Izaía 16:5 - O Mikanda Ikola

⁵ Mbata kua-nda kukala kiandu kia henda kia difikidila, o ku thandu diê, mu balaka ia Davidi, kuene kua kà xikama muthu ufundisa mu kidi, u sota o mulonga kiambote, anga u sakalala mu ku lungisa.

Izaía 16:5 ပူးပေါင်းရင်းမြစ်များ

II Samuuele 23:3

Nzambi ia Izalaiele ua zuela ditadi dia Izalaiele muene ua ngʼambela: muthu u tumina athu mu uiukilu uê, ió u tumina mu uoma ua Nzambi,

II Samuuele 5:9

Davidi anga u tunga kiá mu mbonge ienhiʼii, hé u i luka uixi: Mbânza ia Davidi. Davidi anga u bhitisa-bhu lumbu tunde bhu Milo hé uia ni kutunga katé moxi.

II Samuuele 7:16

Dibhata dié-phe ni utuminu ué uà kola ku pholo ku uia, kiandu kié kià xala sé dizubhilu.

I Jisobha 10:9

Jihova, Nzambi ié, ataneku! Ió ua ku uabhela eie, iu ua ku solo phala ku ku tula ku kiandu kia Izalaiele; mukonda Ngana ua zola Izalaiele ni ku hádia ni hádia, kiene kia mubhangesa ku ku bhanga sobha, nda u bhange kia mu uabhela muene ni kubatula milonga ni kuiuka.

II Malunda 31:20

Ezekiia anga u bhanga kienhiki mu ixi ioso ia Juda anga u bhanga muene kia uabha, kia iuka, kia kidi, bhu pholo ia Jihova, Nzambi iê.

Jisálamu 85:10

Ni henda ni kidi a takana kumoxi; o kuiuka ni kutululuka a di bhubhala hé a di nzobola.

Jisálamu 89:14

Ni kufundixa kua kidi ni kutetuluka kua ku fikidila o kiandu kié; ni kulenduka ni kidi a ku tuamenena kuoso-kuoso ku u di tela.

Jisálamu 96:13

Bhu pholo ia Jihova, kuma iú iza, iú iza mu fundisa o ngongo; u fundisa o athu mu ngongo ni kuiuka, u tetuluila o mundu ni kidi kiê.

Jisálamu 98:9

Bhu pholo ia Jihova, kuma iú iza, mu fundisa o ngongo; u fundisa mundu ni kidi, u batuila o ifuẋi ni kutetuluka.

Jisálamu 99:4

Eie, ku ungana ué, uinda kufundisa kuambote; o ixi iasekalele, eie ua i fukula dingi kiengi; eie kufundisa kué mua Jakobo, kua kidi ni kutetuluka:

Jisabhu 20:28

O kubhanga mbote ni kukaiela o kitongola, iene ima i fikidila sobha; o kiandu kiê ki di fikidila mu ubatuilu ua mbote.

Jisabhu 29:14

Sobha, u kuata kufindisa o jingadiama mu kidi, kiandu kiê ua ki phaphe muene, kinangenena katé ku hádia.

Izaía 33:22

Mbata Jihova muene Mufundixi uetu; Jihova muene Mubhani-a-ngonge ietu; Jihova muene Muenexʼetu, muene ua kà tu bhulula.

Izaía 55:4

Talesa, eme nga mu bhana a kale mbangi ku athuʼoso, a kale kilolo, a kale nguvulu ia mundu.

Daniiele 7:14

Anga a mu bhana o kutumina, ni kijingo, ni ungana, phala miji ioso, ni ifuẋi, ni madimi moso ende ni ku mu bhikila muene. O kutumina kuê kua miaka, ku kuene dizubhilu, o ungana uê uene ngó, ka tena ku u bhuisa-ku.

Daniiele 7:27

O utuminu-phe ni ungana, ni ulâmba ua ma-usobha moso, mene bhoxi dia diuluʼabha, a kà u bhakuila o athuʼê angene a Ió ua Suka-ku ku Ukota; o utuminu uâ ene-phe ua kà nangenena, ma-utuminu moso ma kà a bhikila ene, ni ku a beleselela.

Amoji 9:11

Mu kizuua kieneʼokio-phe, balaka ia Davidi ia dibhalele, nga kà imika dingi, mazungu mê nga kà a xita, jingundu jê nga kà ji balumuna dingi, nga kà i tunga kala mu izuua ia xahulu.

Mikeia 4:7

Anga, o kia tenguine nga kà ki bhanga kiengi, kuma iene o mbandu ia xala-bhu; o ki nga texile dikanga nga kà ki bhanga muiji ua nguzu ni kutena, o Jihova anga ua kà kala jinga mu ku a tumina ku mulundu ua Ziione, tunde kindala, katé ku hádia ni hádia.

Zakadiia 9:9

Sanguluka kiavulu, eie monʼa kilumba mu Ziione; Tumbujuka ni ngalasa eie u monʼa kilumba mu Jeluzaleme; tala, sobha ié iú uiza kokué, u fundisa mu kidi, Mubuludi, ngadiama, ua sambela ku thandu dia bulu, ku thandu dia kaseseme ka bulu, kamona ka bulu ia mukaji.