Izaía 17:6 - O Mikanda Ikola

⁶ Maji hanji mua kà subhuka tumasa tua jinjonjombolo, tu tokala o kubonga, mukuâ ni kia nhikisa ibundu ku muvide, anga njotona jiiadi mba jitatu jinamininé hanji ku jithangu ja suku-ku bhuluʼobho, ni njotona jiuana mba jitanu jixalela mu jithangu joso ja bhoxi jemine kia soko, Jihova, Nzambi ia Izalaiele, ua ki zuela.

Izaía 17:6 ပူးပေါင်းရင်းမြစ်များ

I Jisobha 19:18

Eme nga xalesa ue sambuadi dia midi ia muthu mu Izalaiele, ió o jiphuna jâ joso ki ja fukamena Bahale, ni dikanu diâ dioso ki dia mu bhana jibeju.

Izaía 1:9

Se o Jihova dia Ilombo Ieta ua kambele ku tu xila tumbalu-mbalu, eji ku tu buikisa kala Sodoma, tueji ku di fuangana ni Ngomola.

Izaía 10:22

Mbata, eie Izalaiele, o mundu ué né-mbe u vula kala kisekele kia kalunga, tumbalumbalu ngó tua kà biluka mu kudiela, kuma kibuika a ki xindi kiá, kiezala, kia ẋamuka ni kubatula mu kidi.

Izaía 24:13

Mbata oxi kiene kia ia-nda ku kala, ni ku matutu, ni muʼaxaxi ka mundu iú, mukua ni muvide kia u lalumuna ibundu, mukua ni jisuênge, kʼibhua o kumuna jiuva.

Izaía 27:12

Anga kia kà kala-phe kiki, kuila: Mu kizuua kiná, Jihova kia kà bhiata o idima iê, tunde ku mixinji ia ngiji, katé ku honga ia Ijitu, enu uenu, mu anʼa Izalaiele, a kà mi nona mu umoxi-umoxi.

Jelemiia 4:27

(Mbata Jihova uambe, kiki: Oxi ioso ienhiʼii a-nda ku i buikisa; maji, kana, ki ngi i jikinisa xata-babá!)

Izekiiele 39:29

Eme ue ki mungu dingi ngi sueka o pholo iami koku ʼâ, kioso ki nga-nda kulundulula o Nzumbi iami ku thanduʼa muiji ua Izalaiele, Jihova Nzambi ua ki tange.

Obadiia 1:5

Se kua ku ijiie eii, mba akua kubula ni usuku, (tala kioso ngó kia ku muange!) manhi keje kunhana katé kia lémbua? Se akua kubhongolola jiuva ejiie ko kué, manhi keje kuxisa tuílende tua ijimbuete?

Mikeia 7:1

Kokolo diami! Kuma ngedi kala kiene mu kukanza o ibundu bhu thembu ia ku muna, ngedi kala ibundu bhu kixibhu iaxala mu a kanze kiá! Ni kisaka kia ji-uva ngó phala kúdia ki ki moneka dingi, mba tufiku ngó tua xalela, tuene kuinda o muenhu uami.

Loma 11:26

Kienʼ iki kiene kiua o Izalaiele ioso ki ia kà bhuluka. Kala kia ki soneka mu Mikanda Ikôla, exi: Ku Ziione hadia ku tunda Mubhuludi, ua kà katula o ikuma ioso ia ió a tokala ku muiji ua Jakobo.

Loma 9:27

Ni Izaia ue ua zuela ku mbandu ia Izalaiele, uixi: Né-mbe o mundu ua anʼ a Izalaiele u vula kala kisekele bhu mbanduʼ a kalunga, tumbalu-mbalu tuâ, tuene ngó tua kà bhuluka.

Matendelelu 4:27

Anga Jihova u mi muangena muʼaxaxe ka ifuẋi iengi, o kuenhoko ue mua kà kala ngó kakibuka kófele, muʼaxaxe ka akua jixi, muoso mua-nda ku mi xinjikila Jihova.

Afundixi 8:2

Muene anga u a ambela, uixi: Eme-phe nga bhangeʼhi, ku ki fika ni kiki ki mua bhange enu? Manhi o kuangulula, kuangulula akua Ifalaíme ki kualʼé kota, o kumuna kua munu akua Abiiezele, ki ndenge?