Izaía 2:11 - O Mikanda Ikola

¹¹ O mesu ma bhumu, ma athu, a kà a tululula; o kuzangalala kua makuenze kua kà tunuka; bhu kumbiʼodio Jihova muene ngó a kà mu zangeleka.

Izaía 2:11 ပူးပေါင်းရင်းမြစ်များ

II Samuuele 22:28

Mundu ua di tululula eie u a bhulula; mesuʼé ala ku thandu dia akua izala phala ku a tololola katé bhoxi.

Jisálamu 18:27

Mukonda athu a tate, eie u a bhulula; maji o ió a tundu mesu ni izala, eie u a bhekela kusebuluka.

Jisálamu 18:28

Jihova u ngi bambuila kandeia kami, o mu usuku mu ngi bhita, Nzambi iami u ngi zelesela-mu.

Jisálamu 20:8

Ene a bulukuta, a dibhale; etu-phe tua bhetuka, tuemana nzanza.

Jisálamu 46:10

Mu batama, phala mu kʼijiie kuma eme ngi Nzambi; eme-muène ngi jînga muʼaxaxi ka matumbu; eme-muène ngi zangalala ue mu ngongo ioso.

Jisálamu 46:11

Jihova dia ifuẋi tuala-nê kumoxi; o Nzambi ia Jakobo kimbaka kietu. (Selah.)

Jisálamu 94:2

Zangumuka, eie u Mufundixi ua mu ngongo; akua izala u a bhane o futu ia tokala.

Jisabhu 16:5

Muthu uoso ua di zangeleka mu muẋima, u di bhanga kisunji kua Jihova; né-mbe maku mê u ma bunjika bhu thulu, sai hanji mulonga uê kua Nzambi.

Jisabhu 30:13

Sai-ko muiji ua athu, o mesu mâ manama bhulu, ibhebhetelu iâ a i tudika bhuluʼobho!

Izaía 10:12

Mukonda dia kienhiki, kia kà bhita-phe kuila: Kioso Jihova kia kà zubha o kikalakalu kiê kioso ku mulundu ua Ziione, ni mu Jeluzaleme, kiene ki nga kà futa o kibundu kia muẋima ua di-zangeleka ua sobha ia Asídia, ni ku di mona o kukula kinène ku mesu mê muene-muène.

Izaía 12:1

Mu kizuua kiná, eie ua kà kumbulula, kuamba: Jihova, nga ku sakidila, tata, mukonda, sumbala ua ngi kuatelele njinda, leluʼidi njinda ié iabhu, uala kiá ku ngi konda malamba.

Izaía 12:4

Bhu kizuua kieneʼokio, mua kèla: Sakidilenu Jihova, diondenu mu dijina diê, tangenu muʼaxaxi ka mundu ikalakalu ia maku mê, tangenu-kiu muene kuma dijina diê kujinga kuahi!

Izaía 13:11

Kuma nga kèza kufuta o phulu ia mundu, akuaphulu nga kà a futa kikuma kiâ; akua kudikaka nga kà a bhuisa o izala; o ingulungumba ukumbu uâ ua kà bhua.

Izaía 14:15

Né kieneʼokio, kia kuié ngó, a kà ku lundumuina muene mu ifélunu bhu holièlele ia mukiukuluku.

Izaía 2:17

O kungangamana, ni kuolama kua muthu, a kà ku tununa; ni ku di zangeleka kua makuenze, a kà ku tululula té bhoxi mu mavu; bhu kumbi diodio Jihova muene ngó, ua kà zangalala.

Izaía 23:9

O Jihova dia Ilombo Ieta, muene ua ki bhange, phala kutununa o izala ia makembu osuʼó, ni kusebukisa oso a beta ulamba bhoxiʼabha.

Izaía 24:21

Anga kia kà bhita mu kizuua kieneʼokio kuila: Jihova ue ua kà zungila o ilômbo ia bhulu, mu dinga ni dinga, ni ku jisobha jaʼxi kulu dia mundu.

Izaía 25:9

Mu kizuua kiókio, a kèla: Muenhú muene Ngana, tua mu kingile; ni kutana ni kusanguluka tua kà ku muena mu ubhulukilu uê.

Izaía 26:1

Mu kizuuʼokio mʼoxi ia Juda à kala mu kuimba mukumbi iú exi: Tuala ni mbanza ia di-fikidila! Nzambi ua i bhana ubhulukilu, ua di bhange malumbu ni imbaka!

Izaía 28:5

Mu kizuuʼokio, Jihova dia Ilômbo leta, u di bhanga kitundu kia fuma ni dilènga dia iuka di kembesa o masubhu ma mundu uê;

Izaía 29:18

Mu kizuua kiná-phe o mixilu ia kʼèvua maka mu divulu, o ifofo ia kà ma muena mua vundu ni mu kitombe.

