Izaía 18:2 - O Mikanda Ikola

² U tuma ilôlo iendela ku musanza, mu jinaviio ja jixiia, kulu dia menha, uixi: Ndenu, enu jiphunga ja sakalala, di-tedienu ku kifuxi kia athu a lebha, ala ni kikonda ki lujela, ku athu aẋinuka tunde ukulu, ene mu ku a kala ni uoma bhua butu ni ku makanga, kifuxi kia bhindamena kutumina, kifuxi ki talesa hadi, ene mʼoxi iouane ku jingiji.

Izaía 18:2 ပူးပေါင်းရင်းမြစ်များ

II Malunda 14:9

O Zela-phe, mukua Itiiópia, anga u a tundila ni kifuẋi kia midi ia jimidi ja masoladi, ni hama jitatu ja makalu, anga u bhixila katé bhu Malesa.

II Malunda 16:8

Manhi akua Itiiópia ni akua Líbia ka kexile kifuẋi kia dikota ni jinzungule ja makalu ni akua kusambela jikabalu? Maji-phe eie mu kudielela Jihova, muene ua a bhakula bhu maku mé.

Jobe 9:26

Ia bhiti kala jinaviiu ja kitembu mu kalunga; mukua ni holokoko ki i dioueka anga i tuluka mu ku kuata o mbole.

Makatukilu 2:3

O kia mono ka tena dingi ku mu sueka kithangana kia vulu, u mu tungila ulungu ua dibu, u u xiia ni uasu ua betume; mona anga u mu zekesa momo, u u tula mu kaẋi ka dibhu bhu mbandu ia honga mu ngiji.

Izaía 18:7

O Kifuẋi-phe kia athu a lebha, ala ni kikonda ki lujela, o mundu ua ẋinuka tundé ukulu, katé ku pholo; kifuxi kia kubhunda, a bhindamena kutumina, kifuxi ki talesa hadi, ene mʼoxi iouane ku jingiji, mu thembu ienhoio a kà bheka ujitu kua Jihova diua Ilômbo Ieta, bhu kibúta kia dijina dia Jihova dia Ilômbo Ieta, ku mulundu ua Ziione.

Jelemiia 49:14

Ngʼevu fuenge ia tundu kua Jihova, kuila a tumikisa mukunji ku akua jixi, phala ku a tangela, kuila: Bhongolokenu muize mu kuzoka-nê, balumukenu mu lue ita.

Izekiiele 30:9

Mu kizuuʼomo o jiphunga a kʼèndela mu jinaviiu, a mu tunda bhu pholo iami phala kuia mu kusasumuisa na Itiiópia ua di jimbi, anga momuʼâ mua kà kala misusu ia dikota kala bhu kumbi dia Ijitu; kuma, tala-ze, ki kʼiza kiá.

Obadiia 1:1

Kisuma kia Obadiia. Kienhiki kia tange Ngana dia Jihova kua Idomo: Tuene mu kuívua o ulongelu ua Ngana; ku jixi joso a tumukisa-ku mukunji, kuila: Balumukenu, tu imane, tuie mu kúlua ita ni Idomo.

Habakuke 1:7

Muiji uenhú kutema kuahi, u kuata uoma; uene kiá u di bhangela o itumu iê ni mabatuilu ma unêne uê.

Luka 10:19

Talenu, eme nga mi bhana kutena kua kudiota jinhoka ni jinginga, ni ku tolola nguzu ioso ia nguma. Kana kima ki tena ku mi kuama.