Izaía 2:2 - O Mikanda Ikola

² Anga kia kà bhita-phe kuila: Mu izuua ia kà sukidila-ku, o mulundu kua tungu o inzu ia Jihova, ua kà beta kuzangalala o milundu ioso ni tumilundu tuofele, ndenge; o ifuẋi ia jixi joso ia kà lengela kué muene.

Izaía 2:2 ပူးပေါင်းရင်းမြစ်များ

Dimatekenu 49:1

Jakobo anga uixana anʼê, uixi: Bhongolokenu, ngi mi tangele ima ioso ia kà mi bhita mu izuua ia hádia.

Jobe 19:25

Mbata eme nga kʼijiia kuma Mukudi uami iú-ué ni muenhu, kuila ue ku dizubhilu, Muene ua kà zangalala mu ngongo!

Jisálamu 102:23

Nzambi ua ngi sosolola nguzu iami mu njila mu ngejila; o izuua iami ua i selula, ki ia-nda kutena dingi.

Jisálamu 2:8

Ngi bhinge, phalʼeme ngi ku bhane akua jixi ku avua, a kale undundu ué, katé ku maẋokololo mu ngongo.

Jisálamu 22:27

Katé ku maẋokololo a jixi athu a xinganeke, a vutuke kua Jihova; mbutu joso ja athu, eze a bheze bhu pholo iê.

Jisálamu 22:28

Kuma ungana uangene ua Jihova; muene ua tokala ku tumina akua jixi joso.

Jisálamu 48:2

O mulundu ua Ziione, kididi kia uabha, bhua di leka kiambote, ngalasa ia ixi ioso! o mulundu ua kexila ku maẋokololo ku mutundila-kumbi, mbanza iangene ia Sobha ia dikota.

Jisálamu 68:17

Makalu a Nzambi a ita makuinhi aiadi a midi, ni jimidi ja jimidi ja ndumba; o Ngana uala muʼaxaxi kâ, mukuâ ni mú Sinai, o kididi kiê kia isuma!

Jisálamu 72:8

Utuminu uê u tunda ku musanza katé ku musanza ua mukuá, mbambe o ngiji ia dikota katé ku maẋokololo maʼxi.

Jisálamu 86:9

Mbutu joso jʼathu, eie-muène ua a bhanga, hádia a kèza kubheza bhu pholo ié, u Ngana; a kà jingisa o dijina dié.

Jisálamu 87:1

Disesa dié Jihova ua di tungu ku milundu ié iangene.

Jisálamu 87:2

Jihova ua solo o mielu ia Ziione, mabhata moso ma Jakobo ma mu kala ndenge.

Izaía 11:10

Kia kà kala-phe kiki, kuila, mu kizuuʼomo akua jixi a kà di ta mu kusota Lundanji lua Jese, a lu te mu ku kala mvela ia ifuẋi; o kididi kia dinhohenu diâ kia kʼèzala fuma ia tenena.

Izaía 25:6

O Jihova dia Ilombo, mundu uoso ua-nda ku u bhangela kizokola ku mulundu kuenhuku, ni iama ia nete; kizokola kia vinhu ia kenzuluka, ni malonga a uôngo ua ifuba, ni vinhu ia iuka ia kenzuluka kiambote.

Izaía 27:13

Mu kizuua kieneʼokio, kia-nda kua kà kala-phe kiki: A kà xika-mu koloneta ionéne, o ió oso-phe a texikile ni kubunganena mʼoxi ia Asídia, ni oso a a balakalele kʼoxi ia Ijitu, a kà vutuka dingi anga a kà bheza Jihova ku mulundu uê uangene, mu Jeluzaleme.

Izaía 30:29

Muʼaxaxi kenu-phe mua-nda ku kala muimbu kala mu usuku ua kutulula o kizokola kikôla; muẋima ua-nda ku mi sanguluka kala muthu u xika ngaieta mu kuiza ku mulundu ua Jihova, kua Ndanji ia Izalaiele.

Izaía 49:6

Muene uambe dingi: O kukala ngó u selevende iami, phala kubhangulula ibuka ia Jakobo, ni ku ngi bhekela dingi o masubhu ma Izalaiele, ki kia soko; maji nga ku xikika, nʼu kale u Mukengeji ua akua-matumbu; ua a bhekela kubhuluka, katé ku maẋokololo aʼxi.

Izaía 56:5

Eme ue mʼonzo iami ni mu malumbu mami nga kà a bhana-mu kididi, ni dijina dia tundu o dijina dia ana a mala ni anʼa ahatu; dijina dinanga, diene di ngʼa bhana kala muthu mudiâ; o dienhidi ki dia kà bhua-ku dingi.

Izaía 56:7

Eme ue nga kà ambata ku mulundu uami ukôla, anga nga kà a bhangela fesa mʼonzo iami ia kusambela; o mibhaku iâ ia kuoha ni jisata jâ, nga kà ji xikina muene bhu kalatódio kami; kuma onzo iami a kà i ixana onzo ia kusambela phala akua jixi joso.

