Izaía 13:8 - O Mikanda Ikola

⁸ Bhuà kala kubhondalala, misusu ni malamba, kikote, mukua ni muhatu uala ku mika ia kuvuala; kala muthu kià mona mukuâ ua kà sasumuka; jipholo jâ, ja kà lekujuka.

Izaía 13:8 ပူးပေါင်းရင်းမြစ်များ

II Jisobha 19:26

Kienʼiki-phe ió oso à tungu momo, ni maku mʼokotole, a xalela ni kimbuua ni sonhi; edi kala iangu mu mukáu, mukuá ni jindombe ja uisu, mba iangu bhu thandu dia jinzu, a di fuangana tiliku ia uohe kuila kiluua i kusuka.

Jisálamu 48:7

Eie, hinu ua kà bula o jinaviiu ja Talxixi, u ji muanga ni kitembu kié kiasuína kia mubhetukila-kumbi.

Izaía 26:17

Kiadifu ni muhatu uala mu mikutu iiadi, o kieza ku isenda, misusu ia ku vuala i mu kuata, anga u dikola-kola mu jindolo jê, kiene ue ki tua kexe etu, Jihova, bhu pholo ié!

Jelemiia 13:21

Ua-nda kuzuela kiebhi, kia-nda ku ku tela o makamba mê enhó ku thandu dié phala ku ku tumina? Oko eʼmuene-muène ua a longo-kio kia ku ku bilukila? Abha o misusu ki ia-nda ku kuata kala muhatu uala ku mika ia kuvuala.

Jelemiia 30:6

Ibhulenu-phe, mu mone, se diiala u kala ni mika ia kuvuala. Phalaʼhi-phe nga lu mona mala oso a di kuata maku mu miongo kala muhatu ua-nda kutula mona bhoxi? Abha phalaʼhi, pholo joso ja kituluka ni ku di suuata?

Jelemiia 4:31

Mbata ngala kuivua kiá mbimbi mukua ni muhatu uala ku isenda, mika kala ia ió u vuala mona ua phande-kumbi; diene o dizue dia mona Ziione ua muhatu, uiza ni kuhaha, iú ua mu sunununa o maku, uixi: Uaué! Kindala kokolo diami: mukonda o muenhu uami uambuka bhu pholo ia ijibhanganga!

Jelemiia 46:5

Mukonda diahi nga mu mona akua uoma kubhana-ku makunda? Mazonda mâ a ma tolola, o mu kulenga ka mu tala dingi kuema; kuma uoma uavulu ua a kuata ku mbandu joso— Jihova ua ki tange.

Jelemiia 48:41

Jimbânza a ji tambula, o jimbonge a ji bhundu, bhu kumbiʼ-ʼodio o muẋima ua mazonda ma Mouabhe, ua kà di bhanga kala o muẋima ua muhetu kia kala bhu mika ia kuvuala.

Jelemiia 49:22

Tala-phe, ua kà banda kala holokoko, u tuka, uoleka mabhabha mê ku thandu dia Bozola; o muẋima ua mazonda ma Idomo, mu kizuuʼokio, ua kèla kala muẋima ua muhetu uala bhu mika ia kuvuala.

Jelemiia 49:24

Damasku ua iokojoka; ue te-ku dikunda phala kulenga, kiteketela kia mu kuata; kimbuua ni misusu ia mu tambula mukutu uoso kala muhatu ua mu vuala.

Jelemiia 50:43

Sobha ia Babilonha uevu fuma iâ, o maku mê iá a botomoka; kimbuua kia mu kuata, kua muiza misusu, kala muhatu ua-nda ku vuala.

Jelemiia 51:30

O mazonda a Babilonha kubhânga a kuʼeha, a di jikila mu imbaka, nguzu iâ ia zondo, a biluka kala ahetu; o mabhata mâ a mʼoha mu túbhia, sabhi jâ a ji bukujula.

Izekiiele 20:47

Uambele o ditutu dia Sulu kuila: Ivua o maka ma Jihova: Jihova Nzambi uambe kiki: Tala, o momuʼé nga-nda ku bambula-mu túbhia tua ka jikatesa o miẋi ioso ia uisu ni miẋi ioso ia kukuta; o mulengu uia ni kulekujuka ki ua kà jima dingi, inda o pholo joso ja kà jokota ni mulengu uenhó tundé ku sulu katé ku suku.

Hozeia 13:13

Hinu ku mu tulukila misusu kala mika ia muhatu uala ku isénda, o mu kuvuala-phe u vuala kilalu kia mona, kuma ka bhiẋila luua bhu kithangana kia ku mu vuala nʼa tunde ku kanga.

Jouele 2:6

Bhu pholo iâ, ifuẋi ioso ia kà kala ni uôma; pholo joso ja kà kituluka kala njilu ia ímbia.

Nahumu 2:10

Ninive ia xala ngó, loló! A i bhûndu, a i nhana, a i muanga-muanga, la di bhange ngundu muene! Muẋima ua botomoka, o jiphuna ji ji di beta-beta, mu miongo ioso muezala misusu, o jipholo jene joso ja kakuka, ja lombo.

Nzuá 16:21

Muhatu kieza mu kuvuala, u kala ni malamba, mukonda kumbi diê dia mu iza dia kutala hadi. Maji o kia zubha-phe ku di sanza, ka xinganeka dingi o kukata, mukonda dia kutanena o mona ueza mu ngongo.

I Tesalonika 5:3

Bhuala kuila athu: Kuma kua batama, kua tululuka, a kà tukumuka kibuika kiâ kia tula! Kia kà kala ue mukuâ ni muhatu ki mu kuata o mika ia kuvuala, kana bhuma bhua bhitila nʼa lenge.