Izaía 14:30 - O Mikanda Ikola

³⁰ Jiphandekumbi ja jiphulungu a-nda kukala ni abidi, o akua-hadi azeka kilu kiambote; maji muiji ué, Fidíxia, nga kà u fuisa ni nzala, o masubhu mâ a kà ma jikinisa muene.

Izaía 14:30 ပူးပေါင်းရင်းမြစ်များ

Jobe 18:13

Anga ia kà mu dia o idiandu ia mukutu uê; xi! phande-kumbi ia kalunga-ngombe ua kà mu dia o idiandu iê.

Izaía 11:4

Maji ua kà fundisa jingadiama ni kidi kioso; oso a belesela bhoxiʼabha ua kà a bazela sé ngó katungu. Maji oxi ua kà i nemeka ni mbangala ia dikanu diê, mukua-phulu ua kà mu jibha ni muha ua dikanu diê.

Izaía 29:19

Oso a belesela a kà kala ni ngalasa, kutunda ngalasa, kuiza ngalasa, o ngalasa mua Jihova; jiphulungu ku mundu, a kà tanena kua Dilemba dia Izalaiele.

Izaía 3:14

Jihova iú uiza phala kufundisa o ikulakaji ia mundu uê ni ilamba iâ; mukonda enu muene mua jikinisa o dibhia didi dia mivide; o ima i mua nhana ku jingadiama, iii mu jinzo jenu.

Izaía 3:15

Jihova, Nzambi ia Ifuẋi, uixi; Ihi ia mi kuata, enu mua mu kuenda ni kutatesa o mundu uami, ni kututujula o pholo ia jingadiama?

Izaía 33:16

O muthu iú ua kà tunga kididi kia di-leka; disuamenu diê, o jimbongo jótunge ku matadi; a mu bhana jinga kúdia kuê, o menha mê ma kalé.

Izaía 37:30

Eie-phe o kijimbuete kié, kiki: Muvu iú mudia hanji ioso i di sabhukila, o mu muvu uiza-mu mudia kioso kia sabhuka ku ngolongo; maji mu muvu ua katatu kunenu, mu mune, phaphenu mivide, nda mudie o ibundu iê.

Izaía 5:17

Kieneʼokio-phe o ana a jimbudi, kúdia kuâ kua kalé, mukua ni mu makèla mâ; akua makanga a kèza mu dia ima ia xie mua titidila o mazonda.

Izaía 51:19

Ima iiadi iii ua bhiti na-iu muene; mukuahi ua ku kuatela o henda? O kubuika ni kusekala, o nzala ni xibhata! Nanhi ua tena ku ku konda malamba?

Izaía 8:21

Mu ngongo a kà bhita-mu ni hadi ia vulu ia ku a tatesa, ni nzala; o kia-nda ku a bhondeleka o nzala, njinda ia a kuata, o kia tala bhulu, a kà lebhula sobha iâ ni Nzambi iâ.

Izaía 9:20

O kia sutunuina ku mbandu ia dilu, nzala ki i bhu, o kia dila ku kiasu, kekuta luua: Kala muthu ua kà dia xitu ia lukuaku luê.

Sofoniia 3:12

Nga ka xisa muʼaxaxi kê ió oso a di tululula, ka moneka izala mba ukumbu, o jingadiama; ene a kà kala jinga thembu joso mu dielela o dijina dia Jihova.