Izaía 2:19 - O Mikanda Ikola

¹⁹ Kieneʼokio athu a kà bokona mu mabanda a matadi ni mu makungu bhoxi, mukonda dia kutukuluka kua Jihova kukola, ni mukonda dia fuma ia unéne uê, kioso muene kia kà balumuka phala kudiuanesa oxi.

Izaía 2:19 ပူးပေါင်းရင်းမြစ်များ

II Samuuele 22:46

Enhó akua makanga a lela kala iangu; eza ni kuteketa, a fomoka mu masuamenu mâ.

Jobe 9:6

Muene u tena kusondolola o mavu bhu kididi kiê, anga ngunji jê ji tunguta muène.

Jisálamu 7:6

Balumuka, u Jihova, mu njinda ié; imana mu bateka ió asaluka ni ku ngi seia; phaphumuka mu ku ngi zuelela, kuma mulonga uami eie-muène ua ku tokala.

Izaía 13:13

Kienhiki, maúlu nga kà a tungutisa; o ixi ia kà sondoloka bhu kididi kiê, mukonda dia njinda ia Jihova dia Ilombo Ieta, ni mukonda dia kizuua kia njinda iê ia muzukuta.

Izaía 2:10

Ndé, u bokone mu mabanda, ku matadi, nda u suame mu fufuta, phala ulenge o pholo ia Jihova ia madiuanu, ni kujinga kua unéne uê.

Izaía 2:21

Anga a kà di-suetesa ni ku di xinjika mu misula ia matadi, ni mu mitanji ia matadi a makota, mukonda dia kutukuluka kua Jihova kukola, ni mukonda dia fuma ia unéne uê, kioso muene kia kà balumuka phala kudiuanesa oxi.

Izaía 24:1

Talesa, Jihova, ua kà kukumuna oxi anga i xala ngoho, ua kà i bhanga ngundu, o ku thundu diê u tandanganhesa-ku, u i bonguesa, oso a tunga-mu ua kà a muanga.

Izaía 24:18

Kienhokio-phe, uoso ua kèla, iza ngi lenge kibulukutu, ua kà laúka mu diela, o kiela ngi tunda mu diela, utudila mu mùkala, ua naminina; mukonda bhulu jinjanena a ji jikula, bhoxi, madisesa ma tunguta.

Izaía 24:19

Oxi ioso ia kà budika, ia kà sekala kuene kuoso; i setuka muene, bhu kididi kiê ki i kalabhu.

Izaía 30:32

Bhua kà kala jingoma ni jimbanza, bhu kuditenda kua dibambu dia mabatuilu a kà bhana Nzambi; nʼa ka bhânga muene mvunda ia temanana mu kúlua-nâ.

Izaía 33:10

Kiki-phe kiá ngi balumuka, eme Jihova; kiki ngi balumuka eme-muène, anga a kà ngi jingisa.

Izaía 7:19

Anga jiza, jibutama mu makôlo a iphenza, ni mu mitanji ia matadi, ni mu minha ni mu matutu oso.

Jelemiia 16:16

Talesa nga-nda ku tuma atona a nzungule, eme Jihova, ene a-nda ku a tamba; anga ngi kasa kiua nzungule ia manhanga ene a-nda ku a tomba ku milundu ioso, ni ku tu-thuthulundu tuoso katé ni mu mabanda ku jindanji.

Jelemiia 4:29

Ku mutendu ua akua jimonde ni ifanda ia mifula, jisanzala joso muene ja-nda kulenga; a-nda kuia mu mazalakata, ni ku kanduka ku matadi; jisanzala joso ja-nda ku xala jingundu, ki bhu kala dingi muthu u tunga-mu.

Jelemiia 48:28

Jimbonge xé-nu-ju mu tunge mu matadi, enu muà tunga bhu Mouabhe; muile kala diembe ki di tunga o kikalanga kiê ku nzènde ia dikenhe.

Izekiiele 33:27

Eie-phe ua kà a tangela kiki, uixi: O Jihova Nzambi uambe kiki: Lémbua! Nga di lokela muene kala Eme ki ngala kulaia, kuma oso a kà kala mu ididi ia kukuta a kà di bhala ku xibhata, o uoso u kala mu mukáu nga kà mu bhakula j ku kiama ni ki mu di, o oso ala mu ididi ia kondama ni mu mabànda, a kà fua ku dibhebhu.

Hozeia 10:8

O matala ma Avene, a-nda ku a sengulula mukonda kiene o kituxi kia Izalaiele; o ku thandu dia jikalatódio jê kua-nda kusabhuka minha ni hokokoso; ene à kʼambela o milundu, exi: Tu vunginienu! O tumilundu tuofele a kà tu ambela, exi: Lundumukinenu kuthandu dietu!

Mikeia 7:17

A kà lesa fufutila ia mavu kala jinhoka, hé a kâ tunda ni kuteketa mu jingenda jâ kala ibamba iaʼxi ia mu huhutila bhoxi, a kʼèza kua Jihova Nzambi ietu ni kimbuua, eie muene a kà ku kuatela uôma.

Nahumu 3:11

Eie-muène ue Ninive, mu uhólua ué, ua kà kodiua hé ua kà botomoka; anga ua kà sota ue dilengelu mukonda dia nguma iê.

Ajeu 2:6

Mukonda kiene kiambe Ngana Jihova dia Ifuẋi, uixi: Kua kambe ngó bhuòfele hinu ngi tungutisa dingi oxi ni diulu, ni menha ma kalunga, ni oxi ioso ia kukuta.

Ajeu 2:7

Nga kà tungutisa ue miji ioso, anga kua kà tukuluka ió a muinda ku miji ioso, anga inzu iii nga kà izelesa ni fuma, kiene kia zuela Jihova dia Ifuẋi.

Luka 23:30

Kithangana kì kiza, athu a kà mateka kuambela o milundu, exi: Tu lundumukinienu. À kambela milundu iofele, exi: Tu vunginienu.

II Tesalonika 1:9

Enʼ ió o kaxtiku kâ kà kala kingumba kinangenena, o bhu pholo ia Ngana a kà a sandula-bhu, ni ku fuma ia kusuina kuê.

Jihebeleu 11:38

A bungana mu mikau ia kukuta, ni ku milundu, a zeka mu mabanda ni mu makungu bhoxi. O ngongo ki i fuamene athu kala iá!

Jihebeleu 12:26

Muène mu thembuʼomo dizui diê dia tungutisile oxi, maji-phe kindalʼiki muène uambe kiki: Hinu ngi ki tona dingi lumoxi o kutungutisa oxi, maji ki iene ubheka uê, katé ni diulu.

Dijingunuinu 11:13

Kithangana kienhókio anga kubhita kizema-zema kia dikota kia ʼxi. O mbanza i lundumuka mbandu iê ia kuinhi, o a fu ku kizema-zema kia ʼxi anga a tena sambuadi dia midi ia muthu. Athu a subhuka-ku hé a kala ni uôma uavulu, anga a ximana Nzambi ia diulu.

Dijingunuinu 11:19

Tembulu ia Nzambi iene mu diulu anga a i jikula bhenhobho, o álaka ia kikutu kiê anga i moneka mu Tembulu. Anga ku kala jinzaji, ni mazui, ni inuminu, ni kizema-zema kia ʼxi, ni mvula iavulu ia matadi.

Dijingunuinu 16:18

Anga ku kala jinzaji, ni mázui, ni inuminu. Hé ku kala ue ni kiteketela kia ʼxi, kiluua ngó ki bhita hanji kieneku athu mu ngongo, o kiteketela kia ʼxi, kia dikota, kia suina kiavulu kala kiki!

Dijingunuinu 20:11

Kia bhiti imʼíii, nga mono kiandu kia dikota kizela, ni muène ua xikama-bhu. O mu kulenga pholo iê, oxi ni diulu ia jimuka, ki ia moneka dingi ku mesu.

Dijingunuinu 9:6

O mu mbeji jitanu jenhojo, athu a kà bhindamena o kùfua, maji a kà ku tokoka! A kènda kalunga, maji o kalunga-phe ka kà a lenga!

I Samuuele 13:6

Mala ma akua Izalaiele-phe kia mono kuma ala bhu kíbhidi, mundu ua tate (mukonda a a bhondeleka kiá) mundu a kuata kusuama mu mabanda, mu mixitu, mu matadi, mu imbaka ia matala, ni mu makungu.

I Samuuele 14:11

Ene kiiadi kiâ anga a di tukuluila bhu poxto ia akua Fidíxia: akua Fidixia anga a zuela, exi: Talenu Jihebeleu ala kufomoka kiá mu makungu muoso mua kolokele.