Izaía 15:2 - O Mikanda Ikola

² Iu banda ku Baiite, ni ku Dibone, ku thala kuná ni kudila; Mouabhe ua-nda kuta jingololo mukonda dia Nebo ni Medeba; mítue ioso ia kà biluka mabhaia ni dilamba, o miezu ioso ue a-nda ku i bhuta.

Izaía 15:2 ပူးပေါင်းရင်းမြစ်များ

II Samuuele 10:4

Kienhiki Hanuni u kuata akua mbèle ia Davidi, ua bhuta miezu ku mbandu imoxi, izuatu iâ u i butulula mu kaẋi, hé a xala mataku mu kanga, anga u a kaia.

I Malunda 19:4

Hanume-phe u kuata o abhika a Davidi, hé u a konga o miezu anga u tandula o izuatu iâ mu kaẋi katé mu matabela mu kubhiẋila ku sungu ja mataku, anga u a xinjikila kokuâ

Jobe 1:20

Bheneʼobho, Jobe u balumuka, u tandula divunga diê, u konga jindemba mu mútue, hé u di takuila mu mavu, anga u bheza Nzambi.

Izaía 14:31

Eie u dibhitu, dila kala kimbùngu; eie u diembu, dikole; kiene ki ualʼokio, eie Fidíxia, ua sengumuka muene; mbata ku suku kua-nda kutunda dixi, ki bhua-nda ku kala muthu ubhulaka.

Izaía 15:3

A zuata idinhaji mu jinzunga jâ; ia kumbila ku matala, ia kumbila bhu itanda, ia dila-dila ni lujiji.

Izaía 16:12

Kioso Mouabhe kia-nda kuila bhu thala ia milundu bhua mu kumu kiá, anga ubokona mu tembulu iê mu samba, ka-nda kubonga-mu kima.

Izaía 16:7

Kala kiki, Mouabhe ua-nda kukumbila Mouabhe; ene oso muene a-nda kukumba; mua-nda kukema kioso ki sekala madisesa ma Kidi-halesete, kuma a ma bulu kiá.

Izaía 22:12

O Jihova phe, Jihova dia Ilômbo Ieta, mu kizuua kiná ua kà mʼixanena kudila, ni kuta jingololo, ni dikongelu dia mítue, ni kuzuata jisaku.

Izaía 3:24

Kieneʼokio, o bhua kexe dizumba dia uabha, bhua kà bhingana kibuzu; bhu kididi kia phonda, mukolo kiá; bhu kididi kia kuinda kindemba, kuiza kiá dibhala; bhu kididi kia kizuatu kia dixala, bhu kala kiá ku di-suikika kidinhaji; bhu kididi kia kuuabha o pholo, a kà kituluka kala a jokota mu túbhia.

Jelemiia 3:21

Mu ididi ia di-leka evu-mu dizui, evu-mu ngololo ni kudionda kua vulu kua anʼa Izalaiele; mukonda njila iâ a i lungulula, o Jihova Nzambi iâ a mu jimbi.

Jelemiia 47:2

Jihova, uambe, kiki: Tala o menha a tunda kusuku a-ndo balumuka anga a di bhanga kihungulule ki subhajaka, anga a kʼèzalesa ixi ioso muene ni uvimba uê, ni mbonge ni oso a tungu momo; athu a kà di kola-kola, ene oso a tungu mu ngongo a kà dila jingololo.

Jelemiia 47:5

Ngaza kua muʼiza kabhuetete, Axikilone a mu vuza kumoxi ni masubhu a dikolo diê; katé-phe bhebhi bhu u suka ni ku di tandujula?

Jelemiia 48:1

Mu kulungulukila Mouabhe, Jihova dia Ifuẋi, Nzambi ia Izalaiele, uambe kiki: Nebu, kokolo diê, kuma a mu sengulula; Kidiataimi, sonhi ja mu kuata, kuma a mu tolola kiá; Miska sonhi ja mu kuata, ua bhuuama.

Jelemiia 48:18

Eie u muhatu ua tungu, u monʼa Dibone, ku fuma ié tuluka-ku, u xikame bhoxi dia kukuta; mukonda ió ua sengulula Mouabhe, ua bande, ueza kokué, imbaka, iéʼeie, ua i sengulula kiá.

