Izaía 16:12 - O Mikanda Ikola

¹² Kioso Mouabhe kia-nda kuila bhu thala ia milundu bhua mu kumu kiá, anga ubokona mu tembulu iê mu samba, ka-nda kubonga-mu kima.

Izaía 16:12 ပူးပေါင်းရင်းမြစ်များ

I Jisobha 11:7

Bhenhobho Solomá, ku mulundu uala ku pholo ia Jeluzalame hé u tunga-ku kididi kia ditala, phala Kamo, o kisunji kia akua Mouabhe, ni kia Moloke, o kisunji kia anʼa Amone.

I Jisobha 18:29

Anga ki bhita-phe kuma, kia bhiti kaxaxi ka kizuua, kumbi ku mediia dia sembuluka-ku kiá, ene a kuata kuzambula katé mu ola ia kubhana mubhaku ua musa ku ngoloxi, hanji-phe ki kuene dízui, ki kuene kuitaia mba ngó ku a suua.

II Jisobha 19:12

Mbehu o jinzambi ja ifuẋi ja tena o kubhulula o jixi joso ja muangamuanga o jisobha ja Asídia, o jitata jami? O jixi ja Ngozane, ni Halane, ni Lezefe kumoxi ni anʼa Edene a kexile mu Talasale?

II Jisobha 3:27

Bheneʼobho-phe u zangula monʼê ua phande-kumbi, muene ueji kuhinga ungana bhu kididi kiê, anga u mu satela ku thanduʼa lumbu; mua Izalaiele anga mu kala njinda ia vulu; kienʼiki akua Izalaiele a mu xa, a vutuka kʼoxi iâ.

Jisabhu 1:28

kienhokio ene ela adi kola kokuami, eme-phe ki nga kà etaia; o kia kà di meneka ku ngi sota, ka tena ku ngi sanga.

Izaía 15:2

Iu banda ku Baiite, ni ku Dibone, ku thala kuná ni kudila; Mouabhe ua-nda kuta jingololo mukonda dia Nebo ni Medeba; mítue ioso ia kà biluka mabhaia ni dilamba, o miezu ioso ue a-nda ku i bhuta.

Izaía 16:13

Kiki kiene kizuelu kia tanga Jihova mu kanena Mouabhe, tundiê mʼokulu.

Izaía 26:16

Maji, tata, kioso kia a kondo o ngongo, ejiie ku ku sota; kioso ue ki ua a bazela, ene-phe a mbolojoka ni kusamba mu kasuèkele.

Izaía 37:38

Anga ki bhita-phe kuma, kia bokona iu ua fukama mʼonzo ia Nijiloke, o nzambi iê, Adalameleke ni Salezele dia anʼê-muène, a mu jibha ni xibhata; ene-phe hé alengela kʼoxi ia Alalate, o Ezaladone monʼê, anga uhinga bhu kididi kiê.

Izaía 47:13

Mu nzungule ia jindunge jé, muene mu ua bhuidila; kiki-phe ni akua kuzambuila ku ijimbuete ia maúlu, ni akua kutongolola jithéthembua, akua mizambu ia mbeji ia thethama, ene-oso a balumuke a ku kudile ku kibuika kia-nda ku ku tula ku thandu.

Jelemiia 10:5

Ela kala diaie, kikalakalu kia bhiti ku torno, maji o kuzuela-phe ka tena, ku bhinga muthu u a ambata, mukonda ene ka tena kuenda; ki mua a kuatele uoma mbata kialʼokio ka tena ku bhanga kia iibha, mba ue a kala ngó ni kutena kua ku bhanga mbote.

Jelemiia 48:13

Kieneʼokio-phe Mouabhe ua kà kala ni jisonhi ja Kamu, mukuá ni Izalaiele ki ala ni jisonhi ja Betele, ua mu mexile kidielelu kiê.

Jelemiia 48:35

Anga ngi bhangesa kuila mu Mouabhe, oso a bhakuila jinzambi jâ ni ku jiʼohela uasu ua dizumba bhu ididi ia dileka, a jimukamu, Jihova ua ki tange.

Jelemiia 48:46

Eie Mouabhe, kokolo dié! Kifuẋi kia Kamu kia jimi! Mukonda anʼê a mala ala jihutile, anʼê a ahatu ala ku ubhika.

Jelemiia 48:7

Mbata, mukonda dia kudielela ku uala-na-ku ku ima ié i uene kubhanga ni jimbongo ji uala na-ju, eie ue a-nda ku ku tolola; o Kamu ua-nda kutu-nda, uia ku ubhika kumoxi ni jinganga jê ni ilamba iê.

Dialuilu 21:28

Mbata ku Hexebone kua tundu túbhia, Mulengu mu mbanza ia Sihone. Hale dia Mouabhe uabhi, Ni jinganga ja matala ma Amone.

Dialuilu 22:39

Balamu anga uila kumoxi ni Balake, hé a bhiẋila bhu Kidiata-Huzote.

Dialuilu 22:41

Kúkia ni kimene, Balake u katula Balamu, u mu bheka bhu thala dia Baale; bhenhobho u mona ngó tumbalumbalu tua suku-ku ku kifuẋi.

Dialuilu 23:14

Anga u mu bheka mu mukáu ua Zofimi bhu thala ia Píxika, u tungila-bhu dingi sambuadi dia kalatódio, kalatódio ni kalatódio u satela-ku ngombe ni kilumbe.

Dialuilu 23:28

Balake anga u bheka Balamu bhu thala ia Peole, kua lulama ni kikangalakata.

Dialuilu 24:17

nga mu mono, maji ki lelu; bhu nga mu muena, ki bhabha; kua kà tunda théthembua mua Jakobo ku kala mbasá muʼaxaxi ka Izalaiele, Mouabhe a ka mu beta mbandu ni mbandu, akua jimvunda a kà a xinina bhoxi, ana oso a Sete a kà a jikinisa