Izaía 30:18

Kiene-phe kia-nda ku kingila Jihova ku mi kuatela henda; kiene kianda ku mi zangumuina phala ku mi lendukila, mukonda Jihova uene Nzambi ia kutetuluka; azediua oso a kinga kua Muene.

Izaía 30:23

Kienhokio-phe Jihova ua-nda ku ku bhana o mvula ku mbutu ié i u kuna bhoxi, u ku bhana ue mbolo, o phèmbele jaʼxi; mavu iá a-nda kuima muene kiasoko; mu kizuuʼokio ibhaku ié ia kà dila jinga mu mâkela madixala.

Izaía 37:23

Eie mukuahi ua mu lebhula, ua xingi nanhi? Ua mu mu handekela kiókio ni mesu bhulu, nanhi muene? Muenhó, Lemba dia Izalaiele.

Izaía 4:1

Bhu kizuuʼokio, sambuadi dia muhatu dia kà jijila diiala dimoxi, exi: Etu o kúdia, tudia jinga mu konda ietu, kuzuata tu di-zuika jinga etu-ene; hé kima, eie tu xikine ngó, a tu ijiie kuamba tu akajiʼé; katula ngó dilebhu dietu.

Izaía 40:23

O ilamba u i kitula kingoho, o afundixi mu ngongo u a tumbulula, kindala ku a di-tela manhí.

Izaía 52:6

Mukonda dia kiki, o mundu uami ua kʼèjiia dijina diami, mu kizuua kiná; kuma ememuène nga-nda kuila: Emeʼamiʼú.

Jelemiia 12:9

Undundu uami ua di fu ni njila ia vulu mabaka; jinjila ja mu kondo mbandu ni mbandu: enu mu iama-phe, ia mukáu, izenu, diphophienu, zenu mu sana-sane.

Jelemiia 9:24

Maji uoso uambe ku di thatha a di thathele mu kiki: Mu ku ngʼijiia eme ni kuijiia kuamba eme muene ngi Jihova, ngi mukua kulendukila muthu, ni kufundisa ni kubatula mu kidi mu ngongo; mbata ima ienhiʼii iene ia ngi uabhela, eme ngi Jihova.

Izekiiele 38:14

Kala kiki eie monʼa diiala zambula uambele, Ngongo, uexi: O Jihova Nzambi uambe kiki: Mbé kuanda ku kʼijiia kioso bhu kumbiʼodio o mundu uami ua Izalaiele ki uà ka tunga ni kukondama?

Izekiiele 38:19

Mbata o mu muanu uami nga kiambe, ni mu kutema kua túbhia tua njinda iami, kuila o mu kizuuʼokio kua nda kukala kiteketela kia dikota mu ixi ia Izalaiele;

Izekiiele 39:11

Anga kia kà bhita-phe kuila, mu kizuua kienhókio, Ngongo nga kà mu bhana kidindu mua Izalaiele, o Dikôlo dia Ngenjiʼa-Thumba dia kexila ku thunda dia musanza ua kalunga; anga oso muene a bhita-mu enda ni kusasumuka; muenhomo muene mua kà funda Ngongo ni mundu ué uosololo, anga a kà dʼixana kiá exi: Dikôlo dia Mundu ua Ngongo.

Izekiiele 39:22

Hé o muiji ua Izalaiele a kà kʼijiia kuila eme ngi Jihova Nzambi iâ, tundé kiá mu kizuua kienhókio katé ku pholo ku a di tela.

Daniiele 4:34

Maji, kia zubha kúbhua izuua ienhoio, eme Nabukodonozolo, nga bhetula mesu ku diulu, anga ku ngʼiza dingi kilunji, eme nga tanesa Suke-ku, Ió kene mbambe nga mu ximana, nga mu kola fuma, mbé utuminu uê utuminu ua kunangenena, o usobha uê, kutunda muiji kuiza muiji.

Hozeia 2:16

Anga kia kà bhita mu kizuua kiókio, kiambe Ngana, eie ua kà ngʼila kiá: “Muadi uami”, kua kà ngiʼxana dingi: “Baale diami”.

Hozeia 2:18

Mu kizuua kiná o mahamba mê nga-nda ku a tesela kikutu ni iama ia mukáu, ni jinjila ja bhulu, ni iama i huhutila bhoxi ku mavu; o mufula ni xibhata ni ita nga kà i buikisa-ku mu ngongo ioso. Anga ene nga kà a zekesa muene ni kukondama kuoso sé muthu ku a kuatesa uoma.

