Izaía 14:2 - O Mikanda Ikola

² O ifuẋi ia kà a sangesa, anga aia-nâ mu ididi iâ; anga o dibhata dia Izalaiele dia kà a vua, a kala abhika â a mala ni a ahatu, mʼoxi ia Jihova; anga a kà vua oso a a vile ene, a kà tumina o isuéia ia a talesele o hadi.

Izaía 14:2 ပူးပေါင်းရင်းမြစ်များ

Ejidala 2:65

Abhikʼâ a mala ni a ahetu ka kexile-mu, kuma ió a kexile sambuadi dia midi ni hama jitatu ni makuinhi a tatu ni sambuadi; anga a kala ni hama jiiadi ja jingimba ja mala ni ja ahatu, akua kuimba.

Jisálamu 68:18

Eie ki ua bande bhuluʼèlele, ni mu diendu dié ubhika ua u katula-mu eie ua u ambata kuma hutile ié i ua kutu; ni mahitula mé, ua ma tambula muʼaxaxi ka athu; katé ni iá a xibhakele, a xikina kiá kuila, Jihova Nzambi a tunge muʼaxaxi kâ.

Izaía 18:7

O Kifuẋi-phe kia athu a lebha, ala ni kikonda ki lujela, o mundu ua ẋinuka tundé ukulu, katé ku pholo; kifuxi kia kubhunda, a bhindamena kutumina, kifuxi ki talesa hadi, ene mʼoxi iouane ku jingiji, mu thembu ienhoio a kà bheka ujitu kua Jihova diua Ilômbo Ieta, bhu kibúta kia dijina dia Jihova dia Ilômbo Ieta, ku mulundu ua Ziione.

Izaía 31:8

O Asídia ua kà laúka ku xibhata, ki ia dikuenze-phe, kana; xibhata ia kà a jikinisa, maji ki xibhata ia muthu, kana; o xibhata iene, muene ua kà i lenga; o makuenze-mê anga a ka a tolola hé a kala mu ku a bhikisa.

Izaía 45:14

Jihova uambe kiki: Ni midimu ia Ijitu, ni mauenji ma Itiiópia, ni jisabeu, o mala alebha kitala, a kà bhita ku konda ié, a kale é-eie; a kʼendela kuema dié, a kèjiia bhu jingidinhá, a kà ku diundila; a kà ku dionda muene, ni kuila: Kidi kiene, Nzambi uala momué, kana-ku dingi nzambi iengi.

Izaía 49:22

Jihova uambe kiki: Nga kà zangula lukuaku luami, ngi lu lungisa ku ifuẋi, ngi futununa mvela iami ku ifuẋi ioso; ene-phe a kà ku bhekela anʼé a mala bhu maku, o anʼé a ahatu ejiia bhu isuxi.

Izaía 49:23

O jisobha a kà ku sasela ana; ana ilumba a jisobha a kala iledi ié; a kà ku diundila jinga ni pholo bhoxi, a kà ku lesa jinga o fufuta ia inama ié, bhene bhu ua-nda kuijidila kuma eme-muène Jihova, oso a ngi dielela eme, ka tena kukakuka.

Izaía 49:25

Maji, Jihova uambe kiki: Kidi kiene, ió a a kutu, a-nda kutunda muene bhu maku ma dizonda, o mbole ia kuata o kisuéia, ia-nda kubhulaka muene; mbata nga-nda kuzoka ni ió oso a zoka nʼeie, o anʼé nga-nda ku a kula.

Izaía 54:3

Mbata eie ua-nda kusokoloka ni ku kadilu ni ku kiasu; mbutu ié ia-nda kúvua akua-jixi, ilombo ia kexe jingùndu ene a-nda ku i tunga dingi.

Izaía 60:14

Ni ana a ió oso a ku huhile eie, a kèza ni kudiunda kokué; oso a kexe ku ku lebhula a kà ku fukamena bhu inama ié; ene anga a kà kuixana exi: Diembu dia Jihova, Ziione dia Lemba Dikola dia Izalaiele.

Izaía 60:4

Bhetula mesu mé ku mbandu joso u mone: ene-oso ia di bhongolola mu kuiza kokué, o anʼé a mala a-nda kutunda ku makanga, o anʼé ue a ahatu a-nda ku a sasela bhu mbandu ié.

Izaía 61:5

Bua kà kala jinzuangiza, ene a disa o ilunga ienu; akua makanga ene a kala idimakaji ienu, ene a tambula konda ia mábhia menu, ma mivide.