Izaía 60:3

Ni akua-jixi joso a kèndela ku mukengeji ué, o jisobha ue ja kèndela mu kubenha kua ku muikina.

Izaía 65:11

Maji enu-phe, mua mu batuka kua Jihova, mua mu landuka o mulundu uami ukôla, enu mua kuata o kuzala o meza phala Kilundu-kia-jimbongo ni kulungisa maluvu phala Mamunu;

Izaía 66:20

Anga ene a kèza ni jiphange jenu, jene mu kaẋi ka ifuẋi ioso, mu ku a bhakuila Jihova; o iâ ejiia ku jikabalu, o iá mu makalu, ni mu maxila, ni ku jimula, ni ku jikamelu, anga eza kienhiki ku mulundu uami ukôla, ku Jeluzaleme, eme ngi Jihova; mukuâ ni kiene kuiza anʼa Izalaiele kubhakula maujitu mâ mu dibhata dia Jihova, a ʼambatela mu itutu iazele.

Izaía 66:23

Hé kima-phe, tundé kimoneka o mbeje katé kia kà moneka ia mukuá, tundé kia sabhalu katé sabhalu ia mukuá ni kuiza mu bheza bhu pholo iami, eme ngi Jihova.

Jelemiia 16:19

Jihova tata, u kimbaka kiami, u nguzu iami, u disuamu diami mu kizuua kia phaxi! Matumbu-ze a-nda kuiza kokué, tundé ku maẋokololo ma ixi, anga ela: Mbé jitata jetu a lunduile ngó makutu, ni kingoho ki kuala kubhanduluka kua kima.

Jelemiia 23:20

Njinda ia Jihova ki ia kà somboka, katé muene ia kà bhanga ni ku kumbidila ioso ia mu tumu muẋima uê; ku izuua ia kà sukaku, ima iii ia kà mi lombolokela kiambote.

Jelemiia 26:18

Mikeia dia mukua Molaxita ua zambuile mu izuua ia Ezekiia, sobha ia Juda, anga u tangela mundu uoso ua Juda, uixi: Jihova dia Ifuẋi uambe kiki: Ziione a kà mu dima kala mukáu, Jeluzaleme ua kà kituka ndunji ja matadi, o ditala dia inzu iii dia kà di bhanga kala dilundu mu ditutu.

Jelemiia 3:17

Mu thembuʼomo Jeluzaleme a kà mu luka Kiandu kia Jihova, ni miji ioso ia kà di bhongoluela kua muene, ku Dijina dia Jihova, mu Jeluzaleme; ki mungu dingi enda kala kioso kia tumu o muẋima uâ ua usuéia.

Jelemiia 30:24

Ki ia kà vutuluka kuema, o njinda ia kutema kua Jihova, katé ki ia kà zubha ku bhanga ni ku kumbidila ioso ia muʼindi muẋima uê; kienhiki, ku zubhilu dia izuua, kia-nda ku mi tombolokela kiambote.

Jelemiia 31:12

Kienhiki-phe, a kèza hé a kà sanguluka bhu ditala dia Ziione, a kà lengela ku mbote ia Jihova, ku tidiku ni ku makúnua, ni ku maji, ni ku tumbudi, ni tungombe; anga muenhu uâ ua kèla kala jindombe jʼòtekele, ki mungu dingi enda ni mukondo.

Jelemiia 48:47

Maji kua kà suka izuua, kikexilu kia Mouabhe nga kà ki lungulula, jihutile jê ja kà vutuka dingi, mu kizuua kia sukidila, Jihova ua ki tange katé bhabha bhene bhua suku o difundisilu dia Mouabhe.

Jelemiia 49:39

Kia kà kala phe kiki, kuila mu kizuua kia kà sukidila-ku, kiene ki nga kà bhangesa ku vutuka jihutile ja Elame, Jihova ua ki tange.

Jelemiia 51:44

Hádia Bele mu Babilonha, nga-nda ku mu zungila, o ioso ia minha mu kanu diê nga-nda ku mu katula-iu, akua jixi ki mungu dingi aia ni kuia kokué; o kimbaka ue kia Babilonha kia di bhale.

Izekiiele 38:16

Anga eie ua kà banda mu kúlua ni mundu uami ua Izalaiele, mukuâ ni dituta phala kuvungina o ixi iami iene, mbé o akua jixi a tene ku ngʼijiia eme, kioso eme ki nga-nda ku di kolêsa, bhu mesu mâ, eie u Ngongo, tata!

Izekiiele 40:2

mu isuma ia Nzambi, lua ngʼambata katé mu ixi ia Izalaiele, lú lua ngi tula ku mulundu ua di leka kinéne, o kuenhoko kua kexile kima kiedi kala mbanza iòtunge, ku mbandu ia Sulu.

Daniiele 10:14

O kiki ngeza ku ku ijidisa kioso kia-nda kubhita na-kiu o mundu ué, mu izuua i sukidila-ku; mbata kisuma kiki, kia mu tanga ima ia kʼèza ku hádia.

