Izaía 17:11 - O Mikanda Ikola

¹¹ o mu kizuua ki ua kà i phapha, u i bhangesa kusabhuka ni kukula, o ki kúkia mu kemene hé ua ká bhangesa kuila mbutu iê ime; hanji, o idima iòbhongolole ia kà di bota mu kizuua kia malamba ni misusu ia vulu ki i xikina ku i saka.

Izaía 17:11 ပူးပေါင်းရင်းမြစ်များ

Jobe 4:8

Ku uialelu uami, ngene mu mona kuma oso a bhanga ikuma, a kuna ima ia ibha, iene muene ia bhongolola.

Jisálamu 90:6

mu kimene i sabhuluka, anga i bhana itulu; maji mu ngoloxi-phe a i sua, i kukuta.

Izaía 17:5

Mukonda kia kà bhita kala mumuni u muna idima mʼóbhia, u bukula mítue ia masa ni lukuaku luê; mukuâ ni muthu uoso u bhongolola masa mu dikôlo dia Lefaíme.

Jelemiia 5:31

O Misesedi a tanga ima ia makutu, o jinganga a tumina ku maku mâ-ene; o mundu uami uene, kiene ue kia a uabhela; o ku kia kà suka mua-nda kubhanga kiebhi?

Hozeia 8:7

Kuma a kunu kitembue, ia a-nda kumuna kibhungu; ki bhuala díbhia dia kumuna; o iangu ia hatu ki i tena kutunda fuba, lémbua; né i bhana fuba, a kà i dia kuala athu akua jixi jengi.

Hozeia 9:16

Ifalaíme a mú kuama, O jindanji jê joso ja kukuta; muene ka kà bhana dingi ibundu; xi, né-mbe hanji a vuala ana, Eme ana oso a matunda a tunda mu vumu diê, nga-nda ku mu jibhila-u.

Jouele 1:17

Jimbutu ja bolela koxi dia mavu, inganja ia xala itutu ia hatu, itula iòmuange, mukonda tiliku ia kukuta.

Ijila 26:20

Nguzu ienu ienda ni kudibota mu kingoho. Oxi ienu ki ibhana dingi o ima iê iambote, o miẋi i mu phapha ku mavu iseluka, kubhana ibundu, lémbue.

Loma 2:5

Maji eie-phe mu kukola kuê kua muẋima ni kuxibhaka, mu kubhanga kiki, eie ua kuata ku di lundila dingi njinda katé bhu kizuua kia njinda, kia kà tukuluka o kufundisa kualuka kua Nzambi.

Matendelelu 28:39

Ua kà phapha mivide ia vulu, anga u i dimina muene, maji, kua kà katula-ku tuvinho tua kúnua, mba u kanza-ku ji-uva, mukonda tubamba tuene kujeja, tua kà i sasala.