Izaía 13:22 - O Mikanda Ikola

²² O iama ia makanda, idila kala imbùngu, ia kènda ni ku di-handekela nʼakuá mu mazemba mâ ma xiala ngó jingundu, o mabheku ue ma kà nanga jinga mu mazemba ma matonokenu mâ; kuma-phe o kithangana kiâ kia zukama kiá ni izuua iâ ue ki ia kà vula dingi.

Izaía 13:22 ပူးပေါင်းရင်းမြစ်များ

Jisálamu 44:19

Kia bhiti kiebhi, ki ua tu tolojola kiki? Tua batukila bhu kididi kiala kubuzila o jimbulu, ua tu vungu kitombe kia kalunga.

Izaía 14:23

Muene nga kà mu kitula undundu ua tuhombo ni inzunzu, u di bhanga izanga ia menha; anga ngi kuata kiezu kia dibuikilu ngʼa kombela mu dibuikilu, eme Jihova dia Ilômbo.

Izaía 25:2

Kuma mbanza ua i kitula ndunji ia matadi, o mbanza ia di-fikidila ni kimbaka ua i bhange ngundu-élele; o kilômbo kia jinzuangiza phala ki ki kale dingi mbanza, ka kà tona dingi ku ku tunga.

Izaía 32:14

Mbata dizemba dia kà xala ngundu, muxindu ua diembu ua-nda kubhua-ku; Ofele, ni tuthondo tua tungudita tua alangi, tua kà xala jingenda katé ku hádia, tu kala phala matonokenu ma mikete ku mukáu, ni makêla phala ibhaku,

Izaía 34:13

O mu mazêmba mê mua kà sabhuka minha, ni kasausau ni kisoma u i sanga mu jimbonge jê; ia kà kala ibuta ia mabheku, dinangenu dia anʼa kihendembumba.

Izaía 34:14

O jimbulu ni jingato ja isangu, muenhumu ja kà takana bhuamoxi; o madimonho à kʼenda ni ku di handekela; o ima ienda usuku ia kenda ni kubutama muenhomo, a sanga-mu kibuta kia ku nhohena.

Izaía 35:7

O ixi ia kukuta ia kà di-bhanga izanga ia menha, o mikáu ia thothuena muiza majiia a fuáfua menha; o mu ididi muoso mua tungile o mabheku, mua kà sabhuka iangu ni madianga, ni jimbamba.

Izaía 43:20

O iama ia mukáu ia-nda ku ngi bhikila jinga, ni jinhoka ni anʼa kihendembumba; kuma nga-nda kuta menha-mu-menha mʼoxi ia kisekele, ni jingiji ji kunguluka mu dinhana, phala kunuisa povo iami, o mundu uami u nga tungula.

Jelemiia 48:16

Kujimbila kua Mouabhe kueza kiá, o hadi iê ia lenguluka kuiza; o hadi iê iza muene lusolo.

Jelemiia 51:33

Mukonda Jihova dia Ifuẋi, Nzambi ia Izalaiele, uambe uixi: O monʼa kilumba ua Babilonha uedi kala dizanzu (kienda) bhu kumbi dia kuvunda jimbutu; kua mu xala ngó kithangana kumbi dia kumuna di bhixila.

Jelemiia 9:11

Jeluzaleme-phe nga-nda ku mu kitula jindunji ja matadi, dibhata dia midikixi, o madiembu ue mu Juda, ngi maxa jingundu, katé ki mu kala dingi muthu u tunga-mu.

Kuditenda 4:3

Katé ni mabheku ku mukáu a bheteka o thulu, anga amuisa anʼâ; maji o kilumba kia mundu uami, ua biluka kisuéia kala kihendembumba mu kikangalakata.

Mikeia 1:8

Mukonda dia kiki nga kà di ta mutendu, nga kà buza, nga kʼenda kala muthu a mu bhûndu, ua xala tuẋi; nga kà di ta mutendu kala ki bhanga o jimbulu, nga kà dikola kala kihendembumba.

Habakuke 2:3

Mukonda kisunji kiki kia-nda kubhita bhu thembu ia tokala, ni kidi muene kuma bhu thembu iaxindi kia kà bhita muene, ki ki fulu, kana; se ua mono kia laleka mu kuiza, eie-phe kinga na-kiu, kuma ni kidi muene kia kà bhita, ki kia-nda ku kokoloka, kana.

Sofoniia 2:14

Mu kaxi kâ mua kà di bhanga dikèla dia kunhohena jimbudi ni ibhaku ioso ia athu; o iama ia mukáu ue, muene mu nangu diâ; o isaka ni minzoue ia kà tunga mu jinzo ja thandu, dízui dia kuimba kuâ a divila mu jinjanela, o bhu mielu bhua kà di bhanga maxita, mukonda o maleka ni huua ia sédulu kʼonzo a i katula-ku kiá.

Matendelelu 32:35

Phonzo ia ngi tokala eme, eme-muène ngi futa bhu kizuua kiê; sai bhuoso mungu bhua kà ẋangumukina o dikanda diâ; mbata o kizuua kiâ kia kusenguluka kiazukama. O ima-phe ia-nda kubhita-na-iu kindala ia-nda kuiza muene, ki i kokoloka.

II Phetele 2:3

O mu luimbi luâ lua kitadi ni kuzuela kuâ kua ku di dinga, a kà mi ta uenji. Enhó tunde okulu o kuêla kuâ ki ku kokoloka, o kubuika kuâ ki ku zeka!