Daniiele 2:28

Sai-ku Nzambi ku diulu, muene mukua kujingununa ijinganu ioso; muene-phe ua-tumu kuijidisa sobha Nabukodonozolo kioso kia-nda kuiza-ku mu izuua ia sukidila-ku; o nzoji ié ni isuma i ua diuana ki uele ku kilu bhu hama ié, ienhiʼii:

Daniiele 2:35

Bhenhobho-phe kiá, ni felu ni utuma, ni ngòndo ni phalata kumoxi kiá ni ulu, iene ioso sasu-sasu, anga ikituka kala ibhiate i ala kubhiata bhu mbango, kitembu kia i ambatesa, katé iendelela ni kididi bhu ia kexile ki bhu moneka dingi; maji o ditadi-phe dia nemeka o kiteka, dia di bhange mulundu uonéne, anga uizalesa oxi ioso.

Daniiele 2:45

Kiene ki ua muena kuila ku mulundu kua bamuka ditadi, maji ki maku ma di bamuna, dieneʼdi dia sasujula o felu, ni ngôndo, ni utuma, ni phalata, ni ulu, Nzambi, Kutende uadimuna sobha, phala ku kuijidisa ima ioso hádia ia-nda kuiza ku pholo ki zubha kubhita iosuʼiii; o nzoji ia kidi, o dijimbuluilu diê dia kidi.

Hozeia 3:5

O ku hádia-phe anʼa Izalaiele hinu a kà vutuka dingi, anga a kà sota Jihova Nzambi iâ, ni Davidi, sobha iâ; anga ni kuteketa a kà sota ku xila jinga Jihova ni mbote iê, mu izuua i sukidilaku.

Zakadiia 14:10

O ixi ioso ia kà kituka mukua ni kiphenza kia tundu mu Jeba katé ku Dimone ku mbandu ia Sulu ia Jeluzaleme; Jeluzaleme muene a kà mu zangeleka; ua kà tunga ua kà soma tunde bhu kididi kia dibhitu dia dianga katé bhu thungi; tundé bhu inzu ia matala ia Hananiiele katé ku makamenu-ma-vinhu ma sobha.

Zakadiia 14:9

Jihova muene ua kà kala Sobha mu ngongo ioso. Bhu kizuuʼokio-phe, Ngana ia kà kala imoxi ngó ni dijina diê dimoxi ngó.

Zakadiia 8:22

Kienhókio miji ia vulu ni ifuẋi ia mazonda ia kèza mu Jeluzaleme mu kusota Jihova dia Ilombo Ieta ni kudionda o kiadi kia Ngana.

Zakadiia 8:3

Jihova dia Ifuẋi uambe kiki, uixi: Ziione nga kà mu vutukila. Nga kà tunga mu kaxi ka Jeluzaleme. Jeluzaleme a kà mu ixana exi: Mbanza ia ujitu, mulundu uangene ua Jihova dia Ilombo Ieta, mulundu uê ukôla.

Malakiia 3:12

Bhenhobho akua jixi joso, a kà mʼixana kuma mua zediua; mbata enu mua-nda kala ixi ia kubhanduluka eme ngi Jihova dia Ifuẋi.

Dialuilu 24:14

Kiki-phe, ngiia kiá koʼkuetu; imana-phe, ngi ku tangele kioso o kifuẋi kiki ki kia kà bhanga ku kifuẋi kié izuua ia hádia.

Jipoxolo 2:17

Talesenu, Nzambi uambe: Mu izuua ia kà suka-ku, nga kà bhanga kiki: Nga kà lundulula o Nzumbi iami ku thandu dia athu oso. Anʼ enu a mala ni anʼenu a ahatu a kà tanga o maka mami. Minzangala ienu ia kà mona isumua, o adiakimi enu a kʼ ànjiua jinzoji.

II Timote 3:1

Ijiia na-kiu-phe, kuma: Mu izuua isukidila-ku kuanda kuiza jithembu jabhonzo.

Jihebeleu 1:2

Maji kunu kua suku o izuua, ua tu zuelela kua Monʼê. O mua Monʼê, Nzambi muène mua bhangela o ima ioso iene mu ngongo.

II Phetele 3:3

Mu dianga-phe ku kʼijiia, kuma mu izuua i sukidila-ku, kua kà kala athu enda kioso kia a tumu jihânji jâ. Enhá a kà mi bhanga kasekelu ni kuila:

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!

Dijingunuinu 20:4

Kia zubha kubhita kiki, nga mono iandu ni iá a xikama-ku. Enhá anga a a bhana o kutena kua kufundisa. Anga ngi mona ue o nzumbi ja ió oso a a batuile mítue mukonda dia kutanga ku mundu o umbangi ua kidi kiejile mú tukulula Jezú, ni mukonda dia maka ma Nzambi, ió oso a kambele kubheza o kiama ni kitèka kiê, a kambele kutambula o kidimbu kiê bhu dibhomo mba ku lúkuaku. Enhá anga eza dingi ni muenhu, hé a unda ku ungana ni Kristu, ungana u bhanga midi ia mivu.