla, uixi: Eme bhu ngalʼabha o iteka nga kuata na-iu kima kiahi? Eme-phe ngi mu suua, o kia zulʼokio ngi ki ivua muene. Mbata eme nga di bhange kala ngi mufuáia ua buingita mu thembu joso, o ibundu ié u i sanga jinga momuami.

Ijila 11:19

Ni dibânda, ni dituua, ni akua kidifua kiê, ni kaluuiui, ni dima.

Sofoniia 2:11

Jihova ua kà a lungulukila, o jinzambi joso ja mu ngongo anga u ji jikinisa; akua jixi ene oso a kʼèza kua Muene ku mu bheza, tunde mu ididi iâ ni miji ioso mu ikolo.

Luka 23:30

Kithangana kì kiza, athu a kà mateka kuambela o milundu, exi: Tu lundumukinienu. À kambela milundu iofele, exi: Tu vunginienu.