Izaía 19:4 - O Mikanda Ikola

⁴ Eme-phe nga kà bhakula akua Ijitu bhu maku ma ngana iatemanana; sobha i kala ndaxi, muene ua kà a tumina; kiene kiambe Ngana, Jihova dia Ilômbo Ieta.

Izaía 19:4 ပူးပေါင်းရင်းမြစ်များ

Jisálamu 31:8

Kua xikina ku ngi bhakula bhu maku a nguma; uemika inama iami bhu kididi kia zanze.

Izaía 19:2

Kuma akua-Ijitu nga kà a zokesa ni akua-Ijitu; kala muthu ua kà bhânga ni phangʼiê, kala muthu u di-balukila ni mukuá, o mbanza ibalukila mbanza ia mukuá, o utuminu iú ubalukila utuminu ió.

Izaía 20:3

Bhenhobho Jihova u zuela, uixi: Selevende iami Izaia, o kuenda kiki ni tuẋi, ni inama bhoxi mu mivu itatu, kia di bhange kijimbuete ni kidiuanu phala Ijitu ni Itiiópia.

Izaía 20:4

Kiene ue o sobha ia Asídia kia kʼàmbata o jihutile mu Ijitu, ni iá a a balakala a tundu mu Itiiópia, ni minzangala ni adiakimi, nʼa ambata tuẋi-a-thakala, ni inama bhoxi, mataku mu kanga, phala Ijitu sonhi ji mu kuate.

Jelemiia 46:26

Anga ngà ka a bhakula bhu lukuaku lua iá a bhindamena ku a jibha, bhu lukuaku lua Nabukodonozolo, sobha ia Babilonha, ni bhu lukuaku lua abhikʼê; maji hádia u tunga dingi kala mu izuua iê ia ukulu, Jihova ua ki tange.

Izekiiele 29:19

Kala kiki, o Jihova Nzambi uambe, uixi; Tala-ze, o Nabukodonozolo, sobha ia Babilonha, nga-nda ku mu bhana o ixi ia Ijitu; o mundu uoso ua Ijitu ua kà u ambata, o madibhundilʼ ê oso ua kʼàia-nâ, o mbole iê ua kà i nhana, o ienhiʼii iene ia kà kala o futu ia masoladi mê.

Izekiiele 30:12

O jingiji nga kà ji kukutisa, anga ixi nga kà i sumbisa, ni ku i bhana bhu maku ma athu a bhukumuka, hé o ixi ni kuizala kuê kuoso nga kà i buikisila ku lukuaku lua athu engi; eme, ngi Jihova, nga ki tange.

Nahumu 3:10

Sumbala kiene, maji muene ue a mu ambata aii-nê, ku ubhika; katé ni tuana tuê a tu sana-sanena mu jihota joso ja jinzunga; o ilamba iê ioso anga a i tela jisorte; ni makota mê moso a a kuika ku malubhambu.

I Samuuele 23:7

Anga a ki kunda Saúlo kuila Davidi ueza ku Keila. Saúlo anga u zuela, uixi: Nzambi ua ngi thelekala-nê bhu maku mami; kuma ua kuaẋiua, kiene kia bokona mu sanzala ia bhiti kimbaka, iala mabhitu ni jitalangʼiki.