Izaía 19:14 - O Mikanda Ikola

¹⁴ Jihova ua a lunduluila kiá nzumbi ia mudiangu, ene ia a bhangesa Ijitu kutondala mu ibhangelu iê, mukuâ ni hôlua kioso ki i di-kundumuina mu induxila iê ia lusu.

Izaía 19:14 ပူးပေါင်းရင်းမြစ်များ

II Malunda 18:22

Kiki-phe, tala, Jihova ua te nzumbi ia makutu mu kanu dia jipolofeta jé jenʼiji; Jihova iú ua zuela muene kia ibha ku mbandu ié.

Jobe 12:16

O nguzu ni kuijiia iala ni muene; ene oso a mu tokala muene, ku tale uoso u tondala uixi ió uoso u tondalesa.

Jobe 12:25

Mua vundu aia ni kubabajala, mukengeji ka u mono; anga u a bhangesa kubhendajala kala jihólua ja kodiua.

Jisabhu 12:8

Muthu kioso kia soko o unjimu uê, kiene ue kia ká mu tumbula; maji o semenhi ia muẋima-phe, athu oso a mu sebulula.

Izaía 19:2

Kuma akua-Ijitu nga kà a zokesa ni akua-Ijitu; kala muthu ua kà bhânga ni phangʼiê, kala muthu u di-balukila ni mukuá, o mbanza ibalukila mbanza ia mukuá, o utuminu iú ubalukila utuminu ió.

Izaía 24:20

Oxi ia kà bhendujuka muene kala hôlua, itunguta, itona, kala kitelembe a ki nhikisa mʼusuku; mulonga uê a kà u xina ku thandu diê; anga idibhala; o ki iia kiá bhoxi, ki ia kà bhetuka dingi.

Izaía 29:14

Uila kiki, eme hanji ngi kolokota ni kukalakala kima kia madiuanu muʼaxaxi ka mundu iú; ngi bhanga kisunji nda adiuane, kuma o unjimu ua jinjimu jâ, ua kà jikinina, o kuijiia kua jingânji jâ kua kà suama.

Izaía 3:12

Akua kubhondeleka o mundu uami ana-ndenge, o ala ku pholo ia utuminu uê, ahatu; Uaué, mundu uami, tata! akua ku ku songuela ala ku ku tobhesa; o njila ia fuama kuenda, a ku zangela-iu.

Izaía 9:16

Mbata asonguedi a mundu iú akua-mangonha, oso ala ku a kaiela, a kà buila.

Jelemiia 25:27

Mbata eie ua kà a tangela, kuila: Kienhiki kiambe Jihova dia Ifuẋi, Nzambi ia Izalaiele: Nuenu, mu kodiue, mu di lusile, mu dibhale bhoxi, mu lémbue ku balumuka-bhu, mukonda dia xibhata i nga-nda ku mi tumikisa eme.

Jelemiia 48:26

Mu kodiuisienu, mukonda ua di zangeleka mu kuzoka ni Jihova; Mouabhe ua-nda kua kà di dimbula mu ima iê ia lusu muene; ua kà kituka kima kia kasekelu.

Matesu 17:17

Jezú anga u kumbulula, uixi: Muiji ua kambe o kuxikana, ua thathamana! Ngi kala ni enu katé bhebhi? Katé bhebhi ngi kala ni ku mi xididikila? Monʼé ngi bhekele-nê bhabha!

II Tesalonika 2:11

Mukonda dia kiki, Nzambi ua a tumikisa nguzu ia a bhekela kavanza ka kutondala, phala a xikane o makutu.

Afundixi 9:23

Nzambi anga u bheka unguma bhuʼaxaxi ka Abimeleke ni akua Xikeme; akua Xikeme anga a bhanga ufe kua Abimeleke.