Anga a di uanununa mu ibuka mu usuku, ni muene ni jiselevende jê, jinguma anga a ji beta, a ji bhesa lusolo, aia ni ku a kaia katé bhu Hoba, kifua ku kiasu, Damasku ua xalela ku kadilu.
Mbalamu anga u zuela, uixi: Ngana tata, u Jihova, kima kiahi ki uanda ku bhanga? Kuma ua ngi mono ngala kuenda ngó kienhiki ki ngi moneka mona, ua ngi tambuila konda ia dibhata Eliiezele iú, mukua Damasku.
Muenhú ue u di bhongoluela athu kuia mu kúlua-nê, muene anga u kala mu tumina o kibuka kia makuenze enhó, kioso Davidi kia jibhile ndumba ia athu; ene anga aia mu Damasku, hé a kala muenhomo, anga u kala mu tumina mu Damasku.
O sobha ia Asídsia iú ua mu ivu muene; mbata o sobha ia Asídia ua bande iú ueza mu kukonda Damasku, iú ua mu tolola; o mundu ia keximu ua ambata iú uai-nâ ku Kîdi, o Lejime ua mu jibha.
Anga ku Damasku kuiza akua Sídia mu kukuatekesa Hadale-Ezele, sobha ia Zoba; Maji Davidi-phe ku akua Sídia ujibha-ku makuinhi aiadi a midi ia muthu ni midi jiiadi.
mukonda ua bhana jisata ku jinzambi ja akua Damasku, a mu tolola muene, uixi: Mukonda jisobha ja Sídia o jinzambi jâ ja mu a kuatekesa, eme uami nga-nda ku ji bhakuila jisata phala ni ji ngi kuatekese uami, Maji-phe jinzambi jenʼiji ja zubha dingi o ku mu bheka mu hadi, ni muene ni Izalaiele ioso.
Mukonda dia kienhiki, Jihova, Nzambi iê, ua mu bhakula ue bhu lukuaku lua sobha ia akua Sídia, ene anga a mu tolola ku ita, hé a muʼambata kifuẋi kionène kia jihutile anga eza na-kiu ku Damasku; a mu bhakula ue dingi bhu lukuaku lua sobha ia Izalaiele, muene anga u mu kuama ni ukuamenu ua dikota.
Kimbamba kia Mouabhe, kutanga kidi, Ale dia Mouabhe a mu buikisa mu usuku umoxi, ia a mu sengulula; kutanga o kidi, Kidi dia Mouabhe a mu buikisa mu usuku umoxi, iá a mu sengulula uê.
Muzambu ua Ijitu. Talesa koko, Jihova iu uiza, ua di-longo mu dituta dia ngelephephe, ua-nda ku tula mu Ijitu; mahamba ma Ijitu a kà ma tungutisa bhu pholo iê, anga muẋima ua akua-Ijitu ua kà botomoka mʼoxi diâ.
Kuma mbanza ua i kitula ndunji ia matadi, o mbanza ia di-fikidila ni kimbaka ua i bhange ngundu-élele; o kilômbo kia jinzuangiza phala ki ki kale dingi mbanza, ka kà tona dingi ku ku tunga.
Nzambi phe, uixi: Manhi kua kʼivu kuila nga bhange kiki mʼukulu hanji uila kiluua kʼiza-bhu, tunde mu izuua ia xahulu eme nga ki xinda kiá? Kiki-phe, nga ki kumbidila, phala eie u buikise jimbonge ja di-fikidila, nda u ji bhange maxita.
Kia kidi kiene, kioso mona iú kiluua eza mu kitala kia kuijiia ku di tuna kia iibha ni kusola kia uabha, jixi ja jisobha jiiadi jiji, ja ku kuatesa uoma, ja kà buika.
Inda o Damasku muene ua kala mútue ua Sídia. O muadiakimi mu Damasku, Lejime; Ifalaími-phe, katé bhu bhuila makuinhi asamanu a mivu nʼitanu ngi mu tolojola, ka kala dingi kifuxi.
Mbata mona muenhú kioso kiluua ejiia kuila, tatʼetu, mba memʼetu, o jimbongo ja Damasku a kà ji bhunda, ni madibhundila ma Samádia a kà ma ambata bhu pholo ia sobha ia Asídia.
Uila kiki, Jihova uixi: Talesa, izuua í iza, mu Labáh dia anʼa Amone, nganda kuivisa-mu kikoue kia ita, anga mu di bhanga ndunji ja maxita o ididi iê ia tumina jinga a ka ioha mu túbhia; anga Izalaiele ua kà lundula oso a mu lundula muene, Jihova ua ki tange.
Kienhiki-phe hádia Samádia nga kà mu bhanga ndunji ia matadi ma mukau, o mu ixi phala ku phapha-mu mivide, matadi mê nga kà ma mbolomuena mu honga, ididi iê ia di sueka anga nga kà i vulumuna.
Uila kiki, mukonda dienu, Ziione hádia a mu dima kala mukáu ua hatu, Jeluzaleme ua kà kituka jindunji ja matadi, o mulundu bhuala o inzu ienhiʼii, bhua kèla kala muxitu bhu thala ia milundu.
Ubatuilu ua Jihova ua lungulukila ixi ia Hadalake ni ixi ia Damasku, o kibuta kiê, kuma Jihova mesu mê uene ku ma ta kuthandu dia athu ni kuthandu dia miji ioso ia Izalaiele.
u mu bhinga mikanda ia kuia na-iu ku malombe mua mu sambela o Jijudé mu Damásku, phala ni mikanda iii, ki a sanga-ku athu a tokala ku uendelu iú, mba mala mba ahatu, u a bheka mu Jeluzaleme ku mikilo.
Anga mu bhongolola o umonhi uoso u mua sange-mu anga mu u tula mu kaẋi ka dikanga; anga mu ila ni sanzala iene ni umvuama uê uoso mu u ximika mu túbhia, ki ku subhuka kima. Sanzalʼoio ikala kiá ngoho dixita di nangenena, ki bhuà kala dingi, muthu utunga-mu.