Izaía 15:5 - O Mikanda Ikola

⁵ Muẋima uami u ta jingololo mbé Mouabhe; ilamba ié ia lengela ku Zouale, mukuâ ni seseme ia ngombe ia mivu itatu; kuma ia aia ni kubandela ku Luhite ni kudila, mbata mu njila, mu njila ia Holonaime, akuata-mu mukumbi ua kikote, ala ku dikola mukonda dia kibuika.

Izaía 15:5 ပူးပေါင်းရင်းမြစ်များ

Dimatekenu 13:10

Lote anga u bhetula o mesu, u tala mu dikôlo dia Joldá, kuma muala menha, muene muoso muala uisu, mukuâ ni díbhia dia Jihova, mukuâ ni mʼoxi ia Ijito, mu kubokuena bhu Sanzala ia Zouale, kioso Jihova kiluua hanji a buikisa Sodoma ni Ngomola.

Dimatekenu 14:2

Kiuana kiâ eza mu kúlua ita ni Bela, sobha ia Sodoma, ni Bidixa, sobha ia Ngomola, ni Xina, sobha ia Adama, ni Xemebele sobha ia Nzeboími, ni sobha ia Bela, muene Zouale.

Dimatekenu 19:22

Endela-ku-phe, u lengele kuenhoko, kuma ki nga-nda kubhanga kima katé ki u bhiẋila; kiene kia bhela-bhu o dijina, exi: Bhu Zouale.

II Samuuele 15:23

Oxi ioso anga a kala mu dila jingololo, mundu anga a kala mu zaúka katé ku sámbua; muenexi muene anga u zaúka ue o kahonga ka Kidolone, mundu uoso anga a zubha kuzaúka, a di tela njila ia ditutu, mu kuia ku kikangalakata.

II Samuuele 15:30

Davidi anga u kala mu banda ku disámbua diodio dia honga ia Kidolone mu mbanjidilu ia mulundu ua Midiva; kioso kiala mu banda uala kuenda ni kudila, ua di futu mútue, uala kuenda ni inama ia hatu bhoxi; mundu uoso ala kuendela-nê kumoxi anga a di futa uâ mítue, ala mu kuila ia a banda ia enda ni kudila.

Izaía 16:14

Maji kiki-phe Jihova uambe, uixi: Mu mivu itatu, kala mivu ia jingunza, kijingo kia Mouabhe bhene bhu kia kà sekalela, ni kifuxi kiê kioso kia dikotʼokio; o tu-masubhu tuoso tua-nda ku mu xala-bhu, kadikumba ngó, sè nguzu.

Izaía 22:5

Kuma o kiki kizuua kia kibulukutu, kia ku di-lebhula, kia kavanza ka tundu kia Jihova dia Ilombo Ieta, keza, ka tula mu dikôlo dia kisuma; kizuua kia kulundumuna imbaka ni kuia ku milundu ni kudikola-kola.

Izaía 59:7

Inama iâ i lenga mu ku bhanga phulu, a sakalela mu kubhubhisa manhinga ma muthu ua kambe kikuma; o ilunji iâ i funha ikuma mu ikuma; kubuika ni kubhondalala kuenhé mu njila jâ.

Jelemiia 13:17

O kiki se mu kamba ku kʼivua, muenhu uami ua kà didila mu jihota ja di sueka, mukonda dia ku di zangeleka kuenu, mesu mami ma kà dila lujiji, anga ma koboka mu kisoxi, mbata o kilunga kia Jihova a ki ambata ku ubhika.

Jelemiia 17:16

Maji eme ki nga lenguluka kukala ngi kafunga kuema dié; mba ngó kuila ue nginda kizuua kia hadi, eie-muène ua kʼijiia; kioso kia tundu ku mizumbu iamiʼuku kikié bhu pholo ié.

Jelemiia 4:19

Uá! Vumu diami, vumu diami, tata! A ngi kuama ku muẋima uami! muẋima uami iú lunguta! ku di xibha nga lembua; mukonda o muenhu uami koloneta ua ivué ni milolo ia ita.

Jelemiia 4:20

Kutunda kibuika kuiza kibuika ni kubhana jingolokela, kuma oxi ioso ió buikise kiá; nga tukumuka ngó o jibalaka jami ni jikortina a ji jikinisa, muʼanzanzʼumu!

Jelemiia 48:3

Dízui dia ku dikola kua Holonaime: Kua muʼiza kibuika ni kusenguluka kua dikota!

Jelemiia 48:5

Kuma ene ia aiʼó ni kudila kua kiiokoioko bhu kalundu ka Luhiti; mbata bhu dikulumukinu dia Holonaime, o jinguma ja Mouabhe evila-bhu mikemu ni kudikola.

Jelemiia 50:46

Ixi ia teketa ku kinuminu kia Babilonha kioso kia mu tolola; o kudikola kuê a kuʼivu mu kaxi ka miji ioso.

Jelemiia 9:10

Ku milundu ngi tela-ku nzongo ia ku dila, mu ididi i dila o ibhaku mu kikangalakata ngi tela-mu jingololo; kuma mua jikata kiá, u bhita-mu ka moneka dingi; ki muala dingi ku tunda kukoma kua ibhaku; tundé ku jinjila ja bhulu, tulé ku iama, edi o bunganʼéel … ia a lenge-mu!

Dialuilu 21:29

Eie u Mouabhe, lamba dié! Mua bhondalala, enu mu akua hamba dia Kamu. Anʼé a mala a lenge, Anʼé a ahatu a a kutu, aii-nâ, Kua Sihone sobha ia akua Amone.