Izaía 19:2 - O Mikanda Ikola

² Kuma akua-Ijitu nga kà a zokesa ni akua-Ijitu; kala muthu ua kà bhânga ni phangʼiê, kala muthu u di-balukila ni mukuá, o mbanza ibalukila mbanza ia mukuá, o utuminu iú ubalukila utuminu ió.

Izaía 19:2 ပူးပေါင်းရင်းမြစ်များ

I Jisobha 16:21

Bhenhobho akua Izalaiele a di uana mu ibuka iiadi: kaxaxi ka kaiela Tibini, monʼa Jinate, phala ku mu bhanga sobha; o kaxaxi ka mukuá a kaiela Omidi.

II Malunda 15:6

Mbata athu a di lungulukila mudiâ, o sanzala i lungulukila sanzala ia mukuá, aia ni ku di jibha-jibha; mukonda Nzambi ua a bhondeleka ni mukondo uoso uavulu o matelu.

Izaía 3:5

Mundu phe a kà u bhondeleka; bhua kà kala ku dikuata jimvunda, kala muthu ua kà lungulukila mukuâ; Mona ndenge, ukitukila muadi-akime; o sébhue, u balukila mona-ngana bhu kididi.

Izaía 9:21

Manasa ni Ifalaimi, Ifalaimi ni Manasa, kiiadi kiâ a balukila Juda; ku ima iosuʼiii-phe, njinda iê ki bhene bhu ia suku, maji hanji kia sunununa o lukuaku luê.

Jelemiia 46:12

Miji ioso dilebhu dié evu ku di zuela, o ngongo iezala ni mikole-kole ia kudikola kué; mukonda dizonda ua di bhukana ku dizonda, kiiadi kiâ ia a dibhalela kumoxi.

Jelemiia 51:46

O miẋima ki i mi titile mba mu kala ni uoma ua kibulukutu ki muʼivua mu ngongo; mbata mua-nda kuila kuiza muvu ni kibulukutu kiê, o ki kuiza muvu ua mukuá ni kibulukutu kia mukuâ; mu ngongo mua kà kala usueia, mutumini u zoka ni mutumini ua mukuá.

Izekiiele 38:21

Mukonda nga kà muʼ ixanena o xibhata ku thandu dia milundu iami ioso, kiene kiambe Jihova Nzambi; o xibhata ia muthu ia kà lungulukila muene phangʼiê.

Zakadiia 8:10

Kuma kioso izuuʼoio kiluua i bhixila, ki ku kexile futu ia athu mba o iama; ki ku kexile ue kutululuka phala uoso u tunda mba uoso u bokona, mukonda dia nguma. Kuma athu oso nga a vunzile muẋima eme nga a bhangesele kuila muthu u lungulukila mukuá muthu u lungulukila mukuá.

Matesu 10:21

Muthu ua kà bhana phangʼ iê mu ku mu jibha, o tata ua kà bhana mona, o ana a kà kitukila tatʼ â ni mamʼâ, nʼa a jibhisa.

Matesu 10:36

Kienhiki muthu, akua dibhala diê, ene a mu kala jinguma jê.

Matesu 12:25

Jezú-phe kuma uejiia ioso iala kubanza, uixi: Kilômbo kioso kia sobha se kia di balukila ene mudiâ, kindala ki muangana; mba sanzala ioso, mba dibhata, se a di balukila ene mudiâ, dibhata diodio ki di tungu.

Matesu 24:7

Mbata akua ʼxi imoxi a kà di kuata ni akua ʼxi iamukuá; kilômbo kia kà balukila kilômbo kiamukuá; kua kà kala nzala, ni oxi kutunguta mu ididi iavulu.

Marku 3:24

Kilombo kia sobha se kia di lungulukila ene mudiá, kilombo kiókio ki ki nange ku di muanga.

Afundixi 7:22

A xiki kia kuata kuxika o hama jitatu ja jimbungu, Jihova u bhangesa kuila mu kifuẋi muthu ni muthu xibhata iê u i fomuena mukuá, anga kifuẋi kioso (kia akua Midiiana) a kala mu di ta mudiâ ni ku di jibha-jibha. Kifuẋi kioso anga ki lenga katé bhu Bete-xita, ala kuila njila ia Zelela, katé mu jimbambe ja Abele-mehola bhua lulama ni Tabate.

Afundixi 9:23

Nzambi anga u bheka unguma bhuʼaxaxi ka Abimeleke ni akua Xikeme; akua Xikeme anga a bhanga ufe kua Abimeleke.

I Samuuele 14:16

Makuenze a Saúlu-phe ala ku ilangidilu mu Ngibeia ia Bejamí, a tala, hé a mona kifuxi kia jifilisteu kiala kuia ni ku di muanga, a botomoka, iá ela kuku, iá ela kuku, ni kuingajaka.

I Samuuele 14:20

Ni Saúlu-phe, ni mundu uoso aia-nê, a bhongoloka hé eza ue ku ita, Anga a sanga ene oso ala ku di jibha-jibha kiá mu diâ, hé bhu bhita kibuika kia dikota ku jifilisteu.