Izaía 17:7 - O Mikanda Ikola

⁷ Bhu kizuua kieneʼokio, muthu ua kà ta muẋima kua Mubhangi uê, mesu mê ma kà talela kua Dilemba dia Izalaiele.

Izaía 17:7 ပူးပေါင်းရင်းမြစ်များ

II Samuuele 22:42

A kengelela mu kusota uoso ua bhulula, maji ka mu mono; katé ni kua Jihova, muene-phe ka a suu.

II Malunda 31:1

Kioso o ima ioso iii ki iabhu, akua Izalaiele oso a kexile bhobho, a katuka, aia mu jimbonge ja Juda anga o iteka a i bula-bula, mixitu a i koka, mu Juda ioso ni mua Bejamí a sengulula-mu o matala moso ni jikalatódio, kiene ue kimoxi mua Efalaime ni Manasa, katé ima ioso kia i sengulula; kuabhu-phe, ana oso a Izalaiele a vutuka kiua, muthu uia kokuʼâ, muthu uia kokuʼâ, mu jisanzala jâ.

Jisálamu 95:6

Ndokuenu tu bhetame, phala tu bhezienu, tu fukame bhu pholo ia Jihova ua tu bhanga.

Izaía 19:22

Jihova anga ua kà kuama akua-Ijitu, hé u a saka ue; anga ene a kà bhiluka kua Jihova, o muene ki evua misambu iâ, henda i mu kuata, hé u a bhana o kudisanza.

Izaía 22:11

Mua kà bhanga ue ditangi bhuʼaxaxi ka imbaka iiadi, phala kubhaka o menha ma dijiia diòkuluʼodio, maji mua tokoka o kutala bhulu, kua ió ua bhange kiki, né ngó kusuua uoso ua iudika o ima iii tundé ku xiahulu.

Izaía 29:24

O oso a tondala mu nzumbi, ia ela kuengi, a kà tambula kilunji; o akua kulongolola, a kèjiia ulongelu, kuma a kà xikina kiá ku a longa.

Hozeia 3:5

O ku hádia-phe anʼa Izalaiele hinu a kà vutuka dingi, anga a kà sota Jihova Nzambi iâ, ni Davidi, sobha iâ; anga ni kuteketa a kà sota ku xila jinga Jihova ni mbote iê, mu izuua i sukidilaku.

Hozeia 6:1

A kèla: Izenu, tu alukile kua Jihova, mukonda muene ua tu sasujula, muene ue ua-nda ku tu ilula; kia tu kuamʼiki, kiene ue kia tumba o fidila ietu.

Amoji 3:12

Jihova uambe kiki: Mukua ni mubidi ki a tambula inama iiadi ia kibhaku mu kanu dia hoji mba kathumba ka dítui, kiene ue Jihova kia kà bhulula anʼa Izalaiele a tungu mu Samádia; u a tambuila muene ku mizumbu ia muanza mba ku mikambu ia hama.

Mikeia 7:7

Eme-phe o Jihova muene-muène nga kà mu kinga, nga ka kinga kua Nzambi ia ubhulukilu uami; Nzambi iami ua kà ngʼivua.