Izaía 16:6 - O Mikanda Ikola

⁶ Ukumbu ua Mouabhe tua u ivu fuma, exi, disese divula kua Mouabhe; tuevu katènda kê, tuevu ukumbu uê, tuevu ngânji iê; ku di-kudisa kuê-phe kingoho.

Izaía 16:6 ပူးပေါင်းရင်းမြစ်များ

Jisabhu 21:24

Mukua ukumbu, ua di zangeleka, a mu luka mukua kasekelu mukonda mukua kusekalesa akuâ.

Izaía 15:1

Kimbamba kia Mouabhe, kutanga kidi, Ale dia Mouabhe a mu buikisa mu usuku umoxi, ia a mu sengulula; kutanga o kidi, Kidi dia Mouabhe a mu buikisa mu usuku umoxi, iá a mu sengulula uê.

Izaía 2:11

O mesu ma bhumu, ma athu, a kà a tululula; o kuzangalala kua makuenze kua kà tunuka; bhu kumbiʼodio Jihova muene ngó a kà mu zangeleka.

Izaía 25:10

Mukonda lukuaku lua Jihova luanda ku tula ku mulundu uenhú; maji Mouabhe a-nda ku mu bhiatela muene bhu kididi kiê, kala kiene kubhiatela o ibhiáxi bhu dixita.

Izaía 25:11

Anga ua kà zanza maku muʼaxaxi kâ, kala kiene ku ma sanzumuna o muzoui phala kuzôua; kuma muene-phe ua-nda ku a katula o ku di-tudika kuâ, ni kusakalala kua maku mâ.

Izaía 28:15

Enu, kuma muambe, muixi: Kalungʼangombe tua bangana-nê, o inferno tuate na-iu kikutu kia ukamba; kioso kia-nda kuiza divuua dia kibeto kala mvula ia dilúvio, etu ki kia-nda ku tu bhixila, kana; kuma dilengelu dietu o makutu, disuamenu dietu o kudinga o kidi.

Izaía 28:18

O kubangana kuenu ni kalungʼangombe, a kà ku selula; o kikutu ki mua te ni inferno ki kia kà nangenena; o kioso ki bhita o kibetu kala mvula ia dilúvio, kia kà mi tatesa muene.

Izaía 44:25

Ngi mukua ku tungununa o iphata ia akua kuzambula o makutu, akua kusuma ngó a kituka maioua; jinjimu ngʼa vutula kuema, unjimu uâ ngi u kitula uôua-mu-uôua.

Jelemiia 48:14

Mua-nda ku kiʼamba kiebhi, muexi: Tu mazonda, tu malʼa nguzu mu ita?

Jelemiia 48:26

Mu kodiuisienu, mukonda ua di zangeleka mu kuzoka ni Jihova; Mouabhe ua-nda kua kà di dimbula mu ima iê ia lusu muene; ua kà kituka kima kia kasekelu.

Jelemiia 48:42

Mouabhe-phe a-nda ku mu sengulula mbé ka kale dingi kifuẋi; mukonda ua di zangeleka mu kuzoka ni Jihova.

Jelemiia 50:36

O xibhata ia-nda kuiza kua oso a tanga o makutu, anga a kà kituka ioua; xibhata ia-nda kuiza ku mazonda mê, anga a kàia ku kiambu.

Amoji 2:1

O Ngana uambe kiki: Mouabhe kia tondala lutatu mba luuana, kibetu kiê ki ngi ki katula; mukonda ifuba ia sobha ia Idomo ua ioha katé ki ia kituka hála.

I Phetele 5:5

Enu mu minzangala ue kiene, beleselenu adiakime. Katé ni enʼuenu oso di kutienu o kubatama kua ku di bhikila mudienu, kuma o Mikanda ia Ngana, iambe iexi: Nzambi u bhânga ni akua izala, u bhana-phe ujitu oso a batâma.