Izaía 19:23 - O Mikanda Ikola

²³ Bhu kizuuʼokio kuà kala kikoka ki tunda ku Ijitu kiia ku Asídia; akua Asídia eza ku Ijitu, o akua Ijitu aia ku Asídia; anga akua-Ijitu a kà bheza Jihova kala kia mu bhanga akua Asídia.

Izaía 19:23 ပူးပေါင်းရင်းမြစ်များ

Jisálamu 87:4

Ngi tungula-bhu Lahaba ni Babilónha, ku iá oso a ngʼijiia; iala-ze! enu mu Fidíxia, ni Tilo, ni Etiiópia, a kà mʼila, exi: Iú ni iú kuene kua tundu mukonda kuene kua a vuala.

Izaía 11:11

Mbata kia kà bhita kuila, Jihova mu kizuua kieneʼokio ua kà vutukila kuta lukuaku luê mu kuondolola dingi o masubhu a mundu uê, a subhuka ku Asídia, ni ku Ijitu, ni ku Pátulu, ni Itiiópia, ni ku Elame, ni ku Xiniiale, ni ku Hamate, ni ku ikolo ia kalunga.

Izaía 11:16

Anga ua kà jikula-mu kikoka kia sokelela, phala tumbalumbalu tua mundu uê tua kà subhuka kua Asídia, kala kia bhitile kua Izalaiele kioso kia tundile mʼoxi ia Ijitu.

Izaía 19:24

Mu thembu ieneʼoio Izalaiele muene ua kà kala tatu ku konda ia Ijitu ni Asídia, mu ku kala dibesá mu tumbu ni ngongo.

Izaía 2:3

Miji iavulu, ia kèza anga ia kà zuela: Zenu tu bande ku mulundu ua Jihova, kuʼbhata dia Nzambi ia Jakobo, phala a tu longese kioso kiene o jinjila jê, nda tuendele mu jihoka jê; mbata kitumu kia kà tunda mu Ziione, maka ma Jihova ma kèjiia mu Jeluzaleme.

Izaía 27:13

Mu kizuua kieneʼokio, kia-nda kua kà kala-phe kiki: A kà xika-mu koloneta ionéne, o ió oso-phe a texikile ni kubunganena mʼoxi ia Asídia, ni oso a a balakalele kʼoxi ia Ijitu, a kà vutuka dingi anga a kà bheza Jihova ku mulundu uê uangene, mu Jeluzaleme.

Izaía 49:11

Anga milundu iami ioso ngi i bhanga njila; o ikoka iami a kà i zangumuna.

Izaía 49:7

Jihova, Mubhuludi ua Izalaiele, Dilemba diê Ukôla, uambela muthu uoso a mu buangidika, a mu zemba kuala o mundu, o mubhika ua atumini, uixi: Muenhó a-nda ku mu balumukina bhu iandu kuala o jisobha, kia mu mona, ni ilamba uê, anga a kà diunda bhu pholo iê, mukonda dia henda ia Jihova, mukua kitongola, Dilemba Dikola dia Izalaiele, muthu ua ku tungula (ua ku sola).

Izaía 62:10

Bhitenu, bhitenu bhu mielu; iudikenu njila phala o mundu; sokelesenu, sokelesenu o kikoka, nonenu-mu o matadi; lekenu mvela phala o Huxi.

Izaía 66:23

Hé kima-phe, tundé kimoneka o mbeje katé kia kà moneka ia mukuá, tundé kia sabhalu katé sabhalu ia mukuá ni kuiza mu bheza bhu pholo iami, eme ngi Jihova.

Mikeia 7:12

Mu kizuuʼokio a kʼèza ko kué tunde ku Asídia katé ni ku jisanzala ja Ijitu, a kà tunda ku jimbonge ja Ijitu katé ku ngiji ia Ufalate, tunde ku musanza ua kalunga katé ku musanza ua mukuá ua kalunga, tunde ku mulundu iú katé ku mulundu iuná.