Izaía 16:8 - O Mikanda Ikola

⁸ Kuma o mábhia ma Hexebone ma xala ivuza; muvide ua Sibama ki uala kuima dingi; jingana ja ifuẋi jala mu titidila kiá o milenga iê iabetele kuuabha; phaphu iê ia bhixila mu Jazele; ene ala kunhungana ngó mu kikangalakata; o jithangu jê ja sambuka kiá, jiʼja zaúka mu sámbua dia kizanga kia kalunga.

Izaía 16:8 ပူးပေါင်းရင်းမြစ်များ

II Samuuele 1:21

Enu milundu ia Jiliboua! ki ku laukile dimume ku thandu dienu, ku thandu dienu ki kuaʼà noke mvula, ki ku kale mábhia ma bhana maujitu kua Jihova! Kuma ngubu ia dizonda kuenhoko kua i texi ufusa, o ngubu ia Saúlo, kala ua kambele ku mu unda ni maji!

Izaía 10:7

Sumbala muene Asídia ka ki fika, mba o mu muẋima uê ka ki xinganeka; mukonda muene mu muẋima uê ukana kubuikisa ni kusengulula ifuẋi ia ndumba dia miji,

Izaía 15:4

Kienhiki ni Hexebone ni Eleiale, ia ku jingololo; dízui diâ u dʼivila ku Jahaze; kia bhangesa kuila, makuenze a maneka mu Mouabhe a di kola, a kala ni kikote kia dikota, muenhu uâ ua kenana.

Izaía 16:9

Kienhiki ngi dila kiá ni udidilu ua Jazele, mukonda dia muvide ua Sibama; nʼeie Hexebone, nʼeie Eleiale, ngi mi tekele kiá ni masoxi mami, mbata o kusangulukila ibundu ié ia kudinji, ni kumuna kué, kuabhu-ku kiá.

Izaía 24:7

Maluvu ia dila, muvide iù lela; oso a tanene miẋima, kiki ia a di tula mienhu.

Jelemiia 48:32

Eie-phe nga-nda ku ku dila ni udidilu ua Jahezale, eie u muẋi ua muvide mu Sibama; jithangu jé ja bhiti musanza ua kalunga jí ja bhixila katé ku musanza ua Jahezele; maji o mubuikixi ua laukila ku ibundu iê ia kudinji ni ku dibhongoluelu dié.

Dialuilu 21:32

Mozé anga u tuma nda Jazele, anga a i tolola ni tusanzala tuê; o Mamodi a a sange-mu a a kaie.

Dialuilu 32:3

Atalote, ni Dibone, ni Jazele, ni Namila, ni Hexebone, ni Eleiale, ni Sebama, ni Nebu, ni Beone,

Dialuilu 32:35

ni Atalote-a-xopane, ni Jazele, ni Jokebeha,

Dialuilu 32:38

ni Nebu, ni Baale-meone (majina amukuá a a lungulula), ni Sibama; jimbonge ja mukuá ja tungu anga a ji bhana majina engi.

Josuué 13:19

ni Kidiataimi, ni Sibima, ni Zefate-Sahale, mu mulundu ua dikota;

Josuué 13:25

mbambe kiá Jazele ni jisanzala joso ja Ngiliiade, ni kaxaxi ka ixi ia anʼa Amone, katé ku Alouele, bhua lulamena labá;