Izaía 17:14 - O Mikanda Ikola

¹⁴ Ku ola ia ngoloxi, ki kua-nda kulèmba, talesa kimbuua kia bokona kua akua jixi, maji kuma kuandeka ngó kúkia, ene ka kà moneka dingi. Didi diene o dikânda dia futu ia tokala ió ene ku tu bhûnda, ni uíndua ua fuama ió oso ene ku tu nhana.

Izaía 17:14 ပူးပေါင်းရင်းမြစ်များ

II Jisobha 19:3

Ene ia a mu tangela, exi: Ezekiia uambe kiki: Kizuua kia lelu kiki, kizuua kia mukondo, ni sonhi ia vulu, ni diẋongo; mukonda o ana eza muene ku isènda phala ku a vuala, maji o nguzu ia ku a tubhula nʼa tunde, ki i moneka.

II Jisobha 19:35

Anga ki bhita-phe kuila, mu usuku uenhó, mu kaẋi kà kilômbo kia akua Asídia, o anju ia Jihova ua buikisa-mu hama ni makuinhi nake ni kitanu kia jihulukaji ja athu; o a subhuka-ku kia balumuka mu kimenemene, a mona ngó mikutu ioso imbi mu imbi.

Jobe 20:29

Didi, ku mbandu ia Nzambi, diene o dikànda dia muthu ua ibha; iú uene o undundu ua mu bhakela kuala Nzambi.

Jisálamu 37:36

Maji, mu kubhita-bhu dingi, ki ngi mu sange-bhu; nga mu soto hanji, maji uendelela.

Jisabhu 22:23

Kuma Jihova ua-nda ku mu bhângela mvunda iê; oso-phe a mu bhundile kiki, muene ua kà a katula o muenhu.

Izaía 10:25

Mbata kua kambe ngó kathangana kófele, o kutema kuami ni njinda iami ia-nda ku di bhanga phala ku a jimisa o mbutu.

Izaía 21:12

Eme mulangi: O kimene kí kiza, o usuku ue iu uiza; se muandala kuibhula ebhulenu; Vutukenu, zenu.

Izaía 29:2

Hanji-phe, Adiiele nga-nda ku mu ta bhu kíbhidi, bhuà kala ngololo, bhuà kala mukondo; diembuʼidi dia-nda ku ngi kala kiua Adiiele ia kidi!

Izaía 29:5

O jinguma jé ja-nda kukala nzungule kala fufuta, o isuéia ia-nda ku ku vula kala mvindu ia ibhiate isomboka, kindala u tukumuka kia ku iza.

Izaía 29:7

Ndumba dia ifuẋi ia-nda kúlua Adiiele, a mu vubuka mukuâ ni nzoji ia kisuma kia usuku, kiene muene kia-nda kukala oso a-nda ku mu lua, kia mu bula imbaka, anga a mu phopheka, a mu bhaka bhu kíbhidi.

Izaía 30:28

O muha ua kubhuima kuê kala ngiji ia xamujuka ni menha, a bhixila katé mu xingu, phala kusàla o miji ni musalu ua kibuika; o ngoji ia ku a tondalesa, u i kuikila mu jingandelu ja ifuẋi ia mundu.

Izaía 33:1

Kokolo diê u mubhundi, sumbala ene ka ku bhundu, athu ka ku bhange ufe, eie u a bhanga ufe! Kioso-phe ki u zubha kubhunda akuenu, eie ue a-nda ku ku bhunda; kioso ki u zubha kubhanga ufe ku akuenu, eie ue bhu kala o ku ku bhanga ufe uene.

Izaía 33:18

O muẋima ué ua-nda kuxinganeka mu kulembalala kioso ki kala kimbuua, uixi: O kiki-phe musoneki iú kuebhi? O mukua kutambula lubhaku iú kuebhi? mukua kualula tuthôndo iú kuebhi?

Izaía 34:17

Kuma muene ua i tela jisorte ja ku i uanena oxi, o lukuaku luê luene lua kuata mukolo mu ku a zongela-iu; a kà i vuila-ku kiá muene; a tunga muenhomo, kutunda muiji, kuiza muiji.

Izaía 41:12

Né uedi u a kenga, kua-nda ku a sanga; kuma ió oso a bhânga mvunda nʼeie, a-nda kubatuka-ku; kala ue ió oso alua ita nʼeie, a di bhanga kingoho.

Jelemiia 13:25

Jihova uambe: Ioso nzongo i nga-nda ku ku zongela eme, diene o dikanda dié; oko ua ngi jimbi eme, eie ua dielela ku makutu.

Jelemiia 2:3

Bhenhobho-phe Izalaiele a mu lumbilile Jihova, kifua ibundu ia mutomo ia mabhia mê: oso a mu minha-minha jinga, a a kitile akua mulonga; kua a tulukila jinga divuua, Jihova ua ki tange.

Jelemiia 49:10

Maji eme Izaú nga mu zula, nga tukulula o masuamenu mê, ka-nda kutena dingi kusuama; muiji uê ua senguluka, kiene kimoxi ue ni jiphange jê ni jinzukame jê, o muene ue ka moneka dingi.

Izekiiele 39:10

Kà kʼeza dingi ni jihuinhi mu ditutu, mba a kà ẋanga mu mixitu, maji o mata ene kiá a kà uika-na-u o túbhia; hé a kʼènda ni kunhana kua ió oso a a nhana jinga ène, anga a kà bhûnda ue kua ió oso a a bhûnda jinga ène, kuma Jihova Nzambi ua ki tange.

Zakadiia 2:12

Kienhokio-phe o Juda ua kà kituka undundu uangene ua Jihova, kuma diene dikânda diê mu ixi iê ia ngene; o Jeluzaleme a kà mu sola dingi lua mukuá.

Afundixi 5:31

Nguma jé, u Jihova, ji buike kienhiki, oso-phe a ku zola, a benhe kala dikumbi, kioso ki di tunda ni nguzu iê ia kumuika.