Izaía 19:6 - O Mikanda Ikola

⁶ Jingiji ue ja kà bola anga ji bhuinina; o mixinji ia ngiji ia Ijitu ia kà kukuta; ni madianga ni jimbamba ja kà xoueta hé ji xoxouela.

Izaía 19:6 ပူးပေါင်းရင်းမြစ်များ

Dimatekenu 41:2

Suí, ku honga ia menha, u mona mua mu tunda sambuadi dia ngombe, ja di sanze ji ja nete kiambote; anga ji kala mu kudia iangu ia uisu bhu mbandu ia honga.

II Jisobha 19:24

Eme nga kande jifiẋi eme ngʼanu menha ma jixi jengi; ni makanda mami ma inama nga ká diota hé ngi kukutisa jingiji joso ja ididi ia nguzu mu Ijitu.

Jobe 8:11

Mbé dibu di sabhuka bhua kambe o maloua? Mba jimbamba ji kula bhua kambe o menha?

Jobe 8:12

Ki ji kala hanji mu kubeketa kuê, kuila ka ji batula luua, né kienhókio ki ji nange-phe mu ku kukuta lusolo iangu ioso ndenge.

Makatukilu 2:3

O kia mono ka tena dingi ku mu sueka kithangana kia vulu, u mu tungila ulungu ua dibu, u u xiia ni uasu ua betume; mona anga u mu zekesa momo, u u tula mu kaẋi ka dibhu bhu mbandu ia honga mu ngiji.

Makatukilu 7:18

O jimbiji jala mu ngiji ji fua, honga ioso i bola; katé akua Ijito anda kutala hadi mu sota menha a kúnua.

Izaía 15:6

Kuma o kukamba menha ma Nidime kua dibhange ue kíbhidi; mbata iangu iakukuta kiá, mafe ma lalumuka, kana-ku ngó kathumbi ka buingita.

Izaía 18:2

U tuma ilôlo iendela ku musanza, mu jinaviio ja jixiia, kulu dia menha, uixi: Ndenu, enu jiphunga ja sakalala, di-tedienu ku kifuxi kia athu a lebha, ala ni kikonda ki lujela, ku athu aẋinuka tunde ukulu, ene mu ku a kala ni uoma bhua butu ni ku makanga, kifuxi kia bhindamena kutumina, kifuxi ki talesa hadi, ene mʼoxi iouane ku jingiji.

Izaía 37:25

Eme nga kande, eme ngʼanu menha; eme nga kukutisa menha mu jihonga joso ja Ijitu ni makànda a inama iami.

Nahumu 3:8

Manhi ki ualʼiki, kifua eie kota, No-Amone ndenge? Sumbala a mu tungu bhu kaxi ka jingiji jezala ni menha, o kalunga ka di zanze ku pholo; iu uedi dingi ni kalunga kene, ka di bhange kiene o kimbaka kiê?