Izaía 15:3 - O Mikanda Ikola

³ A zuata idinhaji mu jinzunga jâ; ia kumbila ku matala, ia kumbila bhu itanda, ia dila-dila ni lujiji.

Izaía 15:3 ပူးပေါင်းရင်းမြစ်များ

II Samuuele 3:31

Davidi anga u ambela Jouabe, ni athu oso ala ku mbèle iê, uixi: Tandujulenu izuatu ienu, mu di kute idinhaji, mu dile Abinele. Muenexi Davidi anga uia ni ku kaiela ku ditumba.

II Jisobha 6:30

Anga-phe ki bhita kiki, kuila, sobha kioso kievu o maka a muhatu muenʼíú, u tandula o izuatu iê, hé uia ni kuenda ku lumbu; o mundu hé a mu mona muene kuila moxi ua zuata kidinhaji ku thandu dia jixitu jê.

Izaía 15:2

Iu banda ku Baiite, ni ku Dibone, ku thala kuná ni kudila; Mouabhe ua-nda kuta jingololo mukonda dia Nebo ni Medeba; mítue ioso ia kà biluka mabhaia ni dilamba, o miezu ioso ue a-nda ku i bhuta.

Izaía 22:1

Muzambu ua dikôlo dia kisuma. Eie kindala ihi i uala na-iu, kia bhingi o mundu ué uoso a mu lengela bhu jihôngo ja jinzo.

Izaía 22:4

Kala kiki, ngixi: Lungenu o pholo kuengi, eme nga-nda kuẋikujuka ni kudila, ki mu tale hadi ia ku ngi dixibhisa, nga bhondalala mukonda dia kibuika kia mona-kilumba, dia mundu uami.

Izaía 3:24

Kieneʼokio, o bhua kexe dizumba dia uabha, bhua kà bhingana kibuzu; bhu kididi kia phonda, mukolo kiá; bhu kididi kia kuinda kindemba, kuiza kiá dibhala; bhu kididi kia kizuatu kia dixala, bhu kala kiá ku di-suikika kidinhaji; bhu kididi kia kuuabha o pholo, a kà kituluka kala a jokota mu túbhia.

Jelemiia 19:13

Jinzu ja Jeluzaleme, ni jinzu ja jisobha mu Juda, ja-nda kukasana, kala o kididi kia Tofete: kiene kimoxi ue ni jinzu josololo, jedi o ku hongo iâ kuene kuohela o uasu ua dizumba phala ilombo ioso ia maúlu, ia a bhela-bhu mibhaku ia kúnua ku jinzambi jengi.

Jelemiia 48:37

Mukonda mítue ioso ia kà kituka mabhaia, o miezu ioso ia kà bhueka; majuʼoso a kʼezala iẋenge, o bhu inhonga a kà di kumba jisaku.

Kuditenda 2:10

O ikulakaji ia monʼa kilumba Ziione a xikama ni ene mu mavu, exi ngó muene hudí; a di kuua fufuta ku mitue, a zuata idinhaji; o ilumba ia Jeluzaleme, azenzamena mítue bhoxi katé mu mavu.

Izekiiele 7:18

Anga a ka di-kuta jisaku, o kiteketela kia kà a vungina; o ku jipholo joso kua kà kala jisonhi, o mu mítue ioso mabhaia.

Amoji 8:10

O jifesa jenu nga kà ji kitula jithambi ja kuteka ndômbe; o mimbu ienu ioso ia kà kituka jingololo. Bhua kàla ku di kuta jisaku bhu inhonga ioso, o mu mítue ioso mua kàla mabhaia kala mua bhiti phoko ia bhutu. Nga kà bhangesa kuila ima iii lamba diê dila kala thambi ia mona umoxièlele a mu vuala ngûmba; zubhilu diê mukua ni kizuua kia kubhondalala.

Matesu 11:21

Eie Kolazine, lamba dié! Eie Betesaida, lamba dié! Mukonda o isuma ia di bhange momué, se a i bhangele mu Tilu ni mu Sidónia, hinu a dielediâ ukulu, anga eha o ituxi iâ. O mu ku londekeza kuila a diela, eji kuzuata jisaku ni ku di kuua uthôkua mu mítue!

Matendelelu 22:8

Kioso ki u tunga onzo iobhe, o bhu hongo kondoluesa-bhu kifikidilu bhu ditala dioso di u iudika-bhu, phala ki mu langumuke muthu bhu hongo ié, anga eie uiza mu mulonga ua manhinga, exi, uajibha.

Tiiaku 5:1

Kindala, enu mu jimonhi, ivenu! Ndokuenu mu dile, mu di kole, mukonda dia usébhue ua-nda ku mi tula!

I Samuuele 5:12

Oso a kambe kúfua, a tunda mabhumbu aiibha mu mukutu; anga a bhondalala kinéne, o ngololo iâ anga i banda katé ku diulu.