Izaía 66:12

Mbata Jihova uambe kiki: talesaze, nga-nda ku mu sanzumuina o kutululuka ku thandu diê mukuâ ni ngiji, ngi mu lunduluila ue o fuma ioso ia akua-jixi mukuâ ni honga ia ẋamujuka ni menha; kienhokio mua kʼámua kala kamona bhu jihata, a mi ambatela bhu maku, a mi lela bhu jihata.

Jelemiia 30:16

Maji oso-phe a kúdia eie, ene a-nda kua kà diua uâ; o jinguma jé joso a-nda kuia ku ubhika ene oso; oso a ku nhana eie ene a-nda ku a nhana ue; oso a ku bhunda eme ue nga-nda ku a bhakula mu kubhunda kuene.

Jelemiia 49:2

Uila kiki, Jihova uixi: Talesa, izuua í iza, mu Labáh dia anʼa Amone, nganda kuivisa-mu kikoue kia ita, anga mu di bhanga ndunji ja maxita o ididi iê ia tumina jinga a ka ioha mu túbhia; anga Izalaiele ua kà lundula oso a mu lundula muene, Jihova ua ki tange.

Izekiiele 39:10

Kà kʼeza dingi ni jihuinhi mu ditutu, mba a kà ẋanga mu mixitu, maji o mata ene kiá a kà uika-na-u o túbhia; hé a kʼènda ni kunhana kua ió oso a a nhana jinga ène, anga a kà bhûnda ue kua ió oso a a bhûnda jinga ène, kuma Jihova Nzambi ua ki tange.

Daniiele 7:18

Maji o athuʼê angene a Suke-ku, ene a kà tambula ungana, anga a u vua kiá muene katé ku hádia ni hádia.

Jouele 3:8

O anʼenu a mala ni anʼenu a ahetu nga-nda ku a sumbisa bhu lukuaku lua anʼa Juda; o ene uâ anga a sumbisa dingi anʼenu ku muiji ua masabeu, muiji ua di takula dikanga, kuma Jihova ua ki tange.

Ijila 25:44

Mubhika ua diiala mba ua muhatu, se ua mu bhindamena mu sumbe-phe ku miji iengi ia akua-fola, ió a mi kondoka,ʼó; o kua ene kuene ku mu sumba jinga abhika a mala ni a ahatu.

Obadiia 1:17

Maji-phe ku mulundu ua Ziione kua kala kubhanduluka; kuá kala kuiuka kuma mulundu ua kà kala mulundu ukôla; anʼa Jakobo a kà lundula mabhata mâ.

Zakadiia 2:13

Xitu ioso i di xibhe bhu pholo ia Jihova, kuma muene ua balumuka mu kibuta kiê kikôla.

Zakadiia 2:9

Mukonda, talenu-phe kiá: Nga kà zenga lukuaku luami ku thandu diâ ene, ene anga a kà kituka mbole ia enhó a kèxile mu ku a bhikila. Kienhókio kiene enu ki mua kà kʼijiia kuila Jihova dia Ilombo muene ua ngi tumu.

Luka 12:45

Mubhika ió-phe, kià kela ku muẋima uê: Ngana iami ua kokoloka mù kuiza, anga u kuata kubeta abhika ni akuâ, a mala ni abhikʼa ahatu, ni kùdia ni kùnua ni kudodiua;

Loma 15:27

Ene-muene a solo kubhanga kieniiki. Kia a uabhela, maji kia a tokala ue o ku ki bhanga, mu kubhindumuna oso a tate. Kuma o Jijudé se a uanena akua jixi jengi o mabesá mâ ma Nzumbi, ene uâ a tokala ku a bhindumuna ni ima iâ ia mabesá ma xitu.

II Kolindo 10:5

ni ima ioso ia ukumbu ua xitu ki i ehela athu kuʼijiia Nzambi. Tu tolola ixinganeku ioso ia athu phala nʼa tumaka Kristu.

Ngalásia 5:13

Kuma enu, jiphange, a mʼ ixanena kukala mu jifôlo. Maji o ku ofôlo uenu ki mu katule-ku maditatu ma kuehela o jihanji ja xitu ku mi tumina, maji muenda ni ku di bhikila mudienu ni henda.

Efezo 4:8

Kiene ki ambe o Mikanda Ikôla, exi: Muène kia bande o ditala dia di leka, uambata jihutile javulu, o athu ua a uanena maujitu.

Dijingunuinu 3:9

Ivua! Enhó a tokala ku kibuka kia Satana, a mu tanga exi tu Jijudé, mbé ki Jijudé, kuma ala ngó akua makutu, talesa, nga-nda kubhangesa kuila enhó eze, a ku bheze bhu inama ié, nda oso a kʼijiie kuila eme nga ku zola.