Izaía 14:4 - O Mikanda Ikola

⁴ Kieneʼokio o mukumbi iú ua kà uimba muene mu kuâmba sobha ia Babilonha, uixi; Mbé o kingumba lelu ki zumbukʼâ! Lelu o ungumba uabhu, o mbanza ia kembele ni ulu lelu ia budikʼâ!

Izaía 14:4 ပူးပေါင်းရင်းမြစ်များ

II Malunda 36:18

O itutu ioso ia inzu ia Nzambi, ni ia makota ni iòfele, ni jimbongo ja inzu ia Jihova, ni jimbongo ja dibhata dia sobha, ni ja ilamba iê, iene ioso ua i ambata, uai na-iu ku Babilónia.

Izaía 13:1

Kisuma kia Babilonha, kia diuana Izaia, monʼa Amoji.

Izaía 13:19

Babilonha, o makembu ma akua jixi, muene o fuma ni izala ia akua Kaldeia, ua kèza bhua Sodoma ni Ngomola, kioso Nzambi kia a sengulula.

Izaía 14:17

Ua kitula jinga oxi kala kikangalakata, o jimbanza jê iú ua ji sengulula jinga? O jihutile jaʼxi muene ka ji ehela jinga kuiá ku mabhata mâ.

Izaía 14:5

Mbangala ia akua-phulu Muadi Jihova lelu ua i bukula, o mbasá ia atumini-a-jixi ue kiómuene.

Izaía 14:6

Ió ua kuama jinga o mundu ni ngánji, ni mabhebhu kiene kia kuata kunemeka athuʼiki uakuata, uedile o ifuẋi ua i tumina jinga ni njinda, muene lelu ue a mu tungika, ki bhuala u ki fudisa.

Izaía 16:4

Oso atungani ami, a a balakala, enzela-u a tunge muʼaxaxi kaʼxi ié; akua Mouabhe kioso ki a oseka kuala abhundi, eie-phe kala kiá u dilengelu diâ; mbata kiluami ua-nda ku kala ni sukilu diê; o dibuikilu di sasuka hé di bhua, abhondeleki a jima mbutu kulu dia mundu.

Izaía 21:2

Kisunji kiaiibha kia ngi londekeza; mukua-ufe u bhanga o ufe uene, o mubuikixi uenda ni ku buikisa; banda, eie Elame, konda kuene kuoso, eie Mediia, kuma mikemu iê nga i bhuisaku kiá.

Izaía 47:5

Xikama-phe, uile hudí, nʼu kutuke mu kikote muedi bui, eie u mona-kilumba ua jikaldeu, kuma ki bhua kà kala dingi ku ku ixana, exi: Muene mvuale ia mautuminu a jixi.

Izaía 49:26

O ió a ku bhondeleka ngʼa dikila niʼxitu jâ-ene, a kà kodiua ni manhinga mâ kala maluvu; anga xitu ioso ia kejiia kuma eme ngi Jihova, ngi Mubhuludi ué, Ngi Mukudi ué, ngi Dizonda dia Jakobo.

Izaía 51:13

Anga u jimba Jihova ua ku bhanga, uoleka o maúlu iu ua xikika oxi, anga kumbi dioso dia kambàmba uizalʼé ngó kimbuua kia mubuikixi, kia di iudika phala kubuikisa? o kiki-phe, o njinda ia ió uoso ua ku tatesele, ii kuebhi?

Izaía 51:23

Inda nga kà di tula bhu maku ma ió a ku tatesele, ambelele o muenhu ué, xi: Bhetama, tua-nda kubhita ku kunda dié; anga eie u ta dikunda dié kala mavu ma kudiata, kifua mbambe ni njila phala jingenji.

Izaía 54:14

Nga kà ku xikika ku thanduʼa uiukilu; o kubhondalala kua kà ku kala dikanga, kuma eie kuà kala dingi ni kekenha ia kima; kimbuua ki ku bhue, kana-ku dingi kizuelu kia kà ku bhixila.

Izaía 9:4

Mbata o jungu ia a xinine, eie ua i bukujula, ni mbangala ia kexi mu ku a batujula na-iu o dikunda, katé ni mbasá ia mubhikixi uâ, kala mu izuua ia akua Midiiane kia a tolola.

Jelemiia 24:9

Anga ngʼa bhakula phala nʼa kituke kima ki kuatesa uoma, kuxixima kua mautuminu moso mu ngongo, lusebu ni Sabhu, môndo ni mázui mu ididi ioso mu nga-nda ku a takuila.

Jelemiia 48:17

Mu kuatedienu henda, enuʼenu oso mua mu kala mu jimbandu jê, enuʼenu oso mua muʼijiia o dijina; zuelenu-kiu, muexi: o mbangala ia kolo, dikoue dia iuka kinéne, dia bukuka kiebhi?

Kuditenda 4:1

Kuahi ngó o kuhimba kua himbi o ulu! O ulu ua fina ua uabhele kiambote, o kiki ua lunguluka ni uene, tata! O matadi ma dibhezelu dia ngene di kola a ma muangena mu jithungi ja jinzunga joso, enu mala!

Izekiiele 5:15

O kusebuluka kué ni fuma iaiibha i ua-nda kukala na-iu, i di-bhanga disá ni kisuma ki bhekela kukakuka ku miji iengi iala mu jimbandu jé, kioso eme ki nga-nda kubhitisa o mabatuilu mami ni njinda, ni kutema ni jikaxitiku ja nguzu. Eme-muène, Jihova nga zuela.

Daniiele 2:38

Iú uedi kuene kuoso kua tungu anʼa athu, ni iama ku mukáu, ni jinjila bhulu, ua ku bhakuila-iu bhu maku mé; iú ua ku bhana u o kutena kua ku i tumina; é-muene-phe u mútue ua ulu.

Habakuke 2:17

Mukonda o usuéia ua bhange kua Libanu ua kà ku vungina eie, o kia buidisa o iama ia misalanganda kia kà ku bhekela uoma; mukonda dia manhinga ma bhubhisa ma athu ni usuéia uavulu ua bhange kulu dia mundu, ni mu jimbanza, ni ku athu oso kiá atungu-mu.

Dijingunuinu 17:6

Anga ngi mona kuila o muhatu muenhú ua kodiua ni manhinga ma akua-Ngana Nzambi, ni manhinga ma ió a a jibha mukonda a kexile jifiiele jangene ja Jezú. O ki nga zubha ku mu mona, nga diuana kidiuanau kia dikota!

Dijingunuinu 18:16

A kèla: Uaué! Uaué! O mbanza ia dikota, tata! Ua zuatele linhu ia fina, ni izuatu iòteke ni husu, ni ia kindemba kia mbudi kikusuka, ua kembele ni ulu, ni madiiamande, ni jiphélula!

Dijingunuinu 18:20

Eie u diulu, mu olele, mukonda dia kusenguluka kuê! Ni enu oso mu akua-Ngana, mu jipoxolo, mu jipolofeta, mu oledienu! Sangulukenu, kuma Nzambi ua batula! Mu ioso ia mi bhange, ua mi bhela-nê kaxtiku!