Izaía 14:6 - O Mikanda Ikola

⁶ Ió ua kuama jinga o mundu ni ngánji, ni mabhebhu kiene kia kuata kunemeka athuʼiki uakuata, uedile o ifuẋi ua i tumina jinga ni njinda, muene lelu ue a mu tungika, ki bhuala u ki fudisa.

Izaía 14:6 ပူးပေါင်းရင်းမြစ်များ

II Malunda 36:17

Mukonda Jihova ua bhangesa sobha ia jikaldeu kubanda o minzangala iâ, muene iu ua i jibha ku xibhata, mu inzu ia dibhezelu diê; o minzangala ia mala muene ka i kuatela dingi henda mba o ilumba, mba adiakime a kuka kiá, mba ikulakaji ia kukidila; maji ene oso ua a bhakula bhu lukuaku luê.

Jobe 9:13

Nzambi ka kà fudisa kutema kuê o akuatekexi a di zangeleka a kà bhetamena muene bhoxi.

Jisabhu 21:30

Jihova ku tena ku mu dimukina, ku tena ku mu bhanga ndunge, ku tena ue ku mu ta kikutu kia ufue.

Jisabhu 28:15

Mukua-phulu kia tambula ukota ua kutumina o muiji ua jingadiama, u di bhanga mukua ni hoji i nanga ni kuzuma, mba mukuâ ni kitôto kia di zekele nzala.

Izaía 10:14

O lukuaku luamiʼlú lua bongo o umonhi ua ifuẋi mukua ni kikalanga, kala kiene mu kubhongolola o maiaki ma uʼehelele, kiene ue eme ki ngʼongeka o ixi ioso. Ki bhua moneka uoso u zenga dibhabha, mba u bhana mu kanu, mba u longolola.

Izaía 14:5

Mbangala ia akua-phulu Muadi Jihova lelu ua i bukula, o mbasá ia atumini-a-jixi ue kiómuene.

Izaía 33:1

Kokolo diê u mubhundi, sumbala ene ka ku bhundu, athu ka ku bhange ufe, eie u a bhanga ufe! Kioso-phe ki u zubha kubhunda akuenu, eie ue a-nda ku ku bhunda; kioso ki u zubha kubhanga ufe ku akuenu, eie ue bhu kala o ku ku bhanga ufe uene.

Jelemiia 25:26

ni ku jisobha joso ja ku Suku, ni kua iá ala bhua butu, ni kua iá ala dikanga, ku tunda iú kuiza iú, ni ku mautuminu oso ala mu ngongo Kulu-dia-mundu; o sobha ia Sezake muene kiá u sukidilaku mu kúnua.

Jelemiia 25:9

nga-nda ku tuma kutakana miji ioso iala kusuku, eme Jihova, ni mubhikʼami Nabukodonozolo ue, sobha ia Babilonha, anga ngʼa bheka mu ixi ienhiʼii ni ku thandu dia oso a tungu-mu ni ku thandu dia miji ioso mu jimbandu, anga nga kà a jimisa mbutu muene xatababá; nga-nda ku a bilula a kituka kisunji; a di bhanga supiia, a kala jingundu ji nangenena.

Jelemiia 48:17

Mu kuatedienu henda, enuʼenu oso mua mu kala mu jimbandu jê, enuʼenu oso mua muʼijiia o dijina; zuelenu-kiu, muexi: o mbangala ia kolo, dikoue dia iuka kinéne, dia bukuka kiebhi?

Jelemiia 50:31

Kiki-phe, tala, nga ku lungulukila, eie nʼa mama dia ukumbu! Jihova, Nzambi ia Ilombo Ieta ua ki tange: mukonda kizuua kié kieza-bhu, o kithangana kié ki nga-nda ku ku zungila.

Kuditenda 1:21

Athu ia evua muene kioso ki ngala kukema, maji o u ngi konda malamba ka moneka; jinguma jami joso kievu o jiphaxi joso ji ngala kubhita na-ju, a tana-phe, mukonda kima kia ngi tundu kokué eie; maji, kioso kia kèza o kizuua ki ua tangeʼokio, ene ua bhu ngatelʼabha hiun eza-bhu.

Daniiele 4:35

Kua muene athu oso atungu mu ngongo kingoho, kioso kia mu kala mu vondadi iê kiene kia bhanga ni ku ilômbo ioso ia diulu ni ku jithungiembu joso bhoxiʼabha; kana-ku muthu utena kufudisa lukuaku luê, ni kuila: Ua-nda bhanga kiebhi?

Habakuke 1:17

Manhi uenda jinga kienhiki ni kusukumuna o uanda uê, anga u kamba kuzumbuka mu kujibha mundu ni lujiji sé ngó ku a kuatela henda?

Habakuke 2:5

Kala kiki, muene mu ku di uabhela kiavulu ni vinhu, ua kituka mukua mangonha; uala muthu uezala ni ukumbu; vondadi iê iia ni kuvula dingi mukuâ ni mbila iajikuka; uasoko ni kalunga-a-ngombe, kana-ku kima ki mu kuma, miji ioso u i bhongoluela kokuê, o ifuẋi ioso ku mundu u di kongela na-iu muene.

Tiiaku 2:13

Mukonda o Nzambi kia kà fundisa, ka kà lendukila athu ió a kambele kukala ni henda ia akuâ. Maji o kukuatela henda kua somboka o kufundisa.