Izaía 14:12 - O Mikanda Ikola

¹² Ná théthembua ia kimene, tata, mona-kilumba ua tomboka muʼamene-mene, ua laúka kiebhi ku diulu? Eie ua kexe ku bulukutisa akua jixi, mbé lelu a ku lundumuina bhoxi?!

Izaía 14:12 ပူးပေါင်းရင်းမြစ်များ

Izaía 13:10

Mbata o jithéthembua ja diulu ni ibalaʼkumbi iê, ia kà lémbua kumuika ni mukengeji uâ; dikumbi dila di mateka kutunda, dia vunduʼé kiá, o mbeji ue ki ia kà bhana dingi mueji.

Izaía 34:4

O ilômbo ioso iene bhulu ia kà buika, o maulu má kà di-futa-futa kala ndunda ia divulu; kilômbo kiê kioso anga ki laùka kala ki laúka dife ku muvide, mukua ni ki sonoka o kibundu ku mufiku.

Jelemiia 50:23

Kiṗhuṗhilu kia ixi ioso a ki batula, a ki bukujula, tata! Babilonha ua kituka kiebhi kidiuanu mu kaxi ka miji!

Jelemiia 51:53

Mukonda nê-mbe hanji o Babilonha u banda katé ku diulu mba u kolesa o kitala kia kimbaka kiê, kokuami muene hanji kuene ku tunda oso a mu tulukila phala ku mu muanga, Jihova ua kiʼambe.

Kuditenda 2:1

Kuahi ngó o kutema kua Jihova, kua bhingi mu njinda iê monʼa kilumba ua Zione ua mu vungina kiki mu ifuke! Kijingu kia Izalaiele, kia suile o mbambe ni diulu, kiki-phe Jihova ua ki zubila bhoxi; kizuua kia mu kuata o kutema, ka lembalala dingi o mbenza ia kutula o inama iâ.

Izekiiele 26:17

Hé a kà ta mbùndu ia ku ku dila, ni kuila: Kia bhiti kiebhi o kujikinisa, eie, tata, ua tungile kiambote, u mbanza ia fumana, ua kexile u kindanda mu musanza ua kalunga; eie ni athuʼoso a tungile momué, mua kuatesa jinga uôma ku oso eza ku mi hindula a tunda o makanga!

Obadiia 1:4

Né u di leka kala holokoko, ni u te kikalanga kié mu jithéthembua, kuenhoko nga kà ku lundumuna-ku, kiene kiambe Ngana.

Luka 10:18

Muène ua ambela uixi: Kiene muene! Eme nga muene Satana ua laúka ku diulu kala nzaji.

II Phetele 1:19

Mukonda dia kienhiki, o maka ma tanga jinga o misésedi, tua beta dingi o ku ma dielela kiavulu. Enu uenu mua-lu bhanga kiambote, o ku mʼaluka, enhá. Mukonda ene a di bhange mukuâ ni kandeia ka muikina mu kididi kia vundu, katé kikia o kizuua, anga o mukengeji ua thethembua ia kimene, u muikina mu miẋima ienu.

II Phetele 2:4

Kuma Nzambi kia kambele kuehela ji-anju ja tele kituxi, maji ua ji kaiesa katé mu ifernu, iú ua ji kuikila ku malubhambu mu makungu ma usuku katé bhu kizuua kia kufundisa.

Dijingunuinu 2:28

Ngi mu bhana théthembua ia kimene.

Dijingunuinu 22:16

Eme, ngi Jezú, nga tumu anju iami ku mi bhana umbangi ua imʼiii mu jingeleja. Eme ngi lundânji, nga tokala ku luvualu lua Davidi. Eme ngi théthembua ia kubenha, i muika mu kimene.

Dijingunuinu 8:10

Anju ia katatu anga u xika o koloneta iê. Anga ku diulu ku lauka théthembua ia dikota, ia uama kala sama ia túbhia, anga i laukila ku thandu dia mbandu ia katatu ia jingiji, ni jithu ja menha.

Dijingunuinu 9:1

Anju ia katanu anga u xika o koloneta iê. Anga ngi mona o théthembua ioio ia kexi ku diulu íi ia lauka bhoxi, ienhiʼii a i bhana o sabhi ia mukiukuluku.