Hozeia 2:21

Kia kà bhita-phe mu kizuuʼokio, kuma eme nga kʼevua, eme ngi Jihova, nga kʼevua o maúlu anga ngʼa vutuila, ene ue a kʼevua kioso kiendi o ixi.

Jouele 3:18

Kieneʼokio-phe milundu ia kà zunzumuka vinhu ia ubhe, tu thuthulundu tua kà bhubha lete, jingiji joso mua Juda ja kèzala menha, mʼonzo ia Jihova mua kà di bhanga otho ia menha, a kungulukila mu dikôlo dia Xitime.

Amoji 9:11

Mu kizuua kieneʼokio-phe, balaka ia Davidi ia dibhalele, nga kà imika dingi, mazungu mê nga kà a xita, jingundu jê nga kà ji balumuna dingi, nga kà i tunga kala mu izuua ia xahulu.

Obadiia 1:8

Manhi ki kia-nda kubhita kizuuʼokio, eme ngi Ngana, ki nga-nda kutatesa o jinjimu joso ja Idomo anga ngi ji jima o mbutu, kumoxi ni maunjimu moso ma mulundu ua Ezaú?

Mikeia 2:3

Ngana kiene kia ki tangela, uixi: Muiji iú nga u kanena ku u bhanga phulu, hádia ia a kuata bhu xingu, ni ku di sukununa-bhu, a lémbua; ki mua kà tena kuenda dingi ni ku di zangeleka, mukonda kia kà kala kithangana kiaiibha.

Mikeia 4:6

Ngana uixi: Mu kizuuʼokio, o ió oso a kexile jinge mu ku tenguna, nga ka a bhongolola kididi kimoxi; o iá u nga kaiele ni iá u nga di tunine, nga kà a bheka dingi mu kibhanga.

Mikeia 5:10

Anga kia kà bhita mu kizuuʼokio, kuma eme ngi Jihova, o jikabalu jé joso ji uala na-ju, nga kà ji buidisa, ni makalu moso nga kà a bukujula.

Sofoniia 3:11

Mu kizuua kienhokio kua kà kala dingi ni jisonhi ja ima iaiibha i ua bhangele kokuami, katé ki ua ngi ẋinukina jinga eme, kuma eme nga ka katula momué ió oso a di zangeleka, eie-phe nuka dingi u a kala ni izala ku mulundu uami ukôla.

Sofoniia 3:16

Mu kizuuʼomo Jeluzaleme a kà muambela exi; Ku kale ni uoma, eie Ziione, maku mé ki ma zonde.

Zakadiia 9:16

Bhu kizuuʼokio Jihova Nzambi iâ ua-nda kubhulula o mundu uê, mukua ni kilunga kia jimbudi jê; mbata ene mu ngongo a kà benha kala matadi a kitundu ala ku lekujuka mu ixi iê.

Malakiia 4:1

Talesenu mukonda, kizuua kiókio kia-nda kua kèza, kiza ni kuuama kala kidijiku kia túbhia tua muzukuta, ene oso a di zangeleka, akua izala, ni iá oso a bhanga ima ia ufusa, a kèla kala iangu ia mbúdila; mu kizuua kiókio kiala kuiza-ku, a kà uama muene katé abhu-bhu, kiene kia tanga Jihova dia Ifuẋi; ki bhua kà a xala lundanji né luthangu.

Luka 18:14

Ngi mi ambela kuma, iú ua kulumuka ni muẋima uazele ku bhata diê, o mukuá, kana! Mukonda uoso u di zangula, a mu tulula; o uoso-phe u di tulula, a mu zangula.

II Kolindo 10:17

Kala kiambe o Mikanda Ikôla: Uoso uandala ku di ta nzabala a i tele mu kioso kia bhange Ngana.

II Kolindo 10:5

ni ima ioso ia ukumbu ua xitu ki i ehela athu kuʼijiia Nzambi. Tu tolola ixinganeku ioso ia athu phala nʼa tumaka Kristu.

II Tesalonika 1:10

Kiki kiene kia kà bhita bhu Kizuua kiokio, bhuoso bhua kèjiia muène mu kutambula o fuma ku athuʼê angene, ni ujitu ku athu oso ió a mu xikana. Kuma enu mua xikana umbangi u tua bhana mudienu, muanda kua kà kala ue mu ʼaxaxe kâ mu kizuua kieniokio.

I Phetele 5:5

Enu mu minzangala ue kiene, beleselenu adiakime. Katé ni enʼuenu oso di kutienu o kubatama kua ku di bhikila mudienu, kuma o Mikanda ia Ngana, iambe iexi: Nzambi u bhânga ni akua izala, u bhana-phe ujitu oso a batâma.