Jelemiia 48:31

Kienhiki nga-nda kukema mukonda dia Mouabhe; xi, ngi dikola muene mukonda dia Mouabhe dioso; mbata akua Kidi-Helese a kà dila jingololo.

Jelemiia 48:35

Anga ngi bhangesa kuila mu Mouabhe, oso a bhakuila jinzambi jâ ni ku jiʼohela uasu ua dizumba bhu ididi ia dileka, a jimukamu, Jihova ua ki tange.

Jelemiia 49:3

Dila kala kimbungu, eie Hexebone, kuma Hai a mu sengulula; di kodienu, enu mu anʼa Labáh, di kutienu idinhaji bhu kinhonga, tenu jingololo, muende ni kuimajana mu ikanzu; kuma Malkane ua-nda kuia ku ubhika kumoxi ni jinganga jé ni ilamba iê.

Jelemiia 7:29

Kolola jindemba ja mútue ué, u ji texi, u bhita-bhite ku matala ni kuta o nzôngo ia kudila; mbata Jihova ua ẋimbuka iú uehelela o muiji ua njinda iê.

Izekiiele 27:31

Hé a kà di ta mabhaia mu mítue mukonda dié-eie, anga a kà di kuta idinhaji bhu inhonga, a kà ku dila muene eie ni lamba dia muenhu uâ, a kà dila muene lujiji.

Izekiiele 30:2

Monʼa diiala, zambula, u zuele kuma; O Jihova Nzambi uambe kiki: Kemenu, muexi: Uá! O kizuuʼokio!

Izekiiele 7:18

Anga a ka di-kuta jisaku, o kiteketela kia kà a vungina; o ku jipholo joso kua kà kala jisonhi, o mu mítue ioso mabhaia.

Ijila 13:40

Kioso ki u mona diiala ua mu vuzujuka jindemba mu mútue, diodio dibhala ngó; muene ua zediʼê.

Ijila 21:5

O Jinganga ka konge mútue, mu kubhanga-mu dibhala, ka bhute ue muezu bhu phaphʼa dítui, kana ue ku di sema jiphoko ku mukutu,

Amoji 8:10

O jifesa jenu nga kà ji kitula jithambi ja kuteka ndômbe; o mimbu ienu ioso ia kà kituka jingololo. Bhua kàla ku di kuta jisaku bhu inhonga ioso, o mu mítue ioso mua kàla mabhaia kala mua bhiti phoko ia bhutu. Nga kà bhangesa kuila ima iii lamba diê dila kala thambi ia mona umoxièlele a mu vuala ngûmba; zubhilu diê mukua ni kizuua kia kubhondalala.

Dialuilu 21:28

Mbata ku Hexebone kua tundu túbhia, Mulengu mu mbanza ia Sihone. Hale dia Mouabhe uabhi, Ni jinganga ja matala ma Amone.

Dialuilu 21:30

Etu-phe tua ase muene; Hexebone ua jimi, Mbambe katé bhu Dibone, Tua a sengulula katé bhu Nofah, Túbhia tua bhiẋila mu Medeba.

Dialuilu 32:3

Atalote, ni Dibone, ni Jazele, ni Namila, ni Hexebone, ni Eleiale, ni Sebama, ni Nebu, ni Beone,

Dialuilu 32:38

ni Nebu, ni Baale-meone (majina amukuá a a lungulula), ni Sibama; jimbonge ja mukuá ja tungu anga a ji bhana majina engi.

Matendelelu 14:1

Enu muala mu ana a Jihova Nzambi ienu, né-mbe mua fundu muthu kana ku di bhuta mabhaia mu mítue mba mu di ẋanga jiphoko ku mukutu.

Matendelelu 34:1

Mozé anga u banda ku mulundu ua Nebo, mu dinhana dia Mouabhe o mikáu ia Mouabhe u i xa bhoxi, iú bhu thala ia Pisga, bhua lulama ni Jedikó. Jihova anga u mu londekeza oxi ioso, tunde ku Ngiliiade katé ku Dane;