Izaía 16:3 - O Mikanda Ikola

³ Sota kaiula, bhanga ima ia tetuluka, iudika kilembeketa, mbé kitua muanha ua mediia, kile muene kala mu usuku; kondeka oso a a balakala, oso ala kusota bhuoso bhua nhohena, eie kana ku a tungununa.

Izaía 16:3 ပူးပေါင်းရင်းမြစ်များ

I Jisobha 18:4

Mukonda kia bhitile kiki kuma, kioso Jezabele kia kuata kujibha jipolofeta ja ngene ja Ngana, Obadiia-phe ua sueka-ku hamʼa jipolofeta; anga u a bhaka mu dibànda ku ibuka ia makuinhʼatanu-makuinhʼatanu, anga u kala mu ku a dikila ni mbolo ni menha.

Izaía 1:17

Dilongienu kubhanga o mbote; bhangenu ioso iaiuka; kudilenu uoso a mu tatesa; batuilenu monʼa difundu kioso kia iuka; atudi a bhangedienu.

Izaía 25:4

Mbata ua di bhange u kimbaka phala ngadiama ni ió ua tate mu lamba diê; u Dilengelu kiza o kibhungu; u Kilembeketa bhu thembu ia kizuza; kuma o muha ua isueia mukuâ ni kibhungu, ki ki di zubila ku kimbaka.

Izaía 32:2

Dikuenze muenhó ua kà kala disuamenu kiza o kitembu, dilengelu kiza o kalêmba, mukua ni jingiji ja menha mu mikáu ia kukuta, uila ue kala kilembeketa kia ditadi dionéne mu ixi ia kikáku, mua kambe o menha.

Izaía 56:8

Jihova Nzambi, uene kubhongolola oso a muangana mu Izalaiele, uambe kiki: Hanji nga kà bhongolola dingi athu kumoxi ni iá u nga bhongolola kiá.

Izaía 58:7

Abha ku uane ue o mbolo ié ni uoso uala ni nzala? o jingadiama ja bhondalala, ja takuka ku makanga, u ji ongeka mʼonzo? o ki u mona mukua tuẋi anga u mu zuika, phala xitu ié, ku i suekele o pholo?

Izaía 9:6

Kuma a tu vualela mona, a tu bhana mona ua diiala; o kutumina a mu tuika-ku bhu isuxi iê, o dijina diê a kà mu luka: Kidiuanau, Ndongixi, Nzambi ia Nguzu, Tata Inangenena, Kilamba kia Paze.

Jelemiia 21:12

Eie u dibhata dia Davidi, Jihova uambe kiki: Mu imene endenu ni kubatula milonga mu kidi, nda uoso a mu bhundu mu mu sukunune bhu lukuaku lua kingumba; phala o njinda iami ki i tunde kala tuia, ni i uame hé i kamba uoso u i jima mukonda dia kuiibha kua ibhangelu ienu.

Jelemiia 22:3

Jihova uambe kiki: Kumbidila ubatuilu ua mbote ni uiukilu, muende ni kusukununa uoso a mu bhundu kuala kingumba; o nzuángiza ki mu mu tatese, mba monʼa difundu, mba mutudi, ki mu mu bhange kusuína, ki mu bhubhise manhinga ma muthu ua bene, bhu kididiʼabha.

Daniiele 4:27

Kala kiki, sobha, tata, xikina kaiula kamiʼaka, sota kubhanga kia iuka, u di bhuise ituxi, bhanga henda ku jingadiama, u di bhuise o phulu, kifua o kiki nga ki ambe sumba hanji kua ku xiala thembu ia ku di-bhola hanji ku mátui.

Zakadiia 7:9

Jihova dia Ilombo Ieta uambe kiki: Fundisenu mu kidi, londekesenu kiadi ni henda muthu ni muthu kua phangʼiê;

Matesu 25:35

Kuma eme nga kexile ni nzala, enu mua ngi bhana kúdia; nga kexile ni dinhota, enu mua ngi bhana kúnua; nga kexile ngi mosonhi, enu mua ngi langeka mu mabhata menu.

Jihebeleu 13:2

Kana kufula kutambulula asonhi mu mabhata menu. Kuma amoxi mu ku ki bhanga, a langeka ji-anju sé ku kʼijiia.

Afundixi 9:15

Kuala musonge: Se kidi kiene mu ngʼunda eme mu kala sobha ienu, izenu mu di kondele mu kilembeketa kiami; o ki mu ila kana, ku musônge ku tunde túbhia tu buidise ni misedulu ia muxitu ua